4

¹ Хорлэн кивалтӥсезлы. Сиё шудонъёслы. Давидлэн псаломез.

² Мынам шонерлыкелэн Инмарез, куке мон курисько кылзы монэ! Ӝикытын но Тон мон понна шедьтӥськод буш инты. Помиловать кар монэ но вӧсяськемме пеляд пон.

³ Калыкъёс! Кытчёзь сантэмалоды монэ? Кытчёзь яратоды токма выронъёсты но утчалоды шонертэмзэ?

⁴ Тодэлэ, Кузё-Инмар висъяз Аслыз Аслысьтыз святойзэ. Кылэ Кузё-Инмар, куке курисько мон Солэсь.

⁵ Йыркуръяськыкуды, сьӧлык эн лэсьтэ: чаклаське сюлмыныды асьтэлэн валес вылады но буйгатске.

⁶ Шонерлыклэсь жертваоссэ вае но Кузё-Инмар вылэ оскиське.

⁷ Тросэз юало:"Кин возьматоз милем ӟечлыкез?" Кузё-Инмаре, возьмат милем Тынад ымнырыдлэсь югытсэ!

⁸ Тон сюлэмме мынысьтым шумпотонэн тырмытӥд, соослэсь кадь ик, кинлэн ватсаськиз нянез но винаез.

⁹ Мон каньылак выдӥсько но изисько, уго Тон гинэ, Кузё-Инмаре, сётӥськод мыным кышкатэк улыны.