7
1
Ӝож кырӟан, кудзэ Давид кырӟаз Кузё-Инмарлы, Вениаминлэн выжыысьтыз, Хусалэн ужез сэрен.
2
Кузёе - Инмаре мынам, мон Тон вылэ оскиськисько! Уть но мозмыты монэ ваньмызлэсь монэ уллясьёслэсь.
3
Соос медам кесялэ мынысьтым лулме, левъёс музэн, куке ӧвӧл мынам соослэсь утисе.
4
Кузё-Инмаре мынам! Мон маеке лэсьтӥ ке, мынам киям шонертэмез вань ке,
5
мон берыктӥ ке лекен солы, кин монэным вал тупаса улонын,- мон, кудӥз утьылӥз сое но, кин мугтэк мыным тушмон луиз,-
6
соку тушмон мед улляськоз мон сьӧры но мед кутоз, мед лёгалоз мынысьтым улонме музъем пушкы но мынысьтым данме мед тузон пӧрмытоз.
7
Кузё-Инмаре, султы Аслад йыркурад. Ӝутскы вожпотонзылы мынам тушмонъёсылы пумит!
8
Тынад котырад люкаськозы тросс калыкъёс, но Тон соос вылэ ӝутӥськы вылӥе.
9
Кузё-Инмаре калыкъёсты судить каре. Кузё-Инмаре, судить кар монэ, мынам шонерлыке но дун улэмме адӟыса.
10
Шонерлыко Инмар, дугдыты законэз тӥясьёслэсь лексэс, но шонерлыко улӥсьёсты юнмат, уго Тон эскериськод сюлэмез но пуштросэз но!
11
Мынам щитэ - Кузё-Инмар, кудӥз шонерлыкоосты сюлэмоос уте.
12
Инмар-шонер судья. Инмар, котькуд нунал юн юа,
13
кин ке сьӧлыклэсьуг ке куштӥськы. Со соку Аслысьтыз мечсэ шере, пукыӵсэ Аслысьтыз золтэ но мертаське,
14
дася солы кулон вайись ожтӥрлык, Аслысьтыз стрелаоссэ лэсьтэ ӝуась.
15
Тани, сьӧлыклэсь кышкасьтэм кӧто луиз шонертэмен, пушказ йыркур нуллӥз но пӧялляськон вордӥськытӥз.
16
Со гу копаз, копаз но ачиз отчы усиз.
17
Солэн йыркурез берытскоз солэн ик йыр вылаз, солэн йыр ужэз усёз солэн ик йырнебытаз.
18
Данъясько Кузё-Инмарез Солэн шонерлыкезлы но кырӟасько Вылысь Кузё-Инмарлэн нимызлы.