Kasatuan Tubuh Kristus ¹ oleh obay inya, aku urang yang dipanjara karna Tuhan, manyura an, kolay akay hidup sapadan agan pangilan yang udah kolay tarima . ² Agan sagala kerendahan hati dan kalomahan lemutan, agan kasabaran, sama-sama manangung beban dalam kasih, ³ Ba usuha lah sakuat tanaga akay mamamihara kasatuan roh dalam kobatan damai sejahtera. ⁴ Baya ada sabuti tubuh dalam sabuti roh, sama ja agan  waktu kolay ditingkau ka sabuti harapan dari pangilan kolay, ⁵ Siku Tuhan sabuti iman dan sabuti baptisan. ⁶ Siku Allah, dan ompay dari samua, yang pucu samua nya, malalu ay samua nya, dan didalam samuanya. ⁷ Tapi ka kita masing-masing dikonyu ay anugrah sasuay agan ukuran karunia Kristus. ⁸ Inyalah sobab nya, di kataan, “waktu inyan naik ka tompat tingi, inya manangkap urang-urang yang ditahan dan mangonyu ay karunia ka mansi.” ⁹ Waktu di kata an, “inya naik,” inyan tay baarti jam inya udah turun ka bagian babah bumi ?. ¹⁰ Inya, yang turun inya jam yang naik lobih tingi dari samua langit akay inya mamonuh ay bala jolu. ¹¹ Inya lah yang mangonyu ay sia Rasul, Nabi-nabi, pambrita-pambrita an injil, gembala-gembala, atau pan pangajaran-pangajaran, ¹² Akay malengkap ay urang-urang kudus dalam gawian palayan an bagi pengunaan tubuh Kristus, ¹³ Sampai kita samua mancapai kasatuan iman dan pangatahuan agan ana’a allah, inya nan mansia dewasa manurut ukuran tingakat pertumbuhan yang sasauai agan kaponuhan Kristus. ¹⁴ Oleh uba inyan, kita ntah nya bala biak lagi yang di pamain an galumbang dan dibaba ka konyan ka koni obay bala angin pangajaran, obay bala tipu daya mansia, obay kacarodian dari panipuan yang licik. ¹⁵ Sabali nya, kabonaran dalam kasih kita pac’an ba tumbuh dalam samua hal ka inya, yang adalah kapalanya inyan Kristus. ¹⁶ Dari inya nam saluruh tubuh tasusun dan di kobat sama-sam jadi satu malalu ay topangan an satiap sendi. Amun masing-masing malabuhan bagian nya tubuh paca’an batumbuh akay mambangun dirinya siku dalam kasih. ¹⁷ Oleh inyan, aku paniran dan tegas an dalam tubuh, jangan lagi kolay hidup uba urang-urang yang ntah pacaya,  yang hidup agan pikiran yang sia-sia. ¹⁸ Pangortian sia jadi potong dan tapisah dari kahidupan allah obay kabodohan yang ada dalam dirinya sia-sia yang disobab an oleh kakoran hati. ¹⁹ Prasaan sia jadi tumbuh dan sia manyorahan diri ka hawa nafsu akay malabuhan bala kecemaran agan kasarakahan. ²⁰ Tapi, bukay agan cara inya kolay balajar mangona ay Kristus. ²¹ Saumpama kolay memang udah maninga mangona ay dia dan di ajar dalam dia, uba kabonaran yang ada dalam Yesus, ²² Buang lah mansia manah kolay yang kolay dapat dari cara hidup kolay yang manah, yang tongah dirusak oleh hawa nafsu yang manipu. ²³ Pabaharu ay tam roh pikiran kolay. ²⁴ Kona an tam mansia yang baharu, yang dicipta an dalam rupan allah dalam ka adai lan dan kakudusan yang sajati. ²⁵ Oleh obay inyan, agan mambuang kapalsuan ayo ah satiap kolay bapanir mangona ay kabonaran kapada sasama kolay obay kita sama-sama angota dari satu tubuh. ²⁶ Godi tam dan jangan manjawat dosa. Jangan biaran mata aray tangolam dalam hati godi. ²⁷ Jangan mangonyua ay kasompatan ka iblis. ²⁸ Urang yang udah mangolit, jangan mangolit lagi. Lobih bai amun nya bagawi borat dan malabuhan gawian yang baik agan longan nya siku akay inya bahasil akay dibagi ka urang yang memerlukan nya. ²⁹ Jangan biaran pamaniran kotor kaluar dari nyawa kolay, tapi baya pamaniran baik yang mambangun urang yang memerlukan akay paniatan kolay inyan manjadi berkat bagi sia yang mandinga nya. ³⁰ Jangan mandua kan Roh Kudud Allah, sobab obay inya lah kolay dimaterai an di hari penebusan. ³¹ Buang tam sagala macam kapahitan, kegeraman, kegeraman pertikai an dan pamaniran fitnah, dan samu kajahatan, jauh an tam inya dari kolay. ³² Basikap ramah tam agan urang bukai, bahati yang lomah lomut, dan ma amput tae sasama, sama uba apa Allah dalam Kristus juga ma amput tae kolay.