¹ Sobab inyan,nyadi tam paniru-paniru Allah uba apa layaknya bala biak nya takasih. ² Hidup tam dalam Kristus mangasih ae kita dan mangonyu diri-Nya untuk kita akae persembahan dank urban nya harum akae Allah. ³ Tapi,jangan ada pancabulan atau bala macam kacomaran atau kasarakahan,satara urang-urang kudus. ⁴ Jangan ada pamaniran jorok,pamaniran budu,atau patangkapan-patangkapan kasar nya ntah pantas tapi kahonaknya, ucapanlah syukur. ⁵ Sobab,kolae pasti tahu,bahwa urang cabul,urang ntah suci,atau urang sarakah nya nyomah spunu pacaan ntah dapat warisan dalam karajaan Kristus dan Allah. ⁶ Jangan ada urangnya manipu kolae agan kata-kata kosong obae jolu uba inyanlah nya mandapatan murka Allah akae bala biak daraka. ⁷ Jadi jangan bakawal agan siaa. ⁸ Holu ni kolae adalah kapotakan,tapi wayah ini kolae adalah torang dalam Tuhan. Hidup tam sabagai bala biak torang ⁹ obae buah dari torang adalah samua kabai’an,kaadilan,dan kabonaran, ¹⁰ mancuba akae mangatahu ae apanya manyonangan hati Tuhan. ¹¹ Jangan jajumpatan kalakuan kagelapan nya ntah mahasilan buah, kahonanya ditalanyakae suit bala kalakuan nie. ¹² Sobab manyobut bala jolunya siaa labuhan secara diam-diam pan maha mamaluan. ¹³ Tapi,samua nya ditelanyak ae torang manyadi katiatan ¹⁴ Obae samuanya manyadi nyata adalah torang. Inyan sobabnya,dikataan “ Bangun, hai kolae si tukang tiuk! Angkat tam dari antara urang mati,dan Kristus pacaan manyinar ae kolae”. ¹⁵ Jadi parotian bai’bai uba apa kolae hidup,jangan uba urang murtad, nyadilah bijak. ¹⁶ Pakailah waktu nya ada nana sabai’bainya obae bala ari nie adalah jahai. Karna inyan,jangan nyadi budu,tapi ngarotilah agan apa kahuna Tuhan. ¹⁷ Karna inyan, jangan nyadi budu, tapi ngarotilah agan apa kahona Tuhan. ¹⁸ jangan mabuk obai angur jolu uba inyan ntah pantas, sabaliknya ponuhlah agan Roh. ¹⁹ bapanirlah, agannya bukae dalam mazmur, kidung pujian dan nyanyian rohani manyanyilah dan jawatlah lagu pujian akae Tuhan dengan saponuh hati kolae. ²⁰ ucaplah syukur samoga akae bala jolu ka Allah ompae dalam Tuhan kita, Yesus Kristus. Nasihat akae Laki agan Bini ²¹ Tunuklah siku agan inya bukae dalam gola agan Kristus. ²² Bala bini tunuklah agan laki kolae, uba agan Tuhan. ²³ sobab, lalaki adalah kapala dari bini, uba  Kristus adalah kapala dari jemaat, inyan nam tubuh-Nya, dan inya siku lah juruslamat. ²⁴ tapi, uba apa jemaat tunuk agan Kristus, uba inyan jam bini harus tunuk agan lakinya dalam sgala julo. ²⁵ Bala lalaki kasihae tam bini uba Kristus magasihae jemaat dan manyorahan diri-Nya akae jemaat, ²⁶ akae mangudusan siaa, kaping mambrosihaenya agan aray pabasuaan agan Firman. ²⁷ Amun uba inyan, Kristus suba mampersembahan jemaat kadiri-Nya dalam kemulian, ntah baroda atau pan ntah nya koyut dan sajenisnya akae jemaat nyadi kudus dan ntah bercela. ²⁸ Macam inyan jam bala laki harus mangasihae bininya uba tubuhnya siku. Lalaki nya mangasihae bininya, mangasihae dirinya siku. ²⁹ Sobab ntah urang nya mambonci tubuhnya siku, tapi inya mamelihara dan marawatnya. Uba inyan jam nya Kristus labuhan agan jemaat. ³⁰ Obae kita adalah anggota anggota tubuhnya. ³¹ Inyan lah sobab nya amun lalaki pacaan maningalan ompae dan inainya  dan basatu agan bininya. Lalu kaduanya manyadi satu tubuh. ³² Rahasia ini bosar dan aku mangataaan ini dalam hubukan antara Kristus dan jemaat. ³³ tapi, biarlah kolae masing- masing mangasihae bini kolae uba diri kolae siku jam dan bini harus manghormatae kolae sabagai lakinya.