¹ Tambuleni inguinha apoyola kekolelo, ya hamamukoyefha mokututa kueni. ² Umunthu umu uninga ekolelo olhokulha otchipuka pé; umu iñgua opoyola ulha pé ovipoke. ³ Inguinha alha ovipuka viatcho avihe hatoyo inguinha hali; ya inguinha avihe hali hakoyefha inguinha alha, mokonda Huku vatambula. ⁴ Oveiuwa, engo ukoyefha omutuita wamuni? Kotchipala tcho mulengefhi wae muni é ukulama pamu uwa. Ya é makaka akuklama mokonda Tate Kulu uno yonkhono ozho kumuómbeka akulama. ⁵ Umunthu umu ututa okutia otchitenha tchimu tchavalela vali kotchikuwo; umu ututa okutia vielifha. Tuyekeni kanda munthu aomiike ktcheinha tchimomutue wae muni. ⁶ Inguinha amuna otchitenha otchimunea ku Tate Kulu; ya inguinha alha, ulha ku Tate Kulu, pae upandula ku Huku. Inguinha hali mokonda ya Tate Kulu kali, ya nae upandula ku Huku. ⁷ Mokonda potue kutupu engo aká pé, ya kutupu engo atchua pé. Pae okutia tukako, tukako ku Tate Kulu, ya pua tuatchua, tuatchua ku Tate Kulu. ⁸ Pae kutia okako, pamu okutchua, tuva Tate Kulu. ⁹ Mokonda, putcho, Clistu watchua ya watutila, opo aile Tate Kulu owovatchue naomba veno munhu. ¹⁰ Pae ove, palatchi ukoyefha omuango woe? Ya ove palatchi utoya omuango woe? Pae atuhe matukaka kotchipala tchohali ya Huku. ¹¹ Mokonda tcha honikua: Tchafhuapo ngatchi Ami ndjikala, wapopia Tate Kulu, Kuami oyongolo zhztcho azhihe mazhikelionha, ya omalakatcho aahe makayimbila ahuku. ¹² Ngatchi poluetu kanda munthu mekelimu polue muni ku Huku. ¹³ Pae hatulikoyefha vali poluetu; ya putcho, tchi muahanda hakuningi engo matchitchaele pamu nokuninga omoo omuango woe. ¹⁴ Ami ndjitchi ya mbafuapo ku Tate Kulu Jesus okutia poluatcho muni kutupo tchi hatchifuepo, ahaie kuinguinha atuta okutia vimu kavifuepo. ¹⁵ Okutia mokonda yoyondia, omuango woe mayumanikua, po kuende motchihando. Hutungulula noyondia inguinha Clistu atchuila. ¹⁶ Pae, hotavele okutia tcheinha ututa okutia otchiwa tchitoyue. ¹⁷ Mokonda oumbala wa Huku hakoyondia, hakoyio kunua, ouhunga, ombembua nehambo Monphepo endji yafuapo. ¹⁸ Mokonda inguinha atalavayea Clistu ngatcho utavelua na Huku, ya utatavelua novanthu. ¹⁹ Pae, tukaeteni ovipuka vio mbembua ya embinha mavikulifha omukueni. ²⁰ Hotungulula ovininga via Huku mokonda vio yondia. Avihe ovipuka otchatchli viela, pae tchepenga komunthu inguinha alha okueta okulipotala. ²¹ Otchiwa okuhalha onham, nokuhanua owalende, nokuhanua otchipuka pé tchi nge matchiputafha omuango woe. ²² Holeka polue na Huku tcheinha utavela okuhumba putcho. ²³ Owonkhano ombua oinguinha helipoyolefha natcheinha alola. Inguinha apana pua etchilha unguka, mokonda katchitezhe ekolelo; ya tcheinha hatchilu kekolelo opekalo.