¹ Nandeha mandram-pivorian-drozy tao amin'reo sakan'i Moaba mariny an'i Jeriko,tegny ampitan'gny Reniranon'i Jordana mienga eo amin'gny tanan'gny olon'ny Israely. ² Nahajery ze nataon'gny Israely tamin'reo iaby Amorita i Balaka gnanak'i Zipora. ³ Natahotsy mare gn'olon'Israely i Moaba fotony maro mare rozy,ka natahotsy tamin'gn'olon'Israely i Moaba. ⁴ Nivola tamin-dreo olo ben'gny Midiana gny mpanjakan'gny Moaba hoee: " Hihina gny iaby magnodidy antsika manahaky gn'aomby mihinam-bilo egny ambaibo reo maro reo." Sady i balaka gnanak'i Zipora ro mpanjakan'i Moaba tamin'zay." ⁵ Nandefa iraky ho agny amin'i Balama gnanak'i Beora,tao Petora zay marinikin'gny Reniranon'i Eofrata,tao amin'gny tanin'gny firenena voho gn'olony ie. Nikaiky azy ie ka nanao hoe: " Ingo misy firenena bak'agny Egypta avy eto. Mandrakotsy gny tany rozy sady eto mariniky ahy zao. ⁶ Ka miavia lehe hananik'zao ka hozogno ho ahy zany firene zany,fotony fatratsy mare amiko rozy. Vasa mba afaky hanafiky an-drozy voho handroaky an-drozy amin'gny tany aho Haiko fa ndra ia ndra ia la ho voatahy,sady ndra ia ndra ia hozoninao,la ho voaozo." ⁷ Ka lasa reo oloben'i Moaba voho reo oloben'i Midiana,nanday gny vidin'gny sikily. Avy teo amin'i Balama rozy ka mivola tamin'reo volan'i Balaka. ⁸ Hoy Balama tamin-drozy: " Mipetraha eto androany haly." La nipetraky tamin'i Balama io matognaly io reo mpitarik'i Moaba. ⁹ Avy tao amin'i Balama Ndranagnahary ka nanao hoee: " Iza reo johary avy eto aminareo reo?" ¹⁰ Namaly Andranahary i Balama hoe: "Balama gnanak'i Zipora,mpanjak'an'i Moaba,ro nagniraky an-drozy handeha aty amiko. Hoy ie: ¹¹ " Ingo,gny olo zay avy bak'agny Egypta la mandrakoky gny velaran'gny taniko. Amin'zao miavia sady ozogno rozy ho gnahy.Vasa hahavita hialy amin-drozy voho handroak'an-drozy aho." ¹² Namaly an'i Balama Ndranagnahary hoee: " Tsy handeha hisondry amin'reo johary reo iha. Tsy hagnozo gn'olon'Israely iha.,fotony fa voataky rozy." ¹³ Nitsanga i Balama hgny maray ka nivola tamin'reo mpitarik'i Balama hoee: " Mimpodiana agny amin'gny taninareo fotony tsy manaiky gny hagnenga gnahy hisondry aminareo Yaveh". ¹⁴ La lasa reo mpitarik'i Moaba ka nimpody tagny amin'i Balama. Hoy rozy: " Tsy nagnenky hisondry aminay i Balama." ¹⁵ Nagniraky mpitariky maro ze be voninahitsy mare noho la vondrona voalohany ndraiky i Balaka. ¹⁶ Avy tagny amin'i Balama rozy ka nanao taminy hoee: " Zao gny safagnin'i Balaka gnanak'i Zipora: ' Ao tsy hisy ndra ino ndra ino hanaka anao tsy hisondry aminay, ¹⁷ Fotony handoa soa lavitsy voho hagnome voninahitsy bevata ho anao zaho,ze raha volagninao ataoko iaby. Ka mba miavia lahy ka ozogno ho ahy zany olo zany ¹⁸ Namaly Balama ka nanao tamin'reo joharin'i Balaka hoee: " Ndra hagnome gnahy gny lapany atsiky volafoty noho volamena aza i Belaka,la tsy hihoatsy gny safan'i Yaveh, Ndranagnahariko,ka nandatsaky na nampitombo ze volagniny amiko zaho. ¹⁹ Ka amizao,mba mandignasa eto avao koa ze volagnin'i Yaveh amiko." ²⁰ Avy tamin'i Balama matognaly Ndranagnahary ka nanao taminy hoee: " Fotony avy mba hikaiky anao reo johary reo,la mitsangana ka misondrea amin-drozy. Fe ze safagniko anao ho ataonao avao ro ataonao." ²¹ " Nifoha maray i Balama,nagnisy lasely gny borikiny,ka nandeha nisondry tamin'reo