¹ Ka reo havorohotan'i Robena voho Gada la nana biby fihary lako.Lafa hitan-drozy gny tanin'i Jazera voho Gileada,la toera mahafinaritsy ho gnan'ireo biby fihary tany igny. ² La niavy nivola tamin'i Mosesy,tamin'i Eleazara mpisoro,voho tamin'ireo mpitariky gny fivondrogna gny havorohotan'i Gada voho Robena.Hoy rozy hoe:" ³ Intoy gny lisitsy gny toera ze fa niandidianay: Atarota,Dibona,Jazera,Nimra,Hesbona,Elale,Sebama,Nebo,voho Beona. ⁴ Reo iaby gny tany ze nitafin'i Yaveh teo angnatrehan'ny fivondrognan'Israely,la toera soa ho gnan'ireo biby fihary.Rahay mpanomponao,la mana biby fihary lako ." ⁵ Hoy rozy hoe:" Laha mahita sitraky agnatrehanao rahay,la aoky mba hamea gnanay,mapnomponao,mba ho fanagnanay toy tany toy.Ka atao mita gnan'i Jordana rahay." ⁶ Namaly gnan-dreo havorohotan'i Gada voho Robena i Mosesy hoe:" Tokony nandeha mba hialy va gny rahalahinareo laha nareo koa ro mifitaky eto? ⁷ Nagnino ro kivianareo tsy handeha agny amin'ny tany ze namean'i Yaveh gnan-drozy gny fon'ny vahoakin'Israely? Reo razambenareo la nagnano raha manahaky gnan'injay avao koa lafa nalefako bakagny Kadesi-barnea mba hisafo gny tany rozy. ⁹ Niakatsy tagny amin'ny vavasahan'i Eskola rozy.Nahita gny tany rozy ka bakeo nagnakivy gny fokon'ireo vahoakin'Israely mba hadagnan-drozy tsy hilitsy amin'ny tany ze namean'i Yaveh gnan-drozy. ¹⁰ Nirehitsy gny fhelokin'i Yaveh tamin'io androio.Nivoady Ie ka nanao hoe; ¹¹ Azo antoky fa tsy hisy amin'reo olo ze niakatsy baka Egypta agny,mamototsy amin'ny roapolo miakatsy,hahita gny tany ze nifantakotamin'i Abrahama,tamin'i Isaka,voho tamin'i Jakoba,fotony tsy nagnaraky Gnahy vatany rozy,afa tsy ¹² Kaleba anakilahin'i Jefone Kenizita, voho Josoa anakilahin'i Nona.Kaleba voho Josoa avao ro vatany nagnaraky Gnahy vatany. ¹³ Ka nirehitsy tamin'Israely gny helok'i Yaveh.Nataony nikariokarioky nagnodidy gny atny liomonto tagnatin'ny efapolo tao ka zisiky naha-ritsy gny havorohotany iaby ze nanao raty tagnatrehan'i Yaveh rozy. ¹⁴ Ingo,niakatsy tamin'ny toeran'ny razambenareo nareo,manahaky gn'olo mpanota lako,mba hagnampy gny firehetan'ny fihelofan'i Yaveh amin'Israely . ¹⁵ Laha mania amin'ny fagnaraha Gnahy nareo,la hagnenga gnan'Israely an-diomonto agny ndraiky Ie ka handrava gny vahoakiny iaby nareo. ¹⁶ Ka namonjy tagnilan'i Mosesy teo rozy ka nivola hoe:" Engaho rahay nagnory vala ho gnan'ny reo biby fiharinay voho tana ho gnan'ny hasaveregnanay eto. ¹⁷ Ndra zay aza la vonona voho hitam-pialia mba handeha hisondry amin'ny tafik'Israely zisiky hametrahanany an-drozy amin'ny toeran-drozy.Fa reo hasaveregnanay koa la hifitaky agny amiy reo tana voaaro mare noho reo vahoaky hafa ze mbo mifitaky amy toy tany toy. ¹⁸ Tsy himpoly agny amin'ny tany fifitaranay rahay zisiky hahazoan'ny vohoakin'israely kiaraikiraiky gny lovany iaby. ¹⁹ Tsy handova gny tany misondry ami-drozy agny ampitan'i Jordana rahay,fotony gny lovanay la amin'ny ilany antignana." ²⁰ Ka namaly gnan-drozy i Mosesy hoe:" Laha manao ze raha volagninareo nareo,laha manoma gny vatanareo handeha agnatrehan'i Yaveh mba hialy nareo, ²¹ ka