13
1
Хорлэн кивалтӥсезлы. Давидлэн псаломез. Визьтэм аслаз сюлмаз вераз: “ Инмар ӧвӧл”. Калыкъёс азӥзы, соослэн ужъёссы кырсесь. Ӧз ни кыле ӟечсэ лэсьтӥсь адямиос.
2
Кузё-Инмар инмысен учкиз калыкъёс шоры, ваньна-а меда Инмарез утчась но валась мурт.
3
Ваньмыз шонер сюрес вылысь кожизы, огкадь укылтэм луизы, ӧз ни кыль нокин, кин ӟечсэ лэсьтэ.
4
Уз ни шат урод лэсьтӥсьёс катьяське - соос, кинъёс, нянез кадь сиё, мынэсьтым калыкме, но соос Кузё-Инмарэз уз ни шат ӧтелэ?
5
Отын соослы кышкытлык вуоз, кытын кышкытлык ӧвӧл, уго Инмар шонерлыкоослэн ӵыжы-выжыосыныз.
6
Начар мурт малпа: “ Кузё-Инмар мынам утиськонэ”. Нош тӥледлы серем потӥз солэн осконэз.
7
“ Сионысь утиськон лыктысал ке Израильлы!” Кузё-Инмар ку берыктоз Аслэсьтыз калыксэ пленысь, соку Иаков шулдыръяськоз но Израиль шум потоз.