¹ Ndreto iaby gny toera nandehanany gny vahoakan' Israely tafarany gny nagnengan-drozy gny tany Egypta tami-gny antoko mitam-pialian-drozy tambaniny fitarihan'i Mosesy ndraiky Arona. ² Nanoratsy reo toera nialan-drozy liany ze nandehanan-drozy i Mosesy, araky gny nibaikoan'i Yaveh. Ndreto iaby gny reo lian-drozy, gny toera nifalofalozan-drozy. ³ Niala baka ao Ramesesa rozy tagnatiny gny vala voalohany, tami-gny andro folo limy amby vola voalohany. Gny maray tafarany gny Paska, la nandeha malalaka gny vahoakin'Israely, ta masony gny Egyptiana iaby, ⁴ Niseho zay laha mbo nandrava gny lahimatoan-drozy, reo ze novonoin'i Yaveh tagnamin-drozy gny Egyptiana, fa Ie avao la nampizaka fandilova gny Ndranagnaharin-drozy. ⁵ Niala ta Ramesesa gny vahoakan'i Israely ndraiky nitoboky ta Sokota. ⁶ Niala ta Sokotoan-drozy ndraiky nitoboky ta Efama, amorony gny tany efitsy tegny. ⁷ Niala ta Etama rozy ndraiky nimpoly ta Pi Hahirota, agnilan'i Balazefona, mifandrify ami-gn'i Migdola nitobohan-drozy. ⁸ Bakeo niala baka agnilan'i Hohirota tegny rozy ndraiky nandalo agnivon-driaky tegny ho agn'efitsy agny. Nandeha tagnatiny gny telo andro ta gn'efitsy Etoma tagny rozy ndraiky nitoboky ta Mara ao. 9 Niala ta Mara ao rozy ndraiky avy ta Elima ao ta Elima la nisy loharano folo roe amby ndraiky hazo rofia fitopolo. Ro nitobohan-drozy tagny. ¹⁰ Niala ta Elima rozy voho nitoboky tagnilany gny riaky Mena tegny. ¹¹ Nandeha bakao amin-gny Ranomasy Mena rozy sady nivory tagny efits'i Sina. ¹² Niala baka ao ami-gny raiky Mena rozy voho nitobpoky ta Dopka. ¹³ Niala ta Dopka rozy voho nitoboky ta Alasy. ¹⁴ Niala baka Alosy ao rozy ndraiky nitoboky ta Refidima ao, ze tsy nahita rano hinominy gny vahoaky. ¹⁵ Niala baka Refidima ao rozy voho mitoboky tagnaminy gny tany efits'i Sinay. ¹⁶ Niala baka ami-gny tany efits'i Sinay ao rozy voho nitoboky ta Kibrota Hatava. ¹⁷ Niala baka ami-gny tany efits'i Sinay ao rozy voho nitoboky ta Hazerota. ¹⁸ Niala baka Hezerota ao rozy voho nitoboky ta Ritma ao. ¹⁹ Niala baka Ritma ao rozy voho nitoboky ta Rimona Pareza ao. ²⁰ Niala baka Rimona Pereza rozy voho nitoboky ta Bibna. ²¹ Niala baka Libna ao rozy voho nitoboky ta Risa. ²² Niala baka Risa ao rozy voho nitoboky ta Kehelata. ²³ Niala baka Kehelata ao rozy voho mitoboky tagnaminy gny vohitsy Sapera. ²⁴ Niala baka ami-gny vohitsy Sapera ao rozy voho nitoboky ta Harada. ²⁵ Niala baka Hanada rozy voho nitoboky ta Makelota. ²⁶ Niala baka Makelata rozy voho nitoboky ta Tahata ao. ²⁷ Niala baka Tahata rozy voho nitoboky ta Tera ao. ²⁸ Niala baka Tera ao Rozy nitoboky ta Mitka. ²⁹ Niala baka Mitka ro rozy voho ta Hasmona. ³⁰ Niala baka Hasmona rozy voho nitoboky ta Moserota ³¹ Niala baka Moserota ao rozy voho nitoboky ta Bene Jakana. ³² Niala baka Bene Jakana rozy voho nitoboky ta Hona Hagidgada. ³³ Niala baka Hagidgada