¹ Pahe otue, omba tuakola, tuno olho kukuatefhako ombenha vapoyola ya nge hatuningi otchiwa kotue pé. ² Poluetu kanda munthu nganinge mawa inguiha elipakana nae, mokonda tcho otchiwa kokukula kue. ³ Mokonda Clistu nae keliningilile pé otchiwa Kue muni; ngatchi tchahonikua: omatuka aombenha vekutukana awila kuam. ⁴ Mokonda tcheinha tchahonikue polutenga tchahonikua tchile otchuyukifhi tchetu, okuningea okutia mokonda yombili nekuatefhelo lhiovihonikua, tupondole okuomiikako. ⁵ Huku yombili noyokukuatefhako nge mupe ukukakako noyondunge eñpho, pokuka kueni novakueni, Ku Jesus Clistu, ⁶ opo muyibile ko ndaka imu pé ku Huku Tate ya Tate Kulu ayetu Jesus Clistu. ⁷ Pae likuateni nawa polueni novakueni ngatchi Clistu nae emukuata koumbala wa Huku. ⁸ Pae mipopi okutia Clistu waningua okuila omutalavae wokuhita moviyumbo kotchali tchotchatchili tcha Huku, opopie oyonkhano zhapewa owohe, ⁹ yo opo ovipunde vihivike Ku Huku konkhenda Yae. ngatchi tchahonikua: Pae mikapopia kove pokati kovipunde, ya mikayimba oyondjongo mena Lhoe. ¹⁰ Ya vali mitia: Lemueni vipunde, nombunga Yae. ¹¹ Ya mitia: Yimbileni Tate Kulu, amuhe onue ovipunde, yimbileni aihe ombunga. ¹² Ya nkhe watia: Mamukalua omuzhi mu Chuse, Ombo maukakulama utumine ovipunde. Mue ovipunde mavikaomiikako. ¹³ Apahe, Huku yonkhevelo ngemuvafhe nehambo lhatcho alihe nombembua yaombenha vatavela, opo mupite nonkhevelo koyonkhono zho Mphepo endji Yafuapo. ¹⁴ Naami mbatavela lumu okutia onue ovanthu vange, naonue mueyula noholo nounongo watcho auhe. Mbatavela okutia naonue nge mamukolefha ovakueni ¹⁵ Pae mbemuhonikila vali ovipuka vimu okuningea okumungunukifha vali, mokonda younongo ombu mbapewa na Huku, ¹⁶ Ndjile omutalavai umu Jesu Clistu mbatumua kovipunde, ndjiliandje ngomutuita wondaka ombua oya Huku. Ndjino olho kutchininga, opo oviyambo vio vipunde vitavelue okufufhifhuapo koMphepo endji Yafuapo. ¹⁷ Pae ndjino oholo Jesu clistu kovipuka embi vivalela ku Huku. ¹⁸ Ngatchi, hina vali tchi mikapopia, ahaile tcheinha Clistu aninga mokonda yange kokutea kovipunde komalaka nokovininga, ¹⁹ koyonkhono nokovilimbo ya nohakukifha, koyonkhono zho Mphepo endje Yafuapo; okuningea okutia kocheluchale nokovikolo té kovio kuyimbila mbapopia okufuifhapo ondaka ombua oya Clistu. ²⁰ Putcho, oholo yange ila oyokupopia ondaka ombua, ya Clistu apopiwa kaya, opo ndjitunge hakotchinge tchomuni. ²¹ Ngatchi tchahonikua: ombenha ku haipopiwe mavekemumuna, ya ombenha havatele mavakaifhapo. ²² Tcho, natcho tchatchaelua omakando omengi opo hatchiya té konu. ²³ Ya pahe hapena vali otchivei tchimu movilongo imbi okuninga oholo komanima atcho ahe okumupiluka. ²⁴ Pae, nge mbaenda Kochipanha, mikevele okumumuna okupita okuendekua naonue, tchi mbafhovela okuendea pamu naonue. ²⁵ Ya pahe miende Kocheluchale djikatavaye ovafuifhapo. ²⁶ Pae Omachendonia noAkaiya vayumbe oviyambo vimu kovahepi kovafuifhapo koichalaeli. ²⁷ Vahopa tcho mokonda, otchatchili owo ovalevali; pae ovipunde ngavapingafhanifha pamu nawo kovipuka viomphepo nawo veno olho kumutavayela kovipuka vilo. ²⁸ Pae nge fuifhapo kovininga embi, ya komba ndjitchi okutia owo vatambula oviyumbo, okukuata konue, miende Kochipanha. ²⁹ Ami ndji okutia, nge mbaende té konue, mikaendea kotchiviki tchoyonkhano zha Clistu ³⁰ Ya onue vango vange, mikumbu ko Tate Kulu yetu Yesu Clistu, nokotchihando tcho Mphepo, okutia tulikuateni pamu nami komalikumbelo eni ku Huku Kuami. ³¹ Likuambelini opo ami djiyowoke kombenha havatavele owo kochundeya, ya oviniga viange kocheluchale vitavelua kovafuifhapo, ³² opo viende té konue kehambo koholo ya Huku, ya opo pamu naonue ihangepo omayoukuilo. ³³ Ombembua ya Huku ngaikae naonue amuhe. Amém!