¹ Nema ghinna, zauwa eta malaikat burru wali sorgadana, a ghidi kunci ngaba maut monno ia rantai akaladana ne limmana. ² Nia na ghappa na naga netti, na ka boko kaweda, na niadona Set an monno kaballika, monno nakettei mado'ina rata dou, ³ aletou ne barra ngaba maut, todina, monno menyegelna gaika nia danna pasesatka bangsa-bangsa dommo,dukki rata dou netti nakadukkabana. niaka netti, nia a pasalla ne sementara. ⁴ Niaka, zauwa eta takhta-takhta monno ne togona madi'i ata-ata ne payada kuasa tagu mengakimi. Zauwa eta dewa ata-ata ne pakerrida katowana orona kesaksian Yesu monno orona li'i Mori, monno ghidda da deika na ranga netti monno patungna monno da deibake na tanda ranga netti barra koba mata detana monno limma da ghidda. ghidda moripa Bali monno pareta dangai karittu selama rata dou. ⁵ Ghinna takka, ata-ata mate a wedena da moripa dommoki sebelum mass rata dou netti nakadukkage. ne niawe kebangkitan a ullu. ⁶ Pamaringi monno pazingira ata-ata a kolena tagu ne kebangkitanna* na ullu netti. barrada ata-ata ne, mate kadoda da berkuasaki, takka ghidda a jadi imam-imam Mori monno karittu, monno pareta dangai Nia selama rata dou. Kalana Nakaballika ⁷ Nebanghinna masa rata dou nakadukkage, kaballika a pazalla wali gollu dana. ⁸ Nia na kako tagu pasesatta bangsa-bangsa ne'e pata penjuru ponnu tana, Gog monno Magog, monno pakuadi ghidda tagu patauna. jumlada ghidda azama laingo ne bonnu dana. ⁹ Ghidda penne ne daratan ponnu tana monno akepungwe perkemahan ata-ata zingira monno kota ne pamanawara. Niawe, api burru wali langita monno pahangusai ghidda. ¹⁰ Niaka, setan ne a pasesatte ghidda aletoi ne barra bonnu api monno belerang. neke niado ranga Monno nabi Palau netti kaina ba letoni. ghidda a siksazi lodo monno gede moriwali-moriwalina. Penghakiman-Na ne oro Takhta kaka ¹¹ Niawe netti, zauwa eta takhta-takhta kaka a kaladana monno Nia a madi'i ne togona,ne wali aro-Na ponnu tana monno langita alenyapa monno da toboka dommo padouda tagu ghidda. ¹² Monno, zauwa eta ata-ata mate, akaladana monno ki'ina, adede ne aro takhta-Na netti. niaka, abughe zurata bia-surta bia monno a ia zurata bia a wede nati zurata bia moripa, monno ata-ata mate netti ahakimi berdasarkan appawe a tertulissa barra zurata bia-zurata bia netti, sesuai ne parawida ghidda. ¹³ Bonnu ayadi ata-ata mate a gha'i me barrana, maut monno Hades kaina ayazi ata-ata mate a gha'i me barrana monno ghidda ahakimi, masing-masing menurut parawida. ¹⁴ Niaka, maut monno Hades akabena ne barra bonnu api. ne niawe mate a kadoda-- bonnu api. ¹⁵ Ghidda ata ngarana danna tertulissike barra zurata bia moripa, nia a letou ne barra Bonnu api netti.