3
1
Давидлэн псаломез, аслаз Авессалом пиезлэсь пегӟыкуз.
2
Кузё-Инмаре! Тушмонъёсы мынам ватсаськизы! Тросэз мон пумитэ ӝутӥськизы,
3
тросэз верало мон сярысь: ”Со понна утӥськон ӧвӧл Инмарлэсь”.
4
Нош Тон, Кузё-Инмаре, мынам щитэ, мынам данэ. Тон ик ӝутод мынысьтым но йырме.
5
Кузё-Инмарлэсь куараме поттыса курисько, Аслаз святой гурез вылысеныз, Со вазьылэ мыным.
6
Мон выдӥсько, изисько но султӥсько, уго Кузё-Инмарэ уте монэ.
7
Уг кышка тросс тушмонъёслэсь, котькуд ласянь мон пумитэ султэмъёслэсь.
8
Султы, мынам Кузёе! Уть монэ, мынам Инмаре! Уго жугиськод Тон мынысьтым тушмонъёсме ымберлазы но законэз тӥясьёслэсь пиньёссэс пешкытъяськод.
9
Утӥськон Кузё-Инмар бордын. Тынад калыкед вылын Тынад благословениед.