Yohanes Napajelas Tagu Zurata Ne ¹ Patekina a walina Yesu karittu, pa yana Mori barra-Na tagu boghoge barra atapapatuka-atapapatu-Na neghe hal-hal a segerah terjadi. Yesu karittu nayawe pateki ne paledei malaikat-Na gai kapadukige barrai Yohanes, atapapatuka-Na. ² Yohanes na jadi saksi li'i Mori monno kaina Yesu karittu, neghe ngarakua nia a etawe. ³ Pamiringhi ata a bacawe ne li'i akawaro Li'i nubuatan ne monno pamringhi kaidi ghida a renghewe monno arawige appawe neghe patulisa ne barrana,orona nerapa na tukebawe. Salam Yohanes Barra Pittu Jemaat di Asia ⁴ Wali Yohanes, barra pittu Jemaat a ghaina ne Asia. kanurru monno magheghera ate tagumu wali Nia a ghaina, a ghaina bana, monno nemi amai; serta wali pittu roh a ghaina diaro takhta-Na ⁵ Monno wali Yesu Karittu, saksi a setia, a ullu punnu kede wali tillu ata mate monno penguasa barra tokko-tokko ne ponnu tana. tagu Nia. a manawarada ghitto monno apazalada ghitto wali nirraka neghe Ra'a-Na, ⁶ Monno na rawida ghitto menjadi ia kerajaan, imam-imam tagu Mori monno Ama-Na, tagu Niado kemuliaan monno kekuasaan dukki moriwali-moriwaliwe.* ⁷ Etaza, Yesu ammi neghe karoba-karoba, monno ngarakua mata a eta Nia, lappata ghida a dukabaza Nia; monno ngarakua bangsa ne ponu tana akalango orona Nia. Ya, Ne na terjadiwe Amin. ⁸ " Zauwa niadona Alfa monno Omega, Li'i Maramba Allah, a ghaina, a ghaibana ne, monno nemmi amai, a berkuasa." Paetana Yohanes Tagu Ana Atapia ⁹ Zauwa, Yohanes, oledadi monno oleh atamu a deke tagu ne kesusahan, neghe kerajaan, monno neghe ketekunan ne barra na Yesu, a ghaina ne pulau ne patekida Patmos orona Li'i monno kesaksian Yesu. ¹⁰ Zauwa papakuasada Roh* ne lodo a Maramba, monno zauwa arengewe li'i li'ina wali liragagu nezama punni trompet, ¹¹ A tekiwe, " Tulissawe ngarakua ne yemmi paeta ne'e a ia buku monno pangidige ghetti barra pittu Jemaat: Efesus, Smirna, Pergamus, Tiatira, Sardis, Filadelfia, monno Laodikia." ¹² Niawe, zauwa agillakana ba etawe ne li'i a paneghe barragu. ba zauwa gillaka, zauwa eta pittu gha'i dian amarara, ¹³ monno ne tillu-tillu gha'i dian ghetti, zauwa eta ata is nazama Ana Atapia,* natau Juba dukki barra gha'ina monno ia ingi bale amarara ne tuku ngau-Na ¹⁴ Katowa monno loge-Na nakakage napa ghaina hullu bebe, nakaka salju; monno mata-Na na zama wegarra api. ¹⁵ Ghaina na kilata azama tembaga a membara ne apidana monno li'i-Na azama kataraka we'e bokara. ¹⁶ Ne limma kawano-Na pittu bintang monno wali ngada-Na alouza a ia katopo atara a gha'i matana doda, monno muka-Na na bercahaya azama mata lodo a maretika ¹⁷ Ne zauwa aeta Nia, zauwa awaraka ne gha'i-Na azama ata mate. Niawe, Nia nata'i limma kawano-Na ditogona monno na paneghe," duma dautakana; zauwa dona aullu monno a murri, ¹⁸ Monno a moripa. Zauwa ku mateba, takka etawe Zauwa Ku moripa ne'e moriwali-moriwali, monno Zauwa Ku terrege kunci maut monno kunci Hades. ¹⁹ Orona ghetti, tulissawe ne hal-hal ne pa etamu, monno hal-hal a dadi ne maghinna monno hal-hal a dadiba. ²⁰ Neghe niawe amaurri tagu pittu bintang ne yemmi pa etami ne limma kawano-Gu monno pittu bintang ghetti niadona malaikat wali pittu Jemaat; monno pittu gha'i dian ghetti neghe pittu Jemaat."