gny kiraikiraiky amin'ireo joharinareo mitam-pialia la tsy maintsy mita gnan'i Jordana agnatrehan'i Yaveh,zisiky handroahany reo fahavalony tsy ho eo agnatrehany ²² ka gny tany la ho resy ao agntrehany. Lafa afaky zay la mimpoly nareo.Ho tsy manan-keloky agnatrehan'i Yaveh voho agnatrehan'israely nareo.Toy tany toy la ho fanagnareo agnatrehan'i Yaveh. ²³ Fa laha tsy manao gnan'izay nareo,ingo,hanota amin'i Yaveh nareo.Haizo soa fa hahita gnanareo gny hadisoanareo. ²⁴ Magnonera tna ho gnan'ireo havorohotanareo voho vala ho gnan'ireo aondrinareo;bakeo la atavo ze raha nivolagninareo." ²⁵ Nivola tamin'i mosesy reo havorohotan'i Gada voho Robena ka nivola hoe:" Hanao magnaraky ze nandidinao gny mpanomponao,ry tomponay. ²⁶ Reo anaky malinikinay,reo valinay,reo aondry amy gnaosinay,voho gny biby fiharinay ibay la hifitaky amy reo tanan'i Gileada. ²⁷ Ndra zay aza,rahay mpanomponao,la hita agnatrehani Yaveh mba hialy,gny johary iaby ze mitam-pialia ho amin'ny gn'aly,magnaraky ze nivinolanao,ry tomponay." ²⁸ Koa nagnome torolala mikasiky gnan-drozy tamin'i eleazara mpisoro,tamin'i Josoa anakilahin'i Nona,voho tamin'ireo mpitariky reo fokon'ny razambe tao amin'reo fokon'ny gn'olon'Israely i Mosesy. ²⁹ Hoy i mosesy tamin-drozy hoe:'Laha miampita gnan'i Jordana misondry aminareo reo havorohotan'i Gada voho Robena,gny johary iaby ze mitam-pialia mba hialy agnatrehan'i Yaveh,ka laha resy eo agnatrehanareo gny tany,la hameanareo gnan-drozy ho fanagna gny tanin'i Gileada. ³⁰ Fa laha tsy mita agnaminareo mitam-pialia rozy,la agny amin'ny tanan'i Kanana rozy ro hahazo gny fanana-drozy agnaminareo. ³¹ Ka namaly reo havorohotan'i Gada voho Robena hoe:" Magnaraky ze nivolagnin'i yaveh taminay,mpanomponao,la zao ro hataonay. ³² Hiampita mitam-pialia agnatrehan'i Yaveh agny amin'ny tanin'i Kanan rahay,fa gny lova anjaranay la hinjano agnaminay amy toy am-pitan'i Jordana toy." ³³ Ka namean'i Mosesy gnan'ireo havorohotan'i Gada voho Robena,voho gnambakimiran'ny fokon'i Manase anakilahin'i Josef gny fanjakan'i Sihona,mpanjakan'ireo Amorita,voho Oga,mpanjakan'i Basana. Nameany an-drozy gny tany,ka nizarany tamin-drozy gny tanany ze hisondry amin'ireo faritaniny,la reo tanann'ny tany magnodidy reo. ³⁴ Reo havorohotan'i Gada la nimpoly nagnory gnan'i Dibona,Atarota,Aroera, ³⁵ Atrotra-Sofana,Jazera,Jogbeha, ³⁶ Beti-nimra,voho Beti-harana mba ho tana voaaro mare miaraky amin'ireo vala ho gnan'ny aondry. ³⁷ Reo havorohotan'i Robena la nimpoly nagnory gnan'i Hesbona,Elale,Kiriataima, ³⁸ Nebo,Bala-meona,Sibma niova gn'agnaran'ireo tafara tato.Namean-drozyagnara hafa reo tana ze nampolin-drozy naory. ³⁹ Reo havorohotan'i Makira anakilahin'i Manase la nagnany Gileada ka nagnafaky zay tamy reo Amorita ze tao amizay. ⁴⁰ Bakeo la namean'i Mosesy gnan'i Makira anakilahin'i Manase i Gileada,ka agnory fitaky tamin'ny vahoakiny. ⁴¹ Nandeha i Jaira anakilahin'i Manase ka nandresy reo renivohitr'izay ka nikaiky gnazy hoe:Havota-jaira. ⁴² Nandeha i Noba ka nandresy gnan'i Kinata voho reo anam-bohiny,ka nikaihiny hoe:Noba,magnaraky gn'agnarany avao zay.