22
1
Матэктэ ини вал юмал няньлэн праздникез, кудӥз нимаське Пасха,
2
нош первосвященникъёс но книжникъёс утчаллязы муг, виыны Сое, уго калыклэсь кышкало вал.
3
Но тани, одӥгез даскык пӧлысь Искариот нимаськись Иуда пушкы сатана пыриз,
4
со мынӥз но вераськиз первосвященникъёсын но кивалтӥсьёсын, кызьы Сое вузаны.
5
Соос шум потӥзы но солы коньдон сётыны соглаш луизы;
6
со соослы кыл сётӥз но калыкъёслэсь лушкем, Сое вузаны, ӟеч учыр утчаны кутскиз.
7
Юмал нянлэн нуналыз вуиз, со нуналэ пасхалы сӥзем ыжпи вандыны кулэ вал,
8
Иисус келяз Пётрез но Иоаннэз, вераса: мынэ, дасялэ милемлы пасха, ми мед сиыны быгатом.
9
Соос юазы Солэсь: кытын косод милемлы дасяны?
10
Со шуиз соослы: городэ пыремды бере, пумитады кувшинэн ву нуись адями шедёз; мынэ со бӧрсьы со корка дорозь, кудаз со пыроз
11
но вералэ корка кузёлы: " Дышетӥсь юа тынысьтыд: кытын комната, кудаз Мон дышетскисьёсыным Пасха сиё?"
12
Но со возьматоз вылӥысь бадӟым комната, кудӥ висъямын, отын дасялэ.
13
Соос мынӥзы, шедьтӥзы, кызьы соослы верамын вал, но пасха дасязы.
14
Ку дыр вуиз, Со дас кык апостолъёсын ӵош ӝӧк сьӧры пуксиз,
15
но шуиз соослы: Мынам туж потэ вал пасха сиыны тӥледын Мынам курадӟемелэсь азьлогес,
16
верасько тӥледлы, уг ни сиы сое, со Инмарлэн Царствояз бысэсмытчёзь.
17
Чаша басьтыса но таукарыса Со вӧсяськиз но шуиз: " Басьтэ тае но люкылэ ог огды куспын,
18
верасько тӥледлы, виноград емышлэсь Мыным юыны уз ни кылды, Инмарлэн Царствоез лыктытчёзь.
19
Собере, басьтӥз нянь но Инмаплы тау карыса, тӥялтӥз но сётӥз соослы вераса: та Мынам Мугоры, кудӥз тӥ понна сётӥське. Лэсьтэ тазьы Монэ тодады вайыку.
20
И точно так же после ужина дал им чашу со словами: «Эта чаша – Новый Договор, скрепленный Моей кровью, которая за вас проливается.
Озьы ик ӝытсэ сием бере сётӥз соослы чаша вераса: та чаша - Выль Сӥзён, юнматэмын Мынам Вирыным, кудӥз тӥ понна кисьтӥське.
21
Но тани, киыз солэн, кин Монэ вуза, Монэным одӥг ӝӧк вылын;
22
Адямилэн Пиеныз ваньмыз луоз озьы, кызьы луыны кулэ, но курадӟён со адямилы, кудыз Сое вуза.
23
Соос ог огзылэсь юаны кутскизы, ки пе соос пӧлысь озьы лэсьтоз.
24
Собере соос вожвылъяськыны кутскизы, кинэ пе соос пӧлысь бадӟымен лыдъяны кулэ.
25
Нош Иисус шуиз соослы: царьёс кузёясько калыкъёс вылын, кивалтӥсьёс асьсэды ӟеч лэсьтӥсьёсын лыдъяло,
26
тӥ пӧлын озьы медам луы: кин тӥ пӧлын бадӟым, мед луоз пичи, нош кивалтӥсь, ляльчи кадь.
27
Уго кин бадӟымгес: ӝӧк сьӧрын пукись, яке со, кин солы прислуживать каре? ӝӧк сьӧрын пукись шат ӧвӧл бадӟымгес? Нош Мон тӥ пӧлын, ляльчи кадь!
28
Тӥ вал Монэным Мынам курадӟёнъёсам
29
но Мон тӥледлы завещать карисько Царство, кызьы Мыным Мынам Атае завещать кариз.
30
Тӥ сиёды-юоды Мынам ӝӧке сьӧрын Мынам Царствоам, но престолъёс вылэ пуксьыса судить кароды Израильлэсь дас кык выжыоссэ.
31
Но шуиз Кузё-Инмар: Симон! Симон! тани, сатана куриз сӥсъяны тӥледды чабеез кадь,
32
нош Мон вӧсяськи тон понна, тынад осконэд медам лябомы шуыса; но тон, Мон доры лыктӥд ке, юнматы аслэсьтыд братъёстэ.
33
Пётр шуиз Солы: Кузё-Инмаре! Мон Тонэныд дась мыныны пытсэт улэ но кулонэ но.
34
Нош Иисус шуиз: верасько тыныд, Пётр, атас чёръятчёзь тон куинь пол Мынэсьтым куштӥськод, шуод: уг тодӥськы Монэ.
35
Юаз соослэсь: куке Мон тӥледды келяльяй коньдонтэк, пуйытэк но пыдкуктэк, тӥ коть маинке кулэяськиды-а? Соос веразы: номырин но ӧм.
36
Соку Со шуиз соослы: нош али, кинлэн вань коньдонэз, басьтэ сое, пуйыдэс но басьтэ; нош кинлэн ӧвӧл, мед вузалоз вылӥ дӥсьсэ но меч басьтоз.
