15
1
Давидлэн кырӟанэз. Инмаре мынам, уть монэ, уго мон Тыныд оскисько.
2
Мон шуи Кузё-Инмарлы: “ Тон - Кузёе мынам! Номыр но ӟечез мынам ӧвӧл Тон сяна”.
3
Музъем вылысь святойёсыдлы но Тынад бадӟымъёсыдлы, вань тыршеме мынам, соосын ӵошен луыны.
4
Идолъёс доры ветлӥсьёслэн, мед ватсаськозы куректонъёссы. Виркисьтэмъёссы соослэн юрӟым мон понна, соослэн идол нимъёссы уз луэ мынам кыл йылам.
5
Кузё-Инмар - мыным сётэмлэн но мынам чашаелэн люкетэз. Тон киын мынам азьлань улонэ.
6
Мынам улон гожъёсы ортчизы ӟеч интыостӥ но мыным сётэмез умой мон понна.
7
Ӟечкыласько Кузё-Инмарез - монэ дышетӥсез, уйъёсы но сюлмы дышетэ уго монэ.
8
Мон котьку син азям адӟылӥ Кузё-Инмарез, уго Со мон вӧзын, бур палам. Соин ик мон чик но уг куалектӥськы,
9
Сюлэмы но мынам шум потэ, кылы но шулдыръяське, мугоры но мынам номырлэсь но уг кышка,
10
уго Тон уд кельты мынэсьтым лулме кулэмъёслэн дуннеязы но Тынад святоедлы уд сёты адӟыны сисьмонэз.
11
Тон улонлэсь сюрессэ мыным возьматод. Шум потонэн тырмемын - Тон азьын улон. Тынад бур киад улыны - майбыр луон.