25

¹ Давидлэн Псаломез. Кузё-Инмаре, судить кар монэ, уго мон сьӧлык лэсьтытэк улӥ, мон Тынэсьтыд юрттэт витисько, уг усьы ноку.

² Кузё-Инмаре, учкы шорам но эскер монэ, шунты мынэсьтым сюлэмме но пуштросме,

³ уго Тынад гажанэд-жалянэд мынам син азям, но мон ветлӥ Тынад зэмлыкад.

⁴ Мон ӧй пук пӧялляськисъёсын но кескичъёсын мон ӧй ветлы.

⁵ Урод палпасьёслэсь кенешсэс мынам адӟеме уг пот, но мон уг пуксьы артысь урод лэсьтӥсьёсын.

⁶ Кузё-Инмаре, киосме миськыса возьмато янгыштэмме но Тынад жертвенникэд котыртӥ ветло,

⁷ кырӟаса но данъяса Тонэ но Тынад вань паймымон ужъёсыд сярысь верало.

⁸ Кузё-Инмаре! Мон яратӥ коркадэ, кытын Тон улӥськод но Тынад данэдлэсь интызэ.

⁹ Эн бытты монэ сьӧлык лэсьтӥсьёсын но вир кисьтӥськемез яратӥсьёсын ӵош,

¹⁰ кудъёсызлэн киоссы урод ужъёс лэсьто но бур кизы соослэн пыр кузьым вите.

¹¹ Нош мон аслам чылкытлыкам ветлӥсько. Мозмыт но жаля монэ.

¹² Мынам пыдъёсы шонер сюрес вылын сыло. Собранниосын ӟечкыласько Кузё-Инмарез.