37
Верасько тӥледлы, со, мар гожтэмын Мон сярысь: " урод адямиос радэ пыртэмын ", быдэсмыны кулэ. Уго ваньмыз, мар Мон сярысь верамын, али быдэсмоз.
38
Соос шуизы: Кузё-Инмармы! тани, татын кык меч. Со шуиз соослы: тырмоз.
39
Коркась потыса, мынӥз, кызьы азьло лэсьтылэ вал, Елеон гурезь вылэ, дышетскисьёсыз но сьӧраз мынӥзы.
40
Вуэм беразы, соослы шуиз: вӧсяське, искушение шедёно медам луы шуыса.
41
Нош Ачиз из зӥртымон кемозь дорысьтызы кошкыса, но, пыдесъяськыса, вӧсяськиз,
42
вераса: Атай! Курисько Тонэ, та чашалэсь Монэ мозмыты! Нош Мынам воляе медам нош Тынад воляед мед быдэсмоз!
43
Со доры инмысь ангел лыктӥз но юнматӥз Сое.
44
Иисус курадӟыса золгес вӧсяськыны кутскиз, но пӧсям вуез Солэн вир шапыкъёс кадьесь луизы но музэ усьылӥзы.
45
Вӧсяськемысь султыса, Со дышетскисьёсыз доры лыктӥз но адӟиз, соос ӝожоменэзы изё,
46
Иисус юаз соослэсь: малы тӥ изиськоды? султэ но вӧсяське, искушение шедёно медам луы шуыса.
47
Со вера на вал, трос калык доразы лыктӥз, азьпалозы лыктэ Иуда нимо одӥгез дас кык пӧлысь. Со Иисус доры матэ лыктӥз, чупаны Сое. Уго со озьы соослы пус сётӥз: Кинэ мон чупало, Со ик Иисус.
48
Иисус шуиз солы: Иуда! Чупаменыд-а вузаськод Адямилэсь Пизэ?
49
Соку Солэн дышетскисьёсыз, валаса, мар луоз, юазы Солэсь: Кузё-Инмармы! Милемлы меч шат кутоно?
50
Одӥгез соос пӧлысь мечен шуккиз первосвященниклэсь рабзэ, но бур пельзэ солэсь ӵогиз.
51
Соку Иисус шуиз: тырмоз, дугдэ. Но пеляз кутскыса, рабез катьяз.
52
Нош первосвященникъёслы но храмысь кивалтӥсьёслы но старейшинаослы, кудъёсыз Со пумитэ люкаськизы, Иисус шуиз: Мон разбойник шат? Тӥ монэ кутон понна, лыктӥды мечъёсын но шибодыосын(копъёосын).
53
Котькыӵе нуналэ Мон тӥледын храмын вал но тӥ кидэс Мон вылэ ӧд ӝутэ, нош али тӥляд дырды вуиз, пеймытлэн властьёсызлэн дырзы вуиз.(нош али тӥляд но пеймыт властьёслэн дырзы вуиз)
54
Соос кутӥзы Сое но нуизы. Ваизы первосвященниклэн корказ. Пётр, кӧнялыке кыльыса, сьӧразы лыктӥз.
55
Азбар шоры тылскизы, но калыкъёс артысь пуксьылӥзы со котыре. Соосын ӵош Пётр но пуксиз.
56
Одӥг ляльчи, адӟиз сое тыл дурын шунытскемзэ но сак шораз учкыса, шуиз: со но вал Соин.
57
Нош Пётр куштӥськиз Иисуслэсь но шуиз: мон уг тодӥськы Со Адямиез.
58
Кӧня ке дыр ортчыса мукетыз ляльчи шуиз: тон но соос пӧлысь. Нош Пётр шуиз со адямилы: ӧвӧл!
59
Ортчиз на одӥг час пала, эшшо кин ке мыр-мыр вераны тыршиз: зэм-ик та адями но Соин ӵошен вал, уго со Галилеяысь.
60
Нош Пётр шуиз со адямилы: уг тодӥськы мар тон вераськод. Куке Пётр вераське на вал, атас чортӥз.
61
Соку Кузё-Инмар берытскиз но Пётр шоры учкиз, Пётр тодаз вайиз Кузё-Инмарлэсь верамзэ: " атас чёръятчёзь тон куинь пол Мынэсьтым куштӥськод, шуод: уг тодӥськы Монэ ".
62
Пётр потӥз но бадӟым куараен бӧрдыны кутскиз.
63
Иисусэз возьмась адямиос ултӥяллязы Сое но жугылӥзы Сое.
64
Солэсь синъёссэ шобыртыса, ымныраз жугиз но юаллязы: пророк, вера, кин шуккиз Тонэ?
65
Но пӧртэм кылъёсын ултӥяллязы Сое.
66
Выль нунал кутскем бере люкаськизы старейшинаослэн кенешсы, первосвященникъёс но книжникъёс, но пыртӥзы Сое асьсэлэн синедрионазы,
67
но шуизы: Тона Христос? вера милем. Со шуиз соослы: верай-ке тӥледлы уд оске;
68
нош юай-ке тӥлесьтыд, уд вералэ Мыным но уд лэзе Монэ;
69
Туннэ нуналысен Адямилэн Пиез Инмарлэн кужымезлэн бур палаз пуксёз.
70
Ваньмыз шуизы: озьыен, Тон Инмарлэн Пиез? Со шуиз соослы: тӥ вераськоды, Мон шуыса.
71
Нош соос шуизы: кыӵе доказательство асьмелы кулэ-на? Уго ми асьмеос кылӥмы Солэн верамысьтыз.