23
1
Давидлэн псаломез. Вань музъем но ваньмыз, мар со вылын, дунне, но мар со пушкын улэ, Кузё-Инмарлэн луэ,
2
уго Со сое кылдытӥз море вылын но шуръёс вылын юнматӥз.
3
Кин тубоз Кузё-Инмарлэн гурезяз? Кин сылыны быгатоз Солэн святой интыяз?
4
Со, кинлэн сьӧлыктэк киосыз но чылкыт сюлэмыз, кин аслаз улонэныз токма кыл ӧз сёт, шонертэм кыл но ӧз сёт аслаз матысезлы,-
5
со адями басьтоз Кузё-Инмарлэсь благословение но аслаз Инмарезлэсь, Утисезлэсь милостьсэ.
6
Сыӵе выжы, кудӥз Тонэ утча, Тынэсьтыд ымнырдэ утча, Иаковлэн Инмарез!
7
Ӟезьыос, вань кузьдалады ӝужда усьтӥське, вашкала ӧсъёс усьтӥське, соку данлэн Царез пырыны быгатоз!
8
Кин со данлэн Царез? Кузё-Инмар - кужмо но юн, Кузё-Инмар ожмаськонъёсын кужмо.
9
Ӟезьыос, вань кузьдалады ӝужда усьтӥське, вашкала ӧсъёс усьтӥське, соку данлэн Царез пырыны быгатоз!
10
Кин со, данлэн Царез? Кужымлэн Кузё-Инмарез, данлэн Со - Царез.