¹ Niadowe, zauwa eta langita a baru monno ponnu tana a baru. Niawe, langita a ullu monno ponnu tana a ullu na lenyapba; monno Bonnu da'ibakige. ² Niaka, zauwa eta kota a zingira, Yerusalem a Baru, burru wali langita, wali Mori, monno a siapdi patudda pengantin manghinne a berdandan tagu alaummana. ³ Zauwa reghewe li'i a Katrina wali takhta na paneghe, " etawe, kemah Mori ne'ege ne tillu-tilluna atapia. Nia a dangi ditilluda ghidda Monno ghidda a jadi umat-Na. Mori douna a gha'ina ne tilluda ghidda monno jadi Morida ghidda. ⁴ Nia na opi setiap we'e matada wali mata da ghidda maut da'i bakige da'i bakige perkabungan, ghi'o, atau rasa karoduka Orona ne mado,i na berlaluba." ⁵ Nia a madi'i ne takhta netti paneghe, "etawe, zauwa apajadi ngarakuana nabaruwe!" pateki-Na, "tulissawe ne orona pateki-pateki ne dapat bawaige monno naduawe." ⁶ Ne baghinnawe, Nia paneghe barragu, " Na selesaiba! Zauwa Alfa monno Omega, a ullu monno a murri. Zauwa a yami paenu barra ngara ata a maro'u wali mata we'e ne moripa a cuma-cuma. ⁷ Nia a menang na warisi ngarakua ne; Zauwa jadi Morina monno nia akan jadi ana-Gu. ⁸ Ghinna takka, ghidda a madauta, da percayake, monno keji; pamate ata, ata-ata sundial, tukang sihir, * para akaghodo barra marapu,* monno ngarakua ata teki dua a kole na bagian da ghidda barra Bonnu a wegara-wegara Orona api monno belerang. ni niawe mate kadoda." Yerusalem Baru ⁹ Niaka ghinnawe, ia wali Pittu malaikat a terrege Pittu cawan a penny waina Pittu bencana dukka netti ammi monno paneghe barragu, " Mai, zauwa a tunjukka barramu pengantin manghinne, maghinnena Ana Bebe netti." ¹⁰ Niaka, nia naghiddiga ne barrana Roh menuju ne ia gunung a kalada wali atena monno madetana,serta natunjuka barragu kota suci netti, Yerusalem, a burru wali langita, wali Mori, ¹¹ Bonnu waina kemuliaan Mori monno pangewalana azama permata a boto welina, azama permata yaspis, dingira azama Kristal. ¹² Kota netti gha'i tembok a kaladana monno madetana monno kabullu doda binna gerbang. barra binna-binna gerbang netti gha'i kabullu doda malaikat monno ngara-ngara tertulissa ne togona, niado ngara kabullu doda suku Israel.* ¹³ Gha'i touda binna grbang ne sebelah utara, touda binna ne sebelah selatan, monno touda binna ne sebelah barat. ¹⁴ Tembok kota netti a terrena kabullu doda watu pondasi monno ne Togo watu-watu pondasi netti tertulissa ngara kabullu doda rasul* Ana Bebe. ¹⁵ Malaikat a paneghe barragu netti a terrena ia tokko pengukur ne parawida a walina ammarara tagu mengukur kota netti, binna-binna gerbang na, monno tembokna. ¹⁶ Kota netti berbentuk segi pata, malouna zama ne lebarna. Nia a ukurrra ne kota netti waina tokko, Kabul doda rata stadia; malouna, gallara, monno madetana zama. ¹⁷ Niaka, nia ukurra tembok kota netti, ngau pata kabullu pata hasta, menurut ukuran atapia, ne Kaina azama ukuran malaikat. ¹⁸ Tembok kota netti parawida wali permata yaspis monno kota netti parawida wali ammarara murni, sebening kaca. ¹⁹ Pondasi tembok kota netti nadedewe ne Togo ngarakua jenis permata a boto wellida. watu pondasi a pertama niadona watu yaspi, a kadoda watu safir, a katoudana watu mirah, a kapatana niadona watu zamrud, ²⁰ A kalimmana watu unam, a kaenne watu Sardis, a kapittuna watu ratna cempaka,a kapoddona watu beril, a kaiwwana watu krisolit, a kabullu watu krisopras, a kabullu ia watu lazuardi, monno a kabullu doda niadona watu kecubung. ²¹ Kabullu doda binna gerbangna niadona kabullu doda mutiara, masing-masing binna gerbang paduada wali ia mutiara. lara kota netti parawida wali ammarara murni, sebening kaca. ²² Zauwa dakku etaki Bait Mori* ne barrana kota netti Orona Maramba, Mori a terrena kahukku, monno Ana Bebe niadoudona Bait Mori kota netti. ²³ Kota netti dappa perluki mata lodo atau ghulla tagu pamangewala Orona kemuliaan Mori namangewala kota netti monno Ana Bebe niadona lampuna. ²⁴ Bangsa-bangsa na kokowe barra mangewala kota netti monno tokko-tokko ne ponnu tana a ghidiwe kemuliaan da ghidda. ²⁵ Binna-binna gerbang na da pernaki batodiwe ne loddo dana, monno da'iki gede dana netti na. ²⁶ Ghidda a ghidi kemuliaan monno pangakadana bangsa-bangsa ne barrana ne kota netti. ²⁷ Niaka, da'iki ia a najissa a tama ne barrana kota netti, monno ata a rawige hal-hal keji atau arawige boto, ba niakina ne ngarana atertulissa ne barra zurata bia moripa Ana Bebe.