Nasihat akae Bala Anak Babiak agan Urang tuha ¹ Bala biak, nurut lah agan urang tuha kolay dalam tuhan obay ini adalah jolu yang bai. ² Hormatilah ompay dan inai kolay,” inya dalah printah pertama di tanah agan janji. ³ “Akay hidup kolay baik dan kolay paca’an baumur panjang di bumi.” ⁴ Ompay-ompay, jangan manjawat ana-ana hunin manjadi godi, tatapi bosar am sia dalam disiplin dan nasehat tuhan. Nasihat akae Hamba agan Tuan ⁵ Kuli babu, manurut lah agan tuan kolay yang ada di dunia ini agan hormat dan gentar, dan agan katulusan hati uba akay Kristus,  ⁶ Jangan uba urang-urang mancama gawi baya akay di tiat urang akay manyonang ai mansia, tapi salaku hamba-hamba Kristus yang malabuhan kahona Allah dari hati. ⁷ Malayat ai agan saponuh hati uba akay tuhan dan bukay akay mansia. ⁸ Sobab kolay tahu, ntah inya budak atau pan urang bebas amun inya malabuhan jolu yang baik tuhan paca’an mangonyu upah pakay inya. ⁹ Tuan-tuan, labuhan jam agan hamba-hamba kolay tonga lah maancam obay akay kolay tahu baik tuan kolay atau tuan siaan sama-sama ada di surga, dan inya ntah pilih kasih. Pakai am samua Sanyata Allah ¹⁰ Akhirnya, jadi kuat lah dalam tuhan dan dalam kuat kuasa nya. ¹¹ Pakai lah samua palengkapan sanjata Allah akay kolay ulih badiri malawan tipu daya iblis. ¹² Sobab, kita bajuang bukay nya malawan darah dan daging, tapi malawan parintah-parintah, penguasa-penguasa an, kekuatan-kekuatan, didunia kegelapan ini, dan malawan kakuatan roh dari sia jahai yang ada di langit. ¹³ Oleh inyan pakai lah samua pelengkap-pelengkap an sanjata Allah akay kolay totap dapat ulih batahan waktu hari yang jahai inyan datang, dan pas samua nya habis kolay totap badiri tegak. ¹⁴ Jadi, badiri lah tegak, agan mangoncak an pendeng kabonaran di daerah pungung kolay dan pakai lah baju zirah ka adilan, ¹⁵ Dan pasang lah sendal kolay agan ka siapan injil damai sejahtera. ¹⁶ Dalam samua hal, kuti tam parisai iman akay kolay ulih mambuat an samua panah api dari si jahai. ¹⁷ Kuti tam katupang mu kasalamatan, agan manau roh, ialah firman allah, ¹⁸ Kaping badoa satiap waktu dalam roh agan samua doa dan permohon an. Dalam doa kolay inyan bajaga-jagalah agan sagala katakutan, kaping mansi an samua parmohanan akay samua urang kudus. ¹⁹ Doa an jam aku akay waktu ku mambuka nyawa ku, paniran di karunia kan kai aku biar aku dengan brani membritaan rahasia injil. ²⁰ Obay injil inyan lah, aku nyadi utusan yang di panjara. Doa an jam akay aku ulih mangabaran nya dengan brani uba aku saharus aku bapanir. Salam Terakhir ²¹ Tikhikus, samadikan ku saiman ku yang terkasih palayan yang satian dalam tubuh, paca’an mambori tahu bala jolu ka hunin akay ulih hunin tahu jam uba apa kaadan ku dan apa nya aku balabuh. ²² Aku memang mangirim inya ka hunin kay tujuan ini, akay hunin tahu barita kami dan akay inya dapat mahibur hati hunin. ²³ Damai sejahtera bagi samadikan-samadikan saiman, dan kasih agan iman dari allah ompay dan tuhan Yesus Kristus. ²⁴ Anugrah manyorotan samua urang yang mangasihi tuhan kita Yesus Kristus, agan kasih yang ntah paca’an binasa.