8
1
Хорлэн кивалтӥсезлы. Гефын улӥсьёслэн шудонзылы. Давидлэн псаломез.
2
Инмармы, асьмелэн Кузёмы! Кыӵе быдӟым Тынад нимыд быдэс музъем вылын! Данэд Тынад ӝутске инлэсь вылэ!
3
Тынад тушмонъёсыд сэрен, Тон нуныослэн но нонӥсь пиналъёслэн куараоссылэсь ушъян лэсьтӥд, ымзэс ворсан понна тушмонлэсь но пунэмзэ берыктӥсьлэсь.
4
Куке мон учкисько Тынад инэд шоры - Тынад киыныд со лэсьтэмын, толызез но кизилиосты адӟисько, Тон кудъёссэ кылдытӥд,
5
соку кин сыӵе адями, кудзэ Тон тодӥськод, кин со сыӵе адямилэн пиез, кудӥз доры Тон ветлӥськод?
6
Тон лэсьтӥд сое кӧнялыке Аслысьтыд улӥегес: котыртӥд сое данэн но сӥлыкен.
7
Тон пуктӥд сое кузёен Тынад киыныд лэсьтэмъёсын. Ваньзэ понид солэн пыд азяз:
8
ыжъёсты но ошъёсты, озьы ик луд пӧйшуръёсты,
9
лобасьёсты инмысь но вуысь чёрыгъёсты, но ваньзэ, мореысь улӥсьёсты.
10
Инмармы, асьмелэн Кузёмы! Кыӵе быдӟым Тынад нимыд быдэс музъем вылын!