23
1
Ваньмыз султӥзы но нуизы Сое Пилат доры.
2
Отыт Сое соос янгыше уськытыны кутскизы, вераса: ми тодӥськом, Та адями бугыръяськонэ нуэ милестым калыкъёсмес но уг лэзьы кесарьлы налог тырыны, Асьсэ Христос Царь шуыса лыдъя.
3
Пилат юаз Солэсь: Тон Иудалэн Царез? Со шуиз солэн пумитаз: тон вераськод.
4
Пилат шуиз первосвященникъёслы но калыклы: мон уг шедьтӥськы янгышсэ та адямилэсь.
5
Нош соос пыр-поч вераны тыршыса веразы: Со калыкез бугыръя, двшетыса вань Иудеяын, Галилеяысен кутскыса та интыозь.
6
Пилат, Галилея сярысь кылыса, юаз: шат Со Галилеяысь?
7
Но, тодыса, Со Иродлэн шаерысьтыз шуыса, келяз Сое Ирод доры, кудӥз озьы ик та нуналъёсы Иерусалимын вал.
8
Ирод, Иисусэз адӟыса, туж шум потӥз, уго туж кемалсь Сое адӟемез потыса улӥз, но, трос Со сярысь кылыса, малпаз адӟыны кыӵе-ке но паймымон ужъёсты.
9
Ирод трос юалляськиз Солэсь, нош Со солы номыр но ӧз вера.
10
Нош первосвященникъёс но книжникъёс сылӥзы но кужмысь Сое янгыше уськытыны тыршизы.
11
Нош Ирод но солэн солдатъёсыз, Сое ултӥяса но мыскыль карыса, дӥсязы Иисус вылэ чебер мантия но берен Пилат доры келязы.
12
Та нуналысен Пилат но Ирод эшласькизы, коть азьло уг тупало вал.
13
Пилат, первосвященникъёсты. кивалтӥсьёсты но калыкез,
14
шуиз соослы: тӥ ваиды мон доры та адямиез, калыкез бугыръяськонэ нуисез кадь; но тани, мон тӥ азьын сэртӥ-пертчи, но та адямилэсь нокыӵе но йыруж лэсьтэмзэ ӧй шедьты, кудаз тӥ Сое янгыше уськытӥськоды;
15
Ирод но озьы ик, уго со берен Сое мон доры келяз. Озьыен, Та адями номыр но ӧз лэсьты, мар понна Сое виыны кулэ.
16
Соин ик, жугыса Сое лэзьо.
17
Со праздник понна одӥг адямиез пытсэт улысь лэзьылэ вал.
18
Нош калык кесяськыса вераз: виёно Сое! Лэзь милемлы Варнавваез.
19
Варнавва пытсэт улын пуке вал городын калыкез бугыръяськытэмез но адями виемез понна.
20
Нош ик Пилат, Иисусэз лэземез потыса, куаразэ бадӟым карыса вазьылӥз соослы.
21
Нош соос кесяськизы: кортӵога, кортӵога Сое!
22
Со куиньметӥзэ шуиз соослы: мар бен уродзэ Со лэсьтӥз? Мон номыр но ма понна Сое виыны келэ, Солэсь ӧй шудьты. Озьыен, Сое жугыса, лэзё.
23
Нош соос кужмысь кесяськыса куризы, Со кортӵогамын пе мед луоз. Но соос кесяськеменызы асьсэлэсь добиться кариськизы.
24
Соку Пилат соослэсь куронзэс быдэстӥз,
25
но соослэн куремзыя, калыкез бугыръяськытэмез но адями виемез понна пытсэт улын пукись Варнавваез лэзиз. Нош Иисусэз сётӥз соослэн ки улазы.
26
Куке Сое кортӵоганы нуизы, Иисус интые кироссэ нуыны косӥзы Симон Каринеянинэз, кудӥз бусыысь бертэ вал.
27
Иисус сьӧры трос калык мынӥз, соос пӧлын кышномуртъёс но вал, кудъёсыз зар бӧрдылӥзы Со понна.