rozy voho notoboky ta Jotbata. ³⁴ Niala baka Jotbata ao rozy voho notoboky ta Abrona. ³⁵ Niala baka Abroma ao rozy voho nitoboky ta Eziona Gebera. ³⁶ Niala baka Eziona Gebera ao rozy voho nitoboky ta Kadesy ao. ³⁷ Niala baka Kadesy ao rozy voho nitoboky tami-gny vohitsy Hora ao, amorony gny tanin'i Edoma. ³⁸ Niakatsy ami-gny vohitsy Hora tagny i Arona mpisoro araky gny lilin'i Yaveh voho maty tami-gny fahefapolo tao tagny tafarany gny niboahany gny vahoakan'Israely ta Egypta ao, tami-gny faha liminy gny vola, tami-gn'andro voalohany gny vola. ³⁹ 123 tao Arona tamin' Ie maty ami-gny vohitsy Hora tagny. ⁴⁰ Kananita, ro mpanjakan'i Arona, mipetraky ami-gny tany efitsy tagny an-timo ami-gny tanin'i Kanana ao, la nahare gny fiaviany gny vahoakan'Israely. ⁴¹ Niala baka ami-gny vohitsy Hora ao rozy voho nitoboky ta Zalmona ao. ⁴² Niala baka ao rozy voho nitoboky ta Ponona ao. ⁴³ Niala baka Ponona Zalmona ao rozy voho nitoboky ta Obota ao. ⁴⁴ Niala baka Obota ao rozy voho nitoboky ta Lay Abarima ao, tagnami-gny sisintanin'i Moaba tegny. ⁴⁵ Niala baka a Lay Abarima ao rozy voho nitoboky ta Dibon-gada ao. ⁴⁶ Niala baka Dibon-gada ao rozy voho nitoboky ta Almon-diblataima. ⁴⁷ Niala baka Almon-diblataima ao rozy voho nitoboky ami-gny vohitsin'i Abarima ao, manandrify gnan'i Nebo. ⁴⁸ Niala baka ami-gny vohitsin'i Abarima ao rozy voho nitoboky ami-gny reo tany hain'i Moaba agnilany Jordana ao a Jeriko agny. ⁴⁹ Nitoboky tagnilan'i Jordana eo rozy, baka Beto Jesimota agny la zisiky Abela Sitima ami-gny reo tany hain'i Moaba ao. ⁵⁰ Nisafa tagnamin'i Mosesy i Yaveh tami-gny lemak'i Moaba agnilan'i Jordana tegny ta Jeriko ao voho manao hoe: ⁵¹ " Misafagna ami-gny vahoakan'Israely voho volagno agnamin-drozy hoe: " Lafa miampita gnan'i Jordana ho ami-gny tany Kanana agny, ⁵² la tsy maintsy roahinareo agnatrehanareo reo tana iaby ami-gny tany ao. Tsy maintsy potehinareo reo sarin-draha voasokitsy iaby gnan-drozy ndraiky ravanareo reo fipetraha agnabony iaby. ⁵³ Ao alainareo ho gnanareo gny tany voho mifitaha agnaminy zay ao fotony fa nameako ho fanagnanareo gny tany. ⁵⁴ Tsy maintsy lovanareo ami-gny alalany gny loka gny tany, araky gny fokoa kiraidraiky aby. Ho gnany gny foko bavata la tsy maintsy ameanareo zara bavata ami-gny tany, ndraiky gny foko kelikely la ameanareo gny zara kelikely ami-gny tany. Ndra ia ndra ia hilatsahany gny antsapaky ami-gny reo foko kiraidraiky aby, tany zay la ho gn'azy. Handova tany araky gny fokony razambenareo nareo. ⁵⁵ Fa laha tsy voaroaky nareo agnatrehanareo eo reo tana gny tany, la ho avy manahaky gny fitaova ami-gny masonareo eo ndraiky fatiky ami-gny tehezanareo eo gny reo vahoaky enganareo hijano. Hagnasarotsy gny fiaignanareo ami-gny tany ze hipetrahanareo eo rozy. ⁵⁶ La ho ataoko agnaminao avao koa ze kasagniko ho atao ami-gny reo vahoaky reo."'