19
1
Со бере Иисус лыктӥз Иерихонэ но со пыртӥ потӥз.
2
Но тани, Закхей нимо узыр адями, налог бичасьёслэн кивалтӥсьсы,
3
солэн Иисусэз туш адӟемез потэ вылэм, кыӵе пе Со, нош калык трос сэрен адӟыны уг быгаты вылэм, уго лапег мугоро вал,
4
соку со азьлань бызьыса, буртчин пуе тубем, Иисусэз адӟемез потыса, уго Со отӥ ортчыны кулэ.
5
Иисус, со интые вуиз но со шоры синъёссэ ӝутӥз но шуиз: Закхей! ӝоггес васькы, Мынам туннэ тон дорын луоно.
6
Со ӝог гинэ васькиз но шум потыса Сое дораз пыртӥз.
7
Ваньмыз, кинъёс адӟизы тае, вожпотэмзэс возьматылӥзы, но вераллязы, Со пе сьӧлыко адями доры пырем;
8
Нош Закхей султӥз но Кузё-Инмарлы шуиз: Кузё-Инмаре! ӝынызэ ваньбурме начаръёслы сёто, но, кинэ ке вӧсь кари ке, ньыль полэс берыкто.
9
Иисус шуиз солы: табере та коркалы но утиськон вуиз, кг со но Авраамлэн нылпиез,
10
уго Адямилэн Пиез лыктӥз шедьтыны но утьыны бырисьёсты.
11
Сое кылзӥсьёслы одӥг притча вераз на: уго Со Иерусалим дорын вал, но соос малпало, ӝоген пе Инмарлэн Царствоез лыктыны кулэ.
12
Иисус шуиз: одӥг тодмо улӥысь адями мынэм кыдёкысь шаере, аслыз царство басьтыны но выльысь бертыны.
13
Со дораз ӧтем дассэ рабъёссэ, сётэм соослы дас мертэт азвесь но шуэм: " кутэ соосты уже, мон бертытчёзь ".
14
Нош калыкъёс сое адӟемзы уг пот вылэм но келяльлям келямъёсты со сьӧры ик, вераны: " милем кулэ ӧвӧл, со мед миленым кивалтоз шуыса ".
15
Куке со царство басьтэм, бертэм но косэм дораз ӧтьыны рабъёссэ, кудъёсызлы азвесь сётӥз, тодыны, кин кӧня ватсам шуыса.
16
Лыктэм нырысетӥез но шуэм: " кузёе! тынад мертэт азвесед сётӥз дас мертэт азвесь".
17
Шуэм солы: " туж умой, ӟеч рабе! тон оскымон вал бере ӧжытын, басьты кивалтыны дас город ".
18
Лыктэм кыкетӥез но шуэм: " кузёе! тынад мертэт азвесед сётӥз вить мертэт азвесь ".
19
Таизлы но шуэм: " тон но кивалты вить городъёсын ".
20
Лыктэм куиньметӥез но шуэм: " кузёе! тани тынад мертэт азвесед, кудзэ мон вози, кышетэ керттыса,
21
уго мон кышкаса улӥ тынысьтыд, тодӥсько тон жалясьтэм адями: басьтӥськод отысь, кытчы уд понӥськы, но араськод сое, мае ӧд кизьы ".
22
Кузёез солы шуэм: " тынад кылъёсыныд судить каро тонэ, урод раб! тон тодӥськод вал, мон жалясьтэм адями, басьтӥськод отысь, кытчы уг понӥськы, но арасько сое, мае уг кизиськы;
23
малы бен тон ӧд сёт мынысьтым азвесьме ватсаськыны, мон бертэм берам мед басьто шуыса сое ватсаськыса?"
24
Но вераз со азьын сылӥсьёс азьын: " басьтэ солэсь мертэт азвесьсэ но сётэ солы, кинлэн вань дас мертэт азвесез ".
25
Ношуизы солы: " кузёмы! солэн вань ни дас мертэт азвесез ".
26
" Верасько тӥледлы, ваньмызлы кинлэн вань сётэмын луоз, нош кинлэн ӧвӧл басьтэмын луоз соиз но, маиз вань;
27
нош мынысьтым со тушмонъёсме, кудъёсызлэн уг пот вал, мон мед соосын кивалто шуыса, вае татчы но мынам азям вие "
28
Тае вераса, Со Иерусалиме тубыса, азьлань кошкем.
29
Куке матэктӥз Вифагия но Вифания улосэ, Елеонской нимаськись гурезь доры, лэзиз(келяз) кык аслэсьтыз дышетскисьёссэ,
30
вераса: мынэлэ вадьсысь гуртэ. Отчы пырыса шедьтоды думем ишак пиез, кудӥз вылэ адямиос пӧлысь нокин но, ноку но оӟ пуксьылы .Пертчыса сое вае.
31
нош кин ке тӥлесьтыд юаз ке : Малы пертчиськоды?, вералэ солы: со кулэ Инмарлы.
32
Ыстэмъёсыз мынӥзы но, озьы ик ваньзэ шедьтӥзы, кызьы Со вераз.
33
Куке соос пертчылӥзы пинал ишакез, кузёосыз юазы: малы пертчиськоды ишак пиез?
34
Соос веразы: Со кулэ Инмарлы.
35
Иисус доры ваизы но, асьсэлэсь дӥськутсэс ишак пи вылэ вӧлдыса(вальыса), пуктӥзы со вылэ Иисусэз .
36
Куке Со мынӥз ишак пи вылын, сюрес кузя дӥськутсэс вӧлдылӥзы.
37
Нош Елеон гурезьлэн васьконаз вуыкуз, трос дышетскисьёсыз ваньзы шумпотыса зол куараен кутскизы данъяны Инмарез, вань паймымон ужъёссэ адӟемзы понна,
38
тазьы вераса: дано Царь, кудӥз лыктэ Кузе Инмарлэн нимыз понна! Каньыллык Инмын, данлык вылӥиын!
39
Калык пӧлысь, куд-ог фарисейёс, Иисуслы шуизы: Дышетӥсь! аслад дышетскисьёсыдлы алыса вера.
40
Иисус соослы верам пумитазы: тӥледлы верасько, соос чалмытскизы ке, изъёс черекяны кутскозы.
41
Нош Иерусалим город доры матэ вуэм бераз, со шоры учкыса, бӧрдыны кутскем со сярысь,
42
но шуэм: Эх, тодысалыд ке тон та нуналад ке но, мар тыныд (мир)сетэ! Нош со ватэмын али тынад синъёсыдлэсь,
43
вуозы тон вылэ сыӵе нуналъёс, куке тынад тушмонъёсыд гуосын котыртозы тонэ, но котькуд ласянь зӥбозы,
44
куашкатозы тонэ, пушкад нылпиостэ виылозы, уз кельтэ из вылэ из но, тон доры Инмарлэсь лыктон дырзэ тодымтэед понна.
45
Собере, храме пырыса, кутскем улляны вузкарисьёсты но басяськисьёсты но,
46
вераса соослы: гожтэмын: Мынам коркае,- вӧсяськон корка, нош тӥ сое лушкаськисьёслэн люкаськон(шырмачьёслэн) ӥнтызылы пӧрмытӥды.
47
Иисус котькуд нунал храмын дышетылӥз. Нош первосвещенникъёс, книга тодӥсьёс но калык кузёос, Сое виыны утчаллям,
48
но ӧз шӧдьтылэ мар Соин карыны, малыке шуоно, вань калык дорысьтыз кошкылытэк кылзӥзы(кылзылӥз) Иисусэз.