¹ " Barra malaikat Jemaat ne Efesus tulissawe: ne niawe pateki Niana terrege pittu bintang ne limma kawano-Na monno a kako ne tillu pittu gha'i dian amarara ghetti: ² Zauwa paddege ngarakua papaghilli monno karoduka wekimu monno manunnamu, neka ghinna yemmi a da tarra barrana a bokala, monno yemmi biuji ata-ata a tekiwe touna rasul,* takka aghina takkama ghida da rasulki, monno koledi ghidda palsu. ³ Yemmi biterrege manunna monno pattu wekina tagu nagra-Gu monno dikenalke cape. ⁴ Ghinna takka, Zauwa tegurrami orona yemmi bi gaige manawaramu ne ghettipona. ⁵ Orona ghetti, lolowe wali barra yemmi biwarraka monno tobatta serta birawige appawe ne yemmi papaghilli mi wali awala. ga'i nia, Zauwa ammiga barramu monno dekewe gha'i dianmu wali padouna, kecuali yemmbi bertobat. ⁶ Ghina takkawe, ne niawe ne yemmi baterrimi: yemmi bibuttuge ate parawida-parawida ngara deku Nikolas, nia kaina pabutugu ate. ⁷ Nia a terrena katillu ga'iku kanareghe appa nepatekina Roh* barra jemaat-jemaat. barra nia amenanga, Zauwa a yawe a'a wali pu'u ghayu moripa a gha'ina ne omana Mori." Zurata barra Jemaat ne Smirna ⁸ " Monno, barra malaikat Jemaat ne Smirna: ne niawe pateki wali a ullu monno a kadukkana, a meteba monno moripa Bali: ⁹ Zauwa paddege karegu monno karebamu, takka sebenarnya yemmi kaya! Zauwa paddege teki dua ne papazagada barramu tagu da ghida atekiwe tauda ata Yahudi, takka sebenarnya indaki, ne ghinnawe sinagoge Kaballika. ¹⁰ Duma dautakana appawe ne pakarodukamu. etawe. Kaballika na letodi ghida pirra ata walina yemmi ne golludana ga'ika ujimi, monno yemmi bi alamiwe ne aniaya neka bullu lodona. setiaghu lappata mate, monno Zauwa Ku zawe barramu mahkota moripa. ¹¹ Nia aterrena katillu ga'iku kanarengewe appa patekina Roh barra jemaat-jemaat. ata amenang dana mateki karoduka dana tagu mate a doda." Zurata barra Jemaat Ne Pergamus ¹² "Monno, barra malaikat Jemaat ne Pergamus tulissawe: Ne niawe patekina Nia aterrena katopo atara a gha'i mata doda: ¹³ Zauwa paddege ge niage padou dangimu, ne padouna kaballika bagha'i; takka yemmi bi terrege ne ngara-Gu monno dappa menyangkalke atewai-Gu barra neghe zaman Antipas, saksi-Gu a setia ne papamateda netillumu, padouna kaballika bana dangi. ¹⁴ Niawe, Zauwa mapalolodangago orona gha'i pirra ata ne tillu a deku pateki Bileam, a tekiwe Balak tagu tauwe sandungan ne arona ana-ana Israel,* tagu a'a panga'a pabarada barra kaballika* monno rawina bokala-bokala patokana. ¹⁵ Ne ghinna kaina, gha'i pirra ata ne tillu mi a terrege neghe pateki Nikolaus. ¹⁶ Orona ghetti, bertobatlah! Badaniako, Zauwa mai mema barramu monno memerangi ghidda monno katopo ngada dana-Gu. ¹⁷ Nia a gha'ina katillu ga'iku renghewe appawe ne patekina Roh barra jemaat-jemaat barra nia a menang, Zauwa a yawe manna* a dapa etana; monno Zauwa a yawe barramu a ia watu kaka, monno a ia ngara baru atertulissa barra watu ghetti, a da ia atapunnuki apaddege kecuali ata a dieba." Zurata Barra Jemaat Ne Tiatira ¹⁸ " Monno, barra malaikat jemaat ne Tiatira tulissawe: ne niawe patekina Anai Mori, neghe mata-Na azama wegarra api monno neghe gha'i-Na wegarra azama tembaga barra api bangata: ¹⁹ Zauwa paddege parawi-parawimu, manawara monno ate waimu, pelayananmu monno tabahmu, monno ne panghilli-panghillimu ne kadukkana alewata ne a ullu ba. ²⁰ Niawe, Zauwa palolodangago orona yemmi biga'i na manghinne Izebel ghetti, a mangaku diri ata nabiah, paneghe monno menyesatkan pelayan-pelayan-Gu gaika zinah monno a'a panga'a ne pamara bada barra marapu. ²¹ Zauwa Ku yaba waktu bi bertobata, takka nia dana beikina bertobata wali zinana. ²² Etawe, Zauwa Kuletoni nia ne ponnu padou dura karoduka monno ghida a berzina* barrana ku letoni ne barra karegu kalada, kecuali ghida a bertobata wali parawi-parawi manghinne ghetti. ²³ Monno, Zauwa ku pamate ana-anana monno mate; monno ngarakua jemaat na paddege ba Zauwa a nungai papangada monno ate ata, mono Zauwa a yawe barramu masing-masing ne menurut parawimu. ²⁴ Niawe, barra yemmi a wedeka ne Tiatira, a dadekuge ne pateki ne, a da paddege ne akabunni-akabunni kaballika, Zauwa kutekiwe: Zauwa daku ga'ikige benan wede barramu. ²⁵ Ghinna takka, terre takkge barra appawe neghe yemmi pakolemi banemmi Zauwa ba ammiga. ²⁶ Monno, barra ata a menanga monno arawige panghilli-panghilli-Gu dukki kadukkana, Zauwa ku yawe kuasa barra bangsa-bangsa, ²⁷ Monno ghida a pareta bangsa-bangsa ghetti Monno tokko bei, pubuka berkeping-berkeping azama tembikar tukang periuk, orona Zauwa kaina a deiba kuasa wali Ama-Gu. ²⁸ Monno, Zauwa a yawe barrana madubu timur. ²⁹ Nia a terrege katillu gaika renghewe appawe ne patekina Roh barra jemaat-jemaat."