¹ La nivola tamin'i Mosesy i Yaveh.Hoy Ie hoe:" ² Mandefasa johary maromaro mba hagnenty gny tany Kanana,ze hameako gny vahoakin'Israely.Mandefasa johary raiky isaky gny fokon'ny razamben-drozy iaby.Reo johary kiraikiraiky reo la tsy maintsy miparitaky amin-drozy eo. ³ Nandefa gnan-drozy tagny an-diomonton'i Parana i Mosesy,mba hahafan-drozy magnaraky gny lilin'i Yaveh.Rozy iaby la samby niparitaky tamin'ny vahoakin'Israely iaby. ⁴ Reto ro agnaran-drozy:bakamin'ny fokon'i Robena la i Samoa anakilahin'i Zakora; ⁵ bakamin'ny fokon'i Simeona la i Safata,anakilahin'i Hory; ⁶ bakamin'ny fokon'i Joda la i Kaleba anakilahin'i Jefone; ⁷ bakamin'ny fokon'i Isakara la i Jigala anakilahin'i Josefa; ⁸ bakamin'ny fokon'i Efraima la i Hosea anakilahin'i Nona; ⁹ bakamin'ny fokon'i Bejamina lai Palty anakilahin'i Rafo; ¹⁰ bakamin'i Zebolona la i Gadiela anakilahin'i Sody; ¹¹ bakamin'ny fokon'i Josefa (ze midika hoe bakamin'ny fokon'i Manase) la i Gady anakilahin'i Sosy; ¹² bakamin'ny fokon'i Dana la i Amiela anakilahin'i Gemaly; ¹³ bakamin'ny fokon'i Asera la i Setora anakilahin'i Mikaela; ¹⁴ bakamin'ny fokon'i Naftaly la i Naby anakilahin'i Vofsy; ¹⁵ bakamin'ny fokon'i Gada la i Geoela anakilahin'i Maky. ¹⁶ Reo ro agnarany reo johary ze nalefan'i Mosesy mba hagnety gny tany.Nikaihy tamin'ny agnara hoe Josoa i Hosea anakilahin'i Nona. ¹⁷ Nalefan'i Mosesy mba hagnety gny tany Kanana rozy.Hoy ie tamin-drozy hoe:"Milira baka Negeva ao ka miakara agny amin'ny tany abo. ¹⁸ Henteo gny tany mba hahitantsika azy hoe manao akory.Diniho soa gn'olo mifitaky ao,asa fatratry sa malely, voho lako va tsy ampy. ¹⁹ Henteo gny tany ifitaran-drozy.Soa va zao sa raty?Tana ino ro ao? Manahaky gny toby va rozy sa mivala? ²⁰ Henteo gny tany,laha soa hambolea va sa tsy mety,voho laha misy hazo mitiry ao na tsy misy.Mifatrara ka magnadesa santionany ami-gny vokatsy ny tany zao."Ka tamizay fotoa zay la fotoa fivokaran'ny voaloboky. ²¹ Ka la niakatsy johary reo ka nagnety gny tany baka an-diomonton'i Sinay ka zisiky Rehoba,agnilan'i Lebo Hamata. ²² Niakatsy baka Negeva agny rozy ka niavy tagny Hebrona.Ahimana,Sesay,voho Talmay,reo fokon'i Anaka la toa. Ka Hebrona la fa tafatsanga fito tao talohan'i Zoana gny Egypta. ²³ Lafa niavy tao amin'ny vavasahan'i Eskola rozy,la nanapaky tahom-boaloboky.Nilanjan-drozy roelahy tami-gny tehy zay.Nanday ampongaben-dagnitsy voho aviavy avao koa rozy. ²⁴ Zay toera zay la nikaihy hoe vavasahan'i Eskola,nohon'ny gny tahom-boaloboky ze nitapahin'ny vahoakin'i Israely tao. ²⁵ Afaky efapolo andro,la nimpoly baka am-pagnetea gny tany agny rozy. ²⁶ Nimpoly tamin'i Mosesy,Arona,voho gny fivorian'ny vahoakin'Israely tagny an-diomonton'i Parana,tagny Kadesy rozy.Nanday valin-teny tami-drozy voho tamin'ny fivondrogna iaby,ka nagnatoro tami-drozy gny vokatsy tamin'ny tany zao tao. ²⁷ Hoy rozy tamin'i Mosesy hoe:"Niavy tamin'ny tany ze nagnirahanao gnanay rahay.Vatany vokatsy ronono voho tantely tokoa tany zao.Ndreto gny santionananny gny vokatsy bakao. ²⁸ Ndra zay aza,gn'olo mifitaky amin'ny tany zao ao la fatratry.Gny tana ao la mivala voho bevelara.Nahita gny havorohotan'i Anaka tao avao koa rahay. ²⁹ Gny Amalekita mifitaky agny Negeva.Gny Hetita,Jebosita,voho gny Amorita la mamboatsy gny tragnony amin'ny gny tany abo.Gny Kananita la mifitaky amoron-driaky egny voho magnaraky gny Ony Jordana." ³⁰ Ka kaleba nampiegny gny vahoaky ze tagnatrehan'i Mosesy ka nanao hoe:"Aoky rahay hiakatsy ka hangalaky gny tany ho gnantsika ,fotony la ho vitantsika gny handresy gnazy." ³¹ Fa johary hafa ze nisondry tamin-drozy reo la nanao hoe:'Tsy vitantsika gny hanafiky gnan'ny vahoaky reo fotony fatratry mandilatsy gnantsika rozy." ³² Ka la nagnely tatitsy mahakamo gny vahoakin'Israely mikasiky gny tany ze fa nihentean-drozy rozy.Hoy rozy hoe:"Gny tany ze nihenteanay la tany mitely gn'olony.Gn'olo iaby ze hitanay la bevata abo avao. ³³ Nahita olo bevata tao zahay,gny havorohotan'i Anaka,olo ze bakamin'olo bevata.Laha gny fahitanay azy manoka la manahaky gny valal tsika agnilan-drozy eo,ka la manahak'izay koa rahay laha hentean-drozy.