16
1
Давидлэн вӧсяськонэз. Кузё-Инмар, кылзы мынэсьтым шонермэ, кылзы мынэсьтым кесяськемме, басьты вӧсяськемме пӧяса вераны быгатӥсьтэм ымысьтым.
2
Инмаре судья монэ. Тынад синъёсыд мед адӟёзы шонерез.
3
Тон ветлӥд мон доры уйин, эскерид мынэсьтым сюлэмме но уродзэ ӧд шедьты. Мынам кылъёсы одӥг кадесь мынам малпанъёсыным.
4
Тынысьтыд кылдэ быдэсъяса, калыкъёсын кусып возьыкум мон вози асьме мукет адямиез пачкатон сюрэслэсь.
5
Юнматы мынысьтым пыдъёсме Тынад сюрес вылад, медаз ӵемтаське мынам пыдъёсы.
6
Инмаре, мон тыныд вазиськисько, уго Тон кылод монэ. Кылзы монэ, кылзы мынысьтым верамме.
7
Возьмат Аслысьтыд паймымон жаляндэ-гажандэ, Тон утиськод Тыныд оскиськисьёсты, Тыныд пумитъяськисьёслэсь.
8
Возьма монэ синчеберез кадь. Ват монэ Тынад бурдъёсыдлэн сай улаз
9
мон вылэ алетскисьёслэсь, законлы пумитъяськисьёслэсь, лулме котыртӥсь тушмонъёслэсь.
10
Соос куаеменызы вылтӥяськыса верасько.
11
Соос учко милесьтым котькуд вамышмес но котырто, музъем вылэ куштэмзы потыса.
12
Соос, жертвазэс возьмась левъёс кадесь, ватскыса пукись егит левъёс кадесь.
13
Султы, Кузё-Инмаре! Азьпалты соосты. Мыкырты соосты. Аслад меченыд уть мынысьтым лулме законэз тӥясьёслэсь.
14
Кузё-Инмаре, уть та дуннеысь калыкъёслэсь Аслад киыныд, калыкъёслэсь, кинлэн та улон гинэ удысэз, кинъёслэсь пуштроссэс Тон тырмытӥськод Аслад ваньбур возённиысьтыд. Соослэн пиоссылэн кӧтсы тыр но мылемзэ кельтозы асьсэлэн пиналъёссылы.
15
Нош мон шонерлыкен учко Тон шоры. Иземысь султӥ ке, тырмемын луо Тынад тусбуйеныд..