28
Нош Иисус, соос пала берытскыса, шуиз: Иерусалимлэн нылъёсыз! Мон понна эн бӧрдэ, астэ понна но нылпиосты понна бӧрдэ,
29
уго вуо нуналъёс, ку вералозы: " шудоесь пинал вайыны быгатӥсьтэмъёс но пинал ваисьтэмъёс но гадьынызы нуны сюдӥсьтэмъёс!".
30
Соку гурезьёслы вераны кутскозы: " усе ми вылэ!", выръйылъёслы но: " шобыртэ милемды!".
31
Уго вож будӥсь писпен озьы лэсьто ке, мар луоз кӧс куасьмеменыз?
32
Соин ӵош кык йырвандӥсьёсты(злодейёсты) но виыны нуизы.
33
Ку вуизы Лобной шуоно интые, отын кортӵогазы Сое но йырвандӥсьёсты, одӥгзэ бур, нош мукетсэ паллян палаз.
34
Иисус шуиз: Атай! простить кар соосты, уго соос уг тодо, мар лэсьто. Пус куштылыса, люкылӥзы Солэсь дӥсьёссэ.
35
Калык сылӥз но учкыса улӥз. Соосын валче кивалтӥсьёс но серекъязы но вераллязы: мукетъёссэ утьылӥз. Мед асьсэ ачиз утёз, Со Христос ке, Инмарлэн быръемез.
36
Солдатъёс но ултӥяллязы Сое, дораз лыктыса ӵектылӥзы Солы уксус
37
но вераллязы: Тон Иудейёслэн Царьзы ке, уть Астэ Ачид.
38
Со вылын грек, рим но еврей кылъёсын гожтэмын вал: " Та Иудейёслэн Царьзы ".
39
Одӥгез кортӵогам йырвандӥсь куаретӥз Сое но вералляз: Тон Христос ке, уть Астэ но милемды.
40
Нош мукетыз, пыкылӥз юлтошсэ но вералляз: тон уд шат кышкаськы Инмарлэсь, куке ачид но тон кортӵогамын?
41
Уго асьмеос шонер кортӵогамын, уго асьмелы ужъёсмыя сётэмын, нош Со номыр но уродзэ ӧз лэсьты.
42
Но шуиз Иисуслы: Кузё-Инмаре, тодад вай монэ, ку бертод Аслад Царствоад!
43
Соку солы Иисус шуиз: зэм ик верасько тыныд, туннэ ик Монэным райын луод.
44
Куать час котыр дыр вал, ку укмыс часозь быдэс дунне вылын тём пеймыт вал:
45
шунды но кысӥз, храмысь завеса шор вадескытӥз кеськиз.
46
Иисус, бадӟым куараен кеськиз но шуиз: Атай! Тынад кияд сётӥсько Мынэсьтым духме. Но тае вераса, лулыз потӥз.
47
Сотник, мар луэмез адӟыса, данъяз Инмарез но шуиз: зэм ик та адями шонерлыко вал.
48
Но вань калык, тае учкыны люкаськемъёс, адӟыса мар луэмзэ, гадязы асьсэлы йыгаса, бертылӥзы.
49
Ваньмыз мукетъёсыз, Сое тодӥсьёс, но Галилеяысь Со сьӧры лыктэм кышномуртъёс, кыдёкын сылыса учкизы та шоры.
50
Соку Иосиф нимо, кенеше быръем, ӟеч но шонерлыко адями.
51
Кенешын кивалтӥсьёсын со соглаш ӧй вал но соослэн ужъёсазы ӧз пыриськы. Иосиф Иудеяысь Аримафей городысь вал, озьы ик Инмарлэсь Царствозэ витьыса улӥз.
52
Со лыктӥз Пилат доры но Иисуслэсь мугорзэ куриз.
53
Кирос вылысь мугорзэ басьтӥз, ватон ӵушконэн бинялтӥз но гурэзе копам выль шайгуэ понӥз.
54
Пятница нуналлэн пумыз но субботалэн кутсконние вал.
55
Кышномуртъёс, кудъёсыз Иисусэн Галилеяысь лыктӥзы, озьы ик адӟизы Иисуслэсь мугорзэ шайгуэ понэмез.
56
Гуртазы бертыса, соос дасязы ческыт зын вӧйёс но сиръёс. Субботае, кызьы законын гожтэмын, соос шутэтскизы.