WESENG BA LAHATALA OM ANO'O MINO'O ¹ Ohowe no di'ayl nun ni iibang tayompa'a ba Tuhan Yesus om mi du, iinilong mi med ang, iiano'o tro'oyn weseng we ii Lahatala om ano'o mino'o, aringduru we arleleng woyta. ² Wede'e ii ahol naba p'rente we ni iiene, Tuhan Yesus o na tahoyr om mi. ³ Wede'e oyn doro we Lahatala Ey om alolo ii m'dulung du no'ohi iikro'o-k'mayr du elete. ⁴ Ohowe ii barrpi ahol tro'oyn we ii bo'o du ii na uubu'ung o m'dulung om mi uuada ahol ommi. ⁵ Ha'ay we hu'u to'ong puyn ey, mong wede'e nami Lahatala o'pong aholdang du'uyn ey. ⁶ Ee du'uyn we ha'ay we ii pirnu ohowe tado'o langkar. Iidi'aylnun ara l'dim-l'boro dang wede'e barrpi du Lahatala yo uuaboro mong wede'e nami ii ene me'ehang du woy med atitino'o puyn iino'o uumaang du. ⁷ Lahatala tolowi o m'dulung dumi dee m'dulung dang du nani. ⁸ Ee du'uyn we aanayo we tayom pa'a oyndo hiting nami no'o hiting dang do bo ey Lahatala we hiting, Ey ba homi m'dulung med ene du. ⁹ Ee du'uyn we mi iiring uukarang iiyom nami nu uuma hi na hulu med iiyene dang, dee Lahatal yo iiyom aang ii i iiring uukarang. ¹⁰ Ee du'uyn de'ee iipanen med iidi'ayl du barrpi o hadana, moong Makedonia mi ee de'e ni di'ayl du nami haliming eri'ing uubang, du'uyn ee uunaba we panen hi mongta. ¹¹ Ohowe iipanen du'uyn ee ii weseng tening ii iiyolo panen no'o ohowe iibobo me iiatang we puyn k'reyeng mong wede'e ni p'rente med iienang du'uyn ¹² Du'uyn ee iiweseng du iilolo lami nami beeng ahodana didi ha'ay we ii na den kurung dang. YESUS HO'O ¹³ No di'ayl nun ha'ay we iinami minang du, aholdang ereng aring du mi ni niia'ay du'uyn ee iisusu ey. Iimong wede'e nami ba o uudumu ardang du'uyn ey. ¹⁴ Wede'e pi Yesus o atino'o o ahol du Yesus mini ohowe Yesus Ey y'tele toho, iiring didi o atino'o ahol du uubang nami ba Yesus om mi mini du Ey ara hama-hama. ¹⁵ Ni na oyndo uuiiarmating Tuhan Amapa'a puyn uubang, piring ba dey weseng ara weseng yang Yesus youw ho'o. Ha'ay we yo turu dang bo nami ba yo turu mini du yoturu y'tele tohang we nami weseng. ¹⁶ Tuhan yolo Meres mi hele. Ohowe lowi penghulu malaikat didi. Ohowo Lahatala o trompet ama didi nami ba Yesus om mi mini du yo turu y'tele toho. ¹⁷ Ee du'uyn ohowe piring ba dey du, dey pli'i ta du lab yuwunun ahowo atele lab loling hama mi Tuhan ahol di udara ee du'uyn didi pi Tuhan ara hama-hama iiey masang. ¹⁸ Eeduu'yn we iimi iiom ano'o dumi amapa'a du puyn.