¹ Niadowe, malaikat netti patunjukana barramu loko we'e moripa, a being azama kristal, mengalir wali takhta Mori monno Ana Bebe ² Ne tillu-tillu lara kota netti. Ne kadoda sisi loko, dadi pu'u hayu moripa a menghasilkan kabullu doda jenis ghua monno menghasilkan ghuana setiap ghulla. Ro'o-ro'o netti awaidi tagu palangadi bangsa-bangsa. ³ Da'i dommo baki kutuk, takka takhta Mori Monno Ana Bebe ne gha'ige ne barrana kota netti. Atapapawede-atapapawede a kaghodo barra Nia. ⁴ Ghidda a eta mata-Na monno Ngara-Na a tertulissa ne koba matada ghidda. ⁵ Gede da'i dommo bani niaka ghidda da perluba wegar lampu atau mata lodo Orona Maramba Mori a pamangewaladi ghidda a pareta moriwali-moriwali. Maina Yesu karittu ⁶ Malaikat netti na paneghe barragu, " ngarakua paneghe ne dapatba waige monno na benarra. wali roh para nabi,* atukai malaikat-Na tagu boghoge barra atapapawede-atapapawede-Na appawe ne a terjadi. ⁷ Renghewe, zauwa segera ammiga! Pamaringhi ata a dekuge paneghe-paneghe nubuatan* zurata bia ne." ⁸ Zauwa, Yohanes, a reghewe monno eta ngarakuana netti. ketika zauwa reghe monno eta ngarakua, zauwa kaghodo tagu deika ne gha'ina malaikat a boghoge ngarakuana netti barragi. ⁹ Namun, nia paneghe barragu, " durawi kage netti! Zauwa kaina atapapawededa zama do yemmi monno oledadi-oledadi para nabi, serta tagu da ghidda a deku takkage paneghe-paneghe ne barra zurata bia ne. deikana Mori!" ¹⁰ Niaka niawe, malaikat netti paneghe barragu, " dusegelka paneghe-paneghe nubuatan ne Zurata bia ne orona waktuna na tukkeba." ¹¹ Ga'iku ata a rawige bokala kaengage rawige a bokala, ata a da zingira enga da zingira, ata a rawige Nadia tetap barawige adua, monno ata a zingira tetap pazingira touda." ¹² " Renghewe, Zauwa ammi memaga! Monno, Zauwa ku ngidiwe upah-Ku, tagu balassa setiap parawida ata menurut parawi douda. ¹³ Zauwa niadona Alfa monno Omega, a ullu monno a kadukkana, a ullu monno a kadukkana. ¹⁴ Pamarighidi ghidda a wanuge jubada ghidda niaka ghidda a terrena pu'u hayu moripa netti monno tama ne kota netti melalui binna-binna gerbang na. ¹⁵ Ne gounga kota netti niadona magga-magga, ata a rawige sihir, ata-ata cabul, para pamate ata, para deikat marapu, monno ata-ata a beina boto. ¹⁶ Zauwa, Yesu, a patukadi malaikat-Gu tagu bersaksi barramu tagu ngarakua ne bagi jemaat-jemaat. Zauwa dona tunas monno keturunan Daud*, sang madubbu a benderang." ¹⁷ Roh* monno pengantin manghinne netti paneghe, "Mai!" ga'iku ata a reghe ne paneghe, "Mai" ga'iku ata a madi'i mai; ga'iku ata a bersedia a deke we'e moripa secara cuma-cuma." Todiwe ¹⁸ Zauwa bersakso barra ngarakua a reghe pateki nubuat zurata bia ne: " garrakugu a tabo sesuatu ne pateki-pateki ne, Mori na tabo barrana ngarakua bencana barra zurata bia ne. ¹⁹ Monno, niaka gha'iku a pakurangage sesuatu wali pateki-pateki ne barra zurata bia ne, Mori a deke bagianna wali pu'u hayu moripa, wali kota zingira, monno wali hal-hal a tertulissa ne barra zurata bia ne." ²⁰ Nia a bersaksi tagu hal-hal ne paneghe, " Ya, Zauwa nemmi ammi memaga." Amin*! Ammigu, Maramba Yesu! ²¹ Kanurru Maramba Yesu nadeku padugumi yemmi ngarakua. Amin.