¹ Lafa jan'i Kananita mpanjakan'i Arada,zay nipetraky tao Negeva,fa nandeha tagny amin'gny lala magnagny Atarima gny Israely,la nialy tamin'Israely ie,sady nangalaky gny sasany tamin-drozy ho babo. ² Nivoady tamin'i Yaveh gny Israely voho nanao hoee: " Laha ameanao fandresea amin'reo olo reo rahay,la ho potehinay tanteraky gny tanan-drozy." ³ Nijanjy gny feon'i Israely i Yaveh voho nagnomea an-drozy fandresea an'reo Kananita." Nipotehin-drozy tanteraky rozy voho gny tanany. Kinaiky hoe Horma zany toera zany. ⁴ Nienga bakao an-tendrombohitsy Hora nandalo gny lal magnagny amin'gny riaky Mena rozy mba handeha hagnodidy gny tanin'i Edoma. Niha-kivy gny olo tegny an-dala. ⁵ Nivola nagnohitsy an-Dranagnahary voho Mosesy gny olo hoe: " Nagnino rahay nandesinao niakatsy hiboaky an'i Egypta mba ho maty aty agn'efitsy? Tsy misy mofo,tsy misy rano,sady halanay ty hony fadiranova ty. ⁶ Bakeo Yaveh nandefa bibilava nisy poizy teo amin'gny olo. Nagnehitsy gnolo reo bibilava; maro gn'olo maty. ⁷ Namonjy an'i Mosesy gny olo voho nanao hoee: " Nagnota rahay fotony niresaky nagnohitsy anao voho Yaveh. Mangataha amin'i Yaveh mba hangalaky reo bibilava aminay. " Ka la nangataky ho an'gny olo i Mosesy. ⁸ Hoy Yaveh tamin'i Mosesy hoee: " Manaova bibilava voho fehezo amin'gny hazo lava zany. Ze voahehitsy iaby la ho velo,laha mijery zany ie." ⁹ Ka nanao bibilava varahy mosesy voho namehy zany tamin'gny hazo lava. Laha magnehitsy olo gny bibilava,laha nijery lay bibilava varahy ie,la velo. ¹⁰ Bakeo nandeha gny olon'Israely sady nitoby tao Obota. ¹¹ Nandeha bakao voho nitoby Leabarima tagny agn'efitsy ze nagnatriky an'i Moaba tandrify atignana rozy. ¹² Nienga bakao rozy voho nitoby tagny amin'gny lohasahan-driaky Zareda. ¹³ Nienga tao rozy voho nitoky tagny an-dafin'gny reniranon'i Arona,zay agny agn'efitsy zay mihitatsy bakany amin'gny faritanin'reo Amorita. Gny reniranon'i Arnona ro fari-tanin'i Moaba,agnelagnelan'ny Moaba voho reo Amorita. ¹⁴ Zany ro antony hisafagna ao amin'gny horonan-taratasin'gny Adin'i Yaveh hoee: " Vaheba agny sofa,voho reo lohasahan-driakin'i Arnona, ¹⁵ gny antsan'reo lohasahan-driaky zay mitariky magnagny amin'gny tanan'i Ara sady mijotso magnagny amin'gny faritanin'i Moaba". ¹⁶ Nienga tao rozy voho nandeha agny Bera,zay misy fantsaka ze nivolagnan'i Yaveh tamin'i Mosesy hoee: " Ajario miaraky gny olo mba hagnomezako rano an-drozy." ¹⁷ Bakeo niantsa ty beko ty gny Israely: " Niboiboika fantsaka ataovo an-gnatsa zany. ¹⁸ Fantsaka zay nihalin'reo mpitaritsika,fantsaka zay nihalin'reo manam-kajan'gny olo tamin'gny tehim-panjaka voho tehin-drozy." Bakeo la nienga tao agn'efitsy rozy nandeha agny Matana. ¹⁹ Nienga tao Matana rozy voho nandeha Nahaliela,voho bakao Nahaliela nandeha Bamota nandeha amin'gny lohasahan-driakin'gny tany Moaba. Eo agnabon'gny tendrombohitsy Pisga ro hahita gny tany efitsy. ²¹ Bakeo Israely nandefa mpanday hafatsy tagny amin'i Sihona mpanjakan'i Amorita nanao hoee: 22 " Engao rahay hamakivaky eo amin'gny taninao. Tsy handeha agny amin'gny baibo iaby na gny tanim'boaloboky rahay. Tsy hino bakeo amin'gny fantsakanao rahay. Handeha eo amin'gny lalan'gny mpanjaka rahay mandra-piampitanay gny faritaninao." ²³ Fa tsy nengan'i Sihona mpanjaka handalo gny fari-tanin-drozy gny Israely. Fa nagnajary gny tafiny i Sihona mpanjaka gnan'Israely tagny agn'efitsy. Avy tagny Jahaza ie,zay nialianay tamin'Israely. ²⁴ Nanafiky gny tafik'i Sihona tamin'gny meso gn'Israely sady nangalaky gny tanin-drozy Arnona ka traky agny amin'gny renirano Jaboka,traky agny amin'gny tanin'gn'olon'i Amona. Sady matanjaky gny faritanin'gn'olon'i Amona. ²⁵ Nangalaky tanan'gny Amorita iaby reo gny Israely sady nipetraky tao amin-drozy,agnisan'zay Hesboba voho gnana-bohiny iaby. ²⁶ Hesbona no tanan'i Sihona mpanjakan'reo Amorita,zay nialy tamin'gny mpanjakan'i Moaba taloha. Nalan'i Sihona iaby gny taniny traky agny amin'gny fari-taniny ka traky agny amin'gny Reniranon'i Arnona. ²⁷ Zay gnantony hivolagnan'reo zay misafa amin'gny ohabolana hoee: " Avia bakao Hesbona:Engao tanan'i Sihona io ho hatsanga ndraiky voho ho apetraky ndraiky. ²⁸ Nisy bolo mahama bakao Hesbona,lelam-bolo bakao an-tanan'i Sihona zay nandrava an'i Aran'i Moaba,voho reo tompon'reo toera agnabon'i Arnona. ²⁹ Loza ho anao,Moaba! Rava iha,ry olon'i Kemosy. Nataony ho mpandositsy reo gnanany lahy sady gadran'i Sihona mpanjakan'reo Amorita reo gnanany ampela. ³⁰ Fa resinay Sihona. Hesbona la rava traky agny amin'gny lala iaby mandeha agny dibona. Resinay rozy tegny amin'gny lala iaby mandeha agny Nofa,zay mandalo an'i Medeba." ^{31 32} Bakeo Mosesy nandefa olo magnenty an'i Jazera. Nalan-drozy gny zana-bohiny voho niroahin-drozy ze Amerita tao. ³³ Bakeo niodaky rozy voho niakatsy hagnagny amin'gny lala magnagny Basana. Niboaky i Oga nagnohitsy an-drozy mpanjakan'i Basana ,ie voho gny tafiny mba hialy amin-drozy agny Edrehely . ³⁴ Bakeo Yaveh nisafa tamin'i Mosesy hoee: "Ka matahotsy gnazy,fotony nameako fandresea eo aminy,gny tafiny iaby, voho gny taniny iha. Ataovo ze nataonao tanin'i Sihona mpanjakan'i Amorita ,zay mipetraky agny Hesbona " ³⁵ Ka nivonoen-drozy ie ,reo gnanany johary ,voho gny tafiny iaby ,zisiky mahafaty gn'olo iaby .Bakeo la nalan-drozy gny taniny.