24
1
Давидлэн псаломез. Тыныд, Кузё-Инмаре, сётӥсько аслэсьтым улонме.
2
Мынам Инмаре! Тон вылэ мынам оскиськонэ. Мон возьытэ уськытэмын уг луы, медам шум потэ мынам тушмонъёсы.
3
Кинъёс Тон вылэ оскисько, соос возьдаськонэз медаз адӟе, кинъёс нокыӵе но мугтэк кескич лэсьто, соос сереме уськытэмын мед луозы.
4
Кузё-Инмаре, возьмат мыным Тынэсьтыд сюресъёстэ но дышет монэ пытьы кузяд ветлыны.
5
Ну монэ Тынад шонерлыкедлэн сюрестӥз, дышет монэ отӥ вамышъяны, уго Тон - мынам утиськонэлэн Инмарез. Тон вылэ оскиськисько котькуд нунал.
6
Кузё-Инмаре, тодад вай жаляндэ но Аслэсьтыд ӟечлыктэ, уго Тон котьку сыӵе.
7
Вунэты мынэсьтым егит дырылэсь сьӧлыкъёсме но мынэсьтым урод ужъёсме. Тодад вай, Аслэсьтыд жаляндэ но Аслэсьтыд ӟечлыктэ мон сярысь, Кузё-Инмаре!
8
Кузё-Инмар ӟечлыко но шонерлыко, соин уго Со сьӧлыкоосты, зэмос сюрэс вылэ поттэ,
9
востэмъёслы шонерзэ возьматэ но Аслаз сюресъёсызлы дышетэ.
10
Кузё-Инмарлэн вань сюресъёсыз – жалян но шонерлык, Солэсь заветсэ но усьтэмъёссэ утисьёслы.
11
Мынам сьӧлыкъёсме, котькыӵе бадӟымесь ке но соос, Тынад нимыд понна, простить кар, Кузё-Инмар.
12
Кин со адями, кудӥз Кузё-Инмарлэсь кышка? Солы Инмар возьматоз, кыӵе сюрес бырйыны.
13
Шудо луоз солэн улонэз, солэн выжыосыз музъем вылын наследникъёс луозы.
14
Кузё-Инмарлэн лушкемез соослы, кин кышка Солэсь, но Со Аслэсьтыз сиземзэ усьтэ соослы.
15
Мынам синъёсы котьку Кузё-Инмар шоры учко, уго Со мынэсьтым пыдъёсме сетьысь поттэ.
16
Учкы мон шоры но жаля монэ, уго мон огням но ултӥямын.
17
Ватсаськизы куректонъёс мынам сюлэмылэн. Потты монэ мынам курадӟёнъёсысьтым,
18
учкы но адӟы мынам куректонъёсы но курадӟёнъёсы шоры но простить кар мынэсьтым вань сьӧлык лэсьтэмъёсме.
19
Учкы мынам тушмонъёсы шоры, сокем трос соос, но кыӵе лек соос монэ адӟемпотостэм каро.
20
Уть мынэсьтым улонме, мозмыт монэ возьытэ усемлэсь, уго Тон мынам осконэ.
21
Чылкытлык но шонерлык мед утёзы монэ, уго мон Тон вылэ оскиськисько.
22
Инмар, мозмыты Израилез солэсь вань куректонъёсызлэсь.