mpitarik'i Moaba. ²² Nefa nandeha ie, la nirehitsy gny siakin-dranagnahary. Nipetraky tan-dala teo manahaky gny mpifahavalo amin'i Balama, ze nitikitsy gny borikiny gny anjelin'i Yaveh. Nisondry taminy avao koa gny mpanompon'i Balama roe. ²³ Nahajery gny anjelin'i Yaveh nitsanga tan-dala teo gny boriky voho nisy meso voatsoaky tegny antagnany. Nienga tamin'gny lala boriky ka nandeha agny ambaibo. Namango gny boriky mba hampody azy amin'gny lala i Balama. ²⁴ La nitsanga teo amin'gny faritsy hifitsy tamin'gny lala agnelagnelan'gny tanim-boaloboky maro gny anjely,sady nisy lakoro teo andaniny sady lakoro hafa teo ankilany. ²⁵ Nahajery gny anjelin'i Yaveh ndraiky gny boriky. Nikisy gny rindry ie ka nanery gny tombony i Balama tamin'zany. Vinangon'i Balama ndraiky ie. ²⁶ Nisiziky avao gny anjelin'i Yaveh sady nitsanga teo amin'gny toera hifitsy hafa zay tsy misy lala handehanany andaniny voho ankilany. ²⁷ Nahajery gny anjelin'i Yaveh gny boriky,ka niravoky tan-tany tao ambanin'i Balama. Nanjeky gny helokin'i Balama,ka vinangony tamin'gny tehy boriky igny . ²⁸ La nanokatsy gny vavany boriky igny i Yaveh mba hivola ie. Hoy ie tamin'i Balama: " Nataoko ino iha ka nahavy anao hamango ahy intelo zay? ²⁹ Namaly boriky igny i Balama hoee: " Fotony niadaladala tamiko iha. Tokony mba nisy meso teto antagnako. Fa laha nisy,la fa nimetiko iha hinanio." ³⁰ Hoy boriky igny tamin'i Balama: " Tsy zaho va no boriky zay niondrananao tangnatiny gny fiainanao iaby traki-hinany? Fa nanam-pahazara nanao raha manahak'zao taminao va zaho taloha? Hoy i Balama hoee: " Oho". ³¹ La sinokatsy i Yaveh gny fijerin'i Balama,ka nahajery gny anjelin'i Yaveh nitsanga teo amin'gny lala sady misy meso voatsatoky tegny an-tagnany ie. Nagnondriky gny lohany ka nihohoky i Balama. ³² Zao gny ataon'i anjelin'i Yaveh tamy." Nagnino iha no namango intelo gny borikinao? Ingo ,avy manahaky gny mpifahavalo aminao zaho fotony raty gny nataonao teo agntrehako. ³³ Nahajery ahy intelo zay gny boriky ka nienga ahy. Lha tsy nienga ie,lafa nivonoiko vatany iha fa zaho hamelo gn'azy." ³⁴ Zao gnataon'i Balama tamin'gny anjelin'i Yaveh: " Zaho nagnota. Tsy haiko fa nitsanga teo agnatrehako an-dala iha. Ka amizao,laha tsy mampazoto anao zany,la himpoly aho." ³⁵ Kanefa zao gnataon'gn'anjelin'i Yaveh tamin'i Balama: " Midira misondry amin'reo johary. Fa reo safa ze safagniko anao avao ro ho volagninao." La nisondry tamin'reo mpitarik'i Balaka i Balama. ³⁶ Lafa jan'i Balama fa tamy i Balama,la niboaky hitsena gn'azy tao an-tanan'i Moaba tao Arnona ie,zay tao amin'gny faritany. ³⁷ Zao gnataon'i Balama: " Tsy nagniraky johary mba hikaiky gn'anao va zaho? Nagnino iha tsy niavy tamiko teto? Tsy afaky magnome voninahitsy anao vazaho?" ³⁸ La namaly an'i Balaka i Balama hoee: " Ingo,zaho fa avy eto aminao. Mana fahefa hivola raha va zaho hinan'zao? Reo safa zay napetrak'i Yaveh ao am-bavako avao ro azoko volagny." ³⁹ Nisondry tamin'i Balaka i Balama,sady avy tao Kiriata hozota rozy. ⁴⁰ La nanao soro aomby noho aondry i Balaka ka nagnome hena ho an'i Balama voho reo mpitariky ze nisondry aminy. ⁴¹ Gny maray,la nanday an'i Balama niakatsy tagny amin'gny toera agnabon'i Balaka. Gnilany amin'reo Israelita tao an-tobin-drozy avao ro jerin'i Balama bakegny.