17
1
Хорлэн кивалтӥсезлы. Давид, Кузё-Инмарлэн рабез, данъяз та кырӟан гуръёсын Кузё-Инмарез, куке Кузё-Инмар мозмытӥз сое вань тушмонъёсызлэсь но Сауллэн ки улысьтыз. Со шуз:
2
“ Ярато мон Тонэ, Кузё-Инмаре, Тон мынам кужыме!
3
Кузё-Инмар - мынам изэ, мынам ватсконние, мынам Мозмытӥсе. Мынам Инмаре - мынам утисе. Мон оскисько Со вылэ. Со мынам щитэ, мынам утиськонэлэн сюрыз но мынам ватӥськон интые.
4
Йыбырто Кузё-Инмарлы, Солэсь юрттэт куро но Со утёз монэ тушмонъёсылэсь.
5
Кулонлэн выосыз котыртӥзы монэ, законлы пумитъяськонлэн шуръёсыз кышкатӥзы монэ.
6
Адлэн жыльыосыз керттылӥзы монэ, кулонлэн выосыз сьӧлтазы монэ.
7
Мон ӧти Кузё-Инмарез мынам шуг секытам но вазиськи мынам Инмарелы. Но Со кылӥз мынэсьтым кураме Аслаз святой храмысеныз, но мынам кеськеме Солэн пеляз вуиз.
8
Музъем зурказ но куалекъяз, гурезьёслэн инъетъёссы шонскизы но вырӟизы, уго Инмар важзэ поттӥз.
9
Ӵын потӥз Солэн нырысьтыз, ымысьтыз Солэн - ваньзэ ӵушкась тыл, но ӝуась эгыръёс Со дорысь усьылӥзы.
10
Инбамъёсты мыкыртӥз Со но васькиз, тём пеймыт Солэн пыд улаз.
11
Со херувим вылэ пуксьыса лобӟиз, тӧллэн бурдъёсыз вылын кошкиз.
12
Тём пеймытэз Со лэсьтӥз Аслыз шобретэн, сьӧкыт пилемъёсты лэсьтӥз, Аслаз котыраз шатёрен.
13
Солэн югыт пиштэмезлэсь пазьгиськылӥзы пилемъёс, кудъёсысьтыз йӧ куштылӥз но ӝуась эгыр усьылӥз.
14
Гудыриен гудыртӥз Инмар инбамын. Вылӥысьлэн куараез чузъяськиз йӧкуштонэн но ӝуась эгыръёсын.
15
Стрелаосын ыбылӥз но пазяз тушмонъёсты, тросс чилектэмъёсын пальткиз соосты.
16
Но адӟиськизы вуослэн кутсконниоссы, но усьтӥськизы дуннелэн инъетъёсыз Кузё-Инмарлэн кышкыт куараеныз, но Солэн вожпотон шокамезлэсь.
17
Вылӥысен Со кизэ сётӥз, басьтӥз монэ но выённиысь поттӥз.
18
Мозмытӥз монэ мынам лек тушмонэлэсь но монэ адӟемпотостэмъёслэсь, кудъёсыз мынысьтым кужмогес вал.
19
Мынам курадӟён дыръям соос алетскизы мон вылэ, нош Кузё-Инмар возиз монэ.
20
Со поттӥз монэ кышкыттэм интые но утиз, Со вала монэ уго.
21
Шонер улэме понна Кузе-Инмар мыным ӟечен берыктӥз, чылкыт киосылы кузьмаз монэ.
22
Уго мон ути Кузё-Инмарлэсь сюрэссэ но законэз ӧй тӥя мынам Инмаре азьын,
23
уго Солэн вань зоповедьёсыз мынам азям, но Солэн косэмъёсызлэсь мон ӧй палэнскы.
24
Мынам изъянъёсы ӧй вал Со азьын, сьӧлыке усемлэсь кышкаса улӥ.
