11
1
Хорлэн кивалтӥсезлы. Тямыс сиен шудонлы. Давидлэн псаломез.
2
Кузё-Инмаре, уть монэ, уго шонерлыкоос ӧвӧл ини, калыкъёс пӧлын оскымоноос ышизы.
3
Ваньмыз пӧяло ог огзэс. Кылъёссы соослэн чеберъяськон, чеберъяськон сюлэмысьтызы потэ куаразы.
4
Кузё-Инмар чеберъяськись ымъёсты но вылтӥяськись кылъёсын вераськисьёсты быдтоз
5
соосты, кудъёсыз верало: “ Вормом кылынымы. Асьмелэн чебер вераськыны быгатонэнымы - кин быгатоз асьменым кузёяськыны?”
6
Кузё-Инмар вера: “ Кураськисьёслэн курадӟемзы но начаръёслэн лулӟиськемзы понна туннэ султо. Кинэ кутыны туртто, сое кышкыттэм интые нуо”.
7
Кузё-Инмарлэн кылъёсыз, азвесь кадь дунэсь, сизьым пол ӵыжатыса, сюйлэсь сюзямын тыл пушкын.
8
Кузё-Инмаре, Тон котьку утёд но возьмалод соосты та выжылэсь.
9
Уго котькытӥ но законэз тӥясьёс ветло, уго ӝутӥсько адямиос пӧлысь укылтэмъёс.