¹ Lfa jerin'i Balama fa sitrak'i Yaveh gny hitahia gn'an'Israely,la tsy nandeha nanao sikily,manahaky gny tamin'gn'androny taloha ie. Fa nijery nagnagny amin'gny tany efitsy. ² Nampagnenty gny masony ie ka nahajery fa nitoby isaky gny fokony aby gny Israely,sady la avy tao amin'gny fagnahin-Ndranagnahary. ³ Nanday zao faminania zao ie noho nanao hoee: " Fa hisafa i Balama gnanaky lahin'i Beora,johary zay bitira-maso. ⁴ Mivola voho mahaja gny safa Ndranagnahary ie. Mahita fahita bak'amin'gny Tsitoha ie,zay eo agnatrehany ro hiohofany amin'gny fijeriny mahita. ⁵ Enteo gny hasoan'gny lainao,Jakoba,gny toera ze ipetrahanao, Israely! ⁶ Manahaky gny lohasaha gny fielezan'reo,manahaky gny baibo egny an-tsisiny renirano,manahaky gny vaho zay nambolen'i Yaveh,manahaky gny sedera an-tsisin-drano. ⁷ Mikororoky bakao an-tsinin-drozy gny rano,sady reo voa nambole la soa tondraky. Gny mpanjakan-drozy la ho abo noho i Agaga,sady gny fanjan-drozy la hamea haja. ⁸ Ndranagnahary ro nanday gn'azy miboaky agny Egypta amin'gny hery manahaky gny aombidia. Hateliny reo firenena zay magnohitsy an-drozy. Hanorotoro gny taolan-drozy Ie. Hitifitsy an-drozy amin'gny kititsiny Ie. ⁹ Magnitsaky manahaky gny liona Ie,manahaky gny liona vavy. Ia ro ahasaky hitakosoky Azy? Ze mitahy gn'azy la voatahy;ze magnozo gn'azy la voaozo." ¹⁰ Nirehetsy tamin'i Balama gny helok'i Balaka sady namokona gny tagnany tamin'gny heloky ie. Hoy Balaka tamin'i Balama: " Mikaiky anao mba hagnozo gny fahavaloko aho,fa ingo,fa intelo nitahy gn'azy iha. ¹¹ Ka engao zaho hinanizao ka molia. Nisafa gny hagnome valisoa bevata anao zaho,kanefa Yaveh fa nangalaky anao tamin'gny fahazahoa valisoa." ¹² Hoy Balama namaly an'i Balaka hoee: " Nisafagniko tamin'reo mpnday hafatsy zay nalefa tatoy amiko fa: ' Ndra hagnome gny lapany atsiky volafoty noho volamena gn'ahy aza i Balaka,la tsy afaky hihoatsy gny safan'i Yaveh voho gny raha raty na soa,na gny raha teako hatao zaho zay safagnin'i Yaveh ahy avao ro azoko volagny'. Tsy nivolagniko tamin-drozy va zay? ¹⁴ Kaihinaniky zao, himpoly agny amin'gny oloko aho. Kanefa ka meatsiny zaho fa handrara anao zay hataon'reo olo reo amin'gny olonao amin'gny andro ho avy." ¹⁵ Nanomboky zao faminania zao i Balama. Hoy ie hoe: " Balama gnanak'i Beora ro mivola,johary zay mahihitsy. ¹⁶ Zao ro faminanian'olo zay nahaja safa bak'amin-Ndranagnahary,zay manam-pahaiza bak'amin'gny Agnabo mare,zay mana fijery bak'amin'gny Tsitoha,zay eo agnatrehany ro iohofany amin'gny hihitsy. ¹⁷ Mahajery Azy zaho,fa tsy eto Ie hinanizao. Mijery Azy zahjo,fa tsy agnilako eto Ie. hisy basia hiboaky bak'amin'i Jakoba,sady tehim-panjaka hionjo bak'amin'Israely. Hanorotoro gny mpitarik'i Moaba ie sady hamotiky gny taranak'i Seta iaby. ¹⁸ Sady la ho lasa fanagnan'i Israely i Edoma,sady Seira avao koa la ho lasa fanagnan-drozy,reo fahavalon'Israely,zay ho resen'i Israely amin-tanjaka. ¹⁹ Bak'amin'i Jakoba ro hiavian'gny mpanjaka zay hana gny fanampaha,sady hamotiky reo tavela tsy maty ao amin'gny tanan-drozy Ie." ²⁰ La nijery an'i Amaleka iBalama sady nanomboky gny faminaniany. Hoy ie nhoe: " Ameleka la fa bevata mare teo amin'reo firenena taloha,kanefa la ho faharava no ho fiafarany." ²¹ Bakeo la nijery tagny amin'reo Kenita i Balama sady nanomboky gny faminania. Hoy ie hoe: " Gny toera zay ipetrahanareo la matanjaky ,noho gny akaninareo la ao amin'gny harambato. ²² Ndra zay aza la ho potiky i Kaina lafa manday anao ho resy i Asiria." ²³ Sady nanomboky gny faminaniany farany i Balama. Hoy ie hoe: " Loza! Ia ro ho velo la hanao zany Ndranagnahary? ²⁴ Hisy sambo ho avy bak'agny amin'gny sisin'i Kitima;hanafiky an'i Asyria voho handresy an'i Ebera rozy kanefa,la ho faharava avao koa ro hiafaran-drozy. ²⁵ Bakeo la niakatsy i Balama ka lasa. Noly tagny an-tragnony ie,sady lasa avao koa i Balama.