25
Но Кузё-Инмар сётӥз мыным мынам шонерлыкелы но Солэн син азяз чылкыт киосы понна.
26
Милосерднойёслы Тон милосердидэ сётӥськод, сюлмысьтыз тыршись муртлы - сюлмысьтыд сётӥськод,
27
чылкыт сюлэмоослы – чылкыт сюлэмен, кескичъёсын – соослэн кескичсыя.
28
Тон утёд зӥбыт адямиосты, вылтӥяськись малпанъёсты быдтод.
29
Кузё-Инмар, Тон улӟытӥськод мынэсьтым светильникме, мынам Инмаре Тон мыным пеймытын югыт кариськод.
30
Мон Тонэныд армиосты пазьгисько, мынам Инмареным стена вылэ тубисько.
31
Инмарлэн сюресэз туж ӟеч, кылыз Солэн чылкыт. Солы оскисьёслэн Со щитсы.
32
Кин Инмар, Кузё-Инмар сяна, но кин утёз, асьмелэн Инмармы сяна?
33
Инмар мыным кужым сётӥз но шонер сюрэс вылэ монэ поттӥз.
34
Пыдъёсме ӝог бызьылӥсь пужейлэн кадь лэсьтэ, но пуктэ монэ ӝужыт интыосы.
35
Киосме ожмаськонлы дышетэ, но мынам киосы ыргонлэсь пукыӵез золто.
36
Тон сётӥд мыным Тынад утиськонэдлэсь щитсэ, но монэ юнматэ Тынад бур киыд, Тынад жалянэд монэ бадӟым лэсьтэ.
37
Тон кузёмытӥськод мынысьтым вамышме, но мынам пыдъёсы уг куалекъяло.
38
Мон уллясько аслысьтым тушмонъёсме но уисько соосты, соосты быдтытэк берлань уг бертӥськы.
39
Погыртӥсько соосты, соос усьыло мынам пыд азям, но султыны уг ни быгато.
40
Уго Тон мыным кужым сётӥд но дасяд ожмаськонлы но зӥрпалтӥд пыд азям мон пумитэ ӝутскемъёсты.
41
Тон тушмонъёсме мыным тыбырын берыктӥд, но мон быдтӥ монэ адӟемпотӥсьтэмъёсты.
42
Соос кесясько юрттэт курыса, нош соослы нокин но уг юрты, кесясько Кузё-Инмарлы – нош Со соосты кылы.
43
Мон соосты тузонэз кадь тӧлъя келясько, пыд улам лёгасько ульчаысь дэриез кадь.
44
Тон мозмытӥд монэ калыклэн бугыръяськемезлэсь, мурт музъем вылысь калыкъёс вылэ монэ пуктӥд кивалтӥсен. Калык, кудзэ мон ӧй тодыл, ужа мон вылэ.
45
Мон сярысь кылэмзы бере ик, мынысьтым кылзӥськись луо. Мурт музъем вылысь калык пырисько мон азьын.
46
Мурт музъем вылысь калык кышкало но куалекъяло асьсэлэн юнматыса лэсьтэм ватсконниосазы.
47
Улэп Кузё-Инмар! Мынам утисе благословен! Мед ӝутэмын луоз мынам утиськонэлэн Инмарез!
48
Инмар, кудӥз мон понна пунэмзэ сётэ, ворме мон понна калыкъёсты,
49
но мозмытэ монэ мыныстым тушмонъёссылэсь! Тон ӝутӥд монэ мон пумитэ султэмъёс вылэ но лек адямилэсь утид монэ.
50
Со понна мон данъяло Тонэ мурт музъемысь калыкъёс азьын, Кузё-Инмаре, но кырӟало Тынад нимыдлы,
51
Тон сётӥськод царьлы быдӟым утиськонъёс но милость сётӥськод Аслад быръем Давидэдлы но солэн выжыезлы даурысь дауре."ё