¹ Ya pae otchitchi matukapopia? Tuna olho kuombea mopekalo opo otchali tchilivamakame? ² Pó hapo! Otue omba tuatchuila kopekalo, ongapi nkhe vali matuka muyo? ³ Kamutchi okutia, ngatchi tuayavama ku Yesu Clistu, naotue tuayavekua kokutchua Kue? ⁴ Pae, tuafhifhilua pamu Nae mokonda yokuyavama mokutchua. Tcho tchaningua okutia ngatchi Clistu nkhu atutilifhua pokati kaomba vatchua noumbala va Tate, naotue opo tuamuna omphitilo yokuendea komunhu omupe. ⁵ Mokonda, pua tuelikuata pamu Nae kufhefha kokutchua kuae, naotue matukaendea pamu kokututila Kuae. ⁶ Otue tcho tutchi: okutia ouzhiu vetu oukulo vatchua pamu Nae, okuningea okutia olutu lopekalo lutunguluke. Tcho tchaningua okutia opo hatunigi oupika vali nopekalo. ⁷ Eñgua akungula opopiwa kokufhuapo, ya opekalo kaina vali oyonkhono kue. ⁸ Ya pae, ngaile pua tutchua na Clistu, tutchiva okutia naotue matukaka Nae. ⁹ Tutchi okutia Clistu nkhu vatutilifhua pokati kuaomba vatchua ya ahamatchui vali. Ya É nge kakatchua vali. ¹⁰ Mokonda, pua nkhu atchuila mopekalo, É vatchua mulimu okuhatchuatchua vali té kolukulu. Pae omunhu ombo aka Nawo, ukako ku Huku. ¹¹ Ngotchikuawo, lipakemi kokutchua polueni muni kopekalo, ya kaemi nomunhu ku Huku mu Yesu Clistu. ¹² Pae, hamuyeka opekalo okutumina momalutueni okutchua, okuliningea okutia mutavele koyoholo zheni. ¹³ Hamuvilikifha ovivei viomalutueni kopekalo, hamuningi tcheinha helitcho kokuhafhuifhapo. Ya pae livilikifheni ku Huku ngaomba vatchua pae venomunhu. Ya vilikifheni ovivei vio malutueni ku Huku muninge tcheinha tchafhapo. ¹⁴ Hamutavele opekalo imukelenge, mokonda kamukohi yotchitumino, mukohi yotchali. ¹⁵ Ya pae? Tupondola kuninga opekalo mokonda katukohi yotchitumino? hulako! ¹⁶ Kamutchi okutia kuinguinha onue lumu mulivilikifha ngo vatalavai éeli inguinha ku nge mamutavele ya éeli inguinha ku nge mamute? Otchatchili octhi: okutia mamuile ovatalavai vopekalo ku makumutuala kokutchua, inemamuile ovatalavai vo kutavela ku makumutuala kokufuifhapo. ¹⁷ Ya pae mbapandula Huku! Mokonda nkhu muvatalavai vopekalo, putcho onue mutavela kombungo otchizhike kelilongefho endi muapewa. ¹⁸ Onue muyowolua kopekalo ya pahe movapika vokufuifhapo. ¹⁹ Mipopi ngo muzhiu, mokonda yokupoyola kolutuluene. mokonda, tchi muavilikifha ovivei viomalutueni ngo vapika kuimiã avihe vili ovivi, ngotchi kuawo, pahe, livilikifheni ngo vapika vokufuifhapo nokutalavayea Huku. ²⁰ Okutala okutia, tchi nkhu muli ovapika vopekalo, nkhu muayowoka kokufuifhapo. ²¹ Kovitenha imiã, otchiwa patchi pae nkhumunatcho kovipuka imbinha pahe munohomi? Mokonda okupua kovipuka embio okutchua. ²² Pae pahe, tchi muayowolua kopelo yamuaila ovapika va Huku, ofheto yovipukaimbio avihe onue mamukaka na Huku. ²³ Mokonda ofheto yopekalo okutchua, ya ounongo votchali tcha Huku omunhu umbu haupo ko Yesu Clistu Tate Kulu yetu.