12
1
Хорлэн кивалтӥсезлы. Давидлэн псаломез.
2
Кузё-Инмаре, кема-а мон сярысь вунэтыса улод? Тон мынэсьтым, Аслэсьтыд ымнырдэ кема-а, возёд ватыса?
3
Кема-а мон малпаськыса уло на? Кема-а лумбытъёсын куректон луоз на, мынам сюлэмам? Кема-а вылтӥяськоз на мон вылын тушмонэ?
4
Учкы мон шоры, кылзы монэ, Кузёе мынам, Инмаре мынам! Сёт мынам аслам синъёсыным адӟыны югытэз но медам мон умметскы кулон изёнэн.
5
Мынам тушмонэ медам вера: “Мон ворми сое”. Мон куалектӥ ке, медам шумпотэ монэ уйылӥсьёсы.
6
Нош мон Тынад милостедлы оскыса улӥсько. Мынам сюлмы шум потоз Тынад утемедлы. Кырӟяло Кузё-Инмарелы, ӟечлыкен кузьмаселы, но кырӟало Вылӥлыко Кузёлы.