18
1
Озьы ик соослы притча вераз, котьку вӧсяськоно но ноку нырдэ ӧвӧл ошоно шуыса,
2
вераса: одӥг городын судья вылэм, кудӥз Инмарлэсь ӧвӧл кышкаллям но калыкъёслэсь ӧвӧл возьдаськылэм..
3
Со городын ик вылэм одӥг палкышномурт, но со, со доры ветлыса, вераллям: " уть монэ монэ ултӥяселэсь ".
4
Со судьялэн палкышномуртлы юрттэмез уг пот вылэм. Нош собере аслыз ачиз шуэм: " мон уг но ке кышкаськы Инмарлэсь но уг возьдаськиськы калыкъёслэсь,
5
нош, та палкышномурт мыным пырыштонни уг сёт, утё сое, медам ни ветлы со мон бӧрсьы".
6
Но шуиз Кузё-Инмар: кылӥськоды-а, мар лэсьтэ шонертэм судья?
7
Инмар шат уз уть Аслысьтыз быръемъёссэ, уй но нунал Солы вӧсяськисьёсты но Солэсь курисьёсты, коть уг но ке дырты соосты утьыны(юрттыны)?
8
Верасько тӥледлы, мон ӝоген соосты утё(юртто). Нош Адямилэн Пиез, лыктӥз ке, шедьтоз-а оскон музъем вылын?
9
Кинъёс асьсэды шонерлыкоен лыдъяса ваньмыз шоры вылысен учко но ултӥяло мукетъёссэ, Иисус вераз на мукетсэ притча:
10
кык адямиос храме пыриллям вӧсяськыны: одӥгез фарисей, нош мукетыз налог бичась.
11
Фарисей султэм но тазьы ас пушказ вӧсяськем: " Инмаре! Тонэ тау карисько, мон ӧвӧл шуыса сыӵе, кыӵе луо мукетъёсыз, лушкаськисьёс, куатаськисьёс, калгисьёс, яке та налог бичась кадь:
12
арняяз кӧс нунал кык пол возисько, дасэтӥ люкетсэ сётӥсько вань доходъёсылэсь".
13
Нош налог бичась сылэм кыдёкын, синзэ инме ӝутыны но ӧвӧл дӥсьтэм; нош, асьсэ гадяз йыгаса, вераллям: " Инмаре! жаля монэ, уго трос сьӧлыкъёсы!"
14
Верасько тӥледлы, соиныз ӵошатыса, таиз шонерен лыдъямын: уго котькудӥз, асьсэ ачиз вылтӥясь, ултӥямын луоз, нош асьсэ ултӥясь вылтӥямын луоз.
15
Иисус доры вайылӥзы покчи нылпиосты, Со мед соос борлы кутӥськылоз шуыса. Нош дышетскисьёс, тае адӟыса, соосты Дораз вайыны ӧвӧл лэзьылӥллям.
16
Нош Иисус шӧдыса соослэсь озьы лэсьтэмзэс шуиз: лэзе нылпиосты Мон доры лыктыны но эн возе соосты, уго соос кадьёслэн луэ Инмарлэн Царствоез.
17
Зэм ик верасько тӥледлы: кин нылпи кадь уз басьты Инмарлэсь Царствозэ, со отчы уз пыр.
18
Солэсь юаз кин-ке кивалтӥсьёс пӧлысь: Ӟеч Дышетӥсь! Мар мыным лэсьтоно пумтэн улонэз улон понна?
19
Иисус шуиз солы: малы тон Монэ ӟечен вераськод? Нокин но ӟеч ӧвӧл одӥг Инмар сяна;
20
тодӥськод заповедьёсты: " азон-калгон сьӧлыке эн пыр ", " эн ви ", " эн лушкаськы ", " аслысьтыд анай-атайдэ сылӥ кар ".
21
Нош со шуиз: ваньзэ тае мон егит дырысеным быдэсъялляй.
22
Верамзэ кылыса, Иисус шуиз солы: одӥгез тынад уг тырмы на: ваньзэ, маид вань, вуза но сётча начаръёслы, соку луоз тынад сокровищеед инмын. Собере лык но Мон сьӧры мын.
23
Нош со, верамзэ кылыса, ӝожомиз, уго туж узыр вал.
24
Иисус солэсь ӝожомемзэ адӟыса, шуиз: кыӵе сьӧкыт узыр адямилы пырыны Инмарлэн Царствояз!
25
Капчигес верблюдлы вень пасетӥ потыны, узыр муртлы Инмарлэн Царствоаз пырытчёзь.
26
Тае кылэмъёс шуизы: кин бен быгатоз утиськыны?
27
Нош Иисус шуиз: калыкъёслы быгатонтэм Инмарлы быгатоно.
28
Пётр шуиз: тани, ми ваньзэ кельтӥмы но Тон сьӧры мынӥм.
29
Со шуиз соослы: зэм ик верасько тӥледлы: котькудӥз, кин кельтоз корказэ но кышнозэ, яке братъёссэ, яке анай-атайёссэ, яке нылпиоссэ Инмарлэн Царствоез понна,
30
басьтоз трос поллы тросгес таяз даурын, нош сояз даурын пумтэм улон.
31
Дас кык дышетскисьёссэ ӧтьса, Иисус шуиз соослы: тани ми мынӥськом Иерусалиме, но отын ваньмыз быдэсмоз, мар гожтэмын пророкъёсын Адямилэн Пиез сярысь,
32
уго Сое язычникъёслэн ки улазы сётозы, но Сое мыскыл карозы, ултӥялозы, сялалозы,
33
жугозы но виёзы: но куньметӥ наналэ улӟыса султоз.
34
Нош соос номыр но ӧз валалэ; та кылъёс соослэсь ватэмын вал, но соос Иисуслэсь верамзэ ӧз валалэ.
35
Иерихон доры Иисус вуыкуз, одӥг кураськись синтэм адями сюрэс дурын пуке вылэм,
36
но, кылэм, дортӥз калык кошко, юам: мар со сыӵе?
37
Солы шуиллям, Назаретысь Иисус пе мынэ.
38
Соку со кесьяськыны кутскиз: Иисус, Давидлэн Пиез! жаля монэ.
39
Азьпалаз мынӥсьёс сое чус улыны косӥллям; нош со эшшо но золгес кесяськем: Давидлэн Пиез! жаля монэ.
40
Иисус дугдэм но синтэмез Дораз вайыны косэм: но куке со лыктэм, юам солэсь:
41
мар тыныд кулэ Мынысьтым? Со шуэм: Кузё-Инмаре! синмы мед адӟёз.
42
Иисус солы шуэм: адӟы! тынад осконэд утӥз тонэ.
43
Синтэм со куспын ик адӟыны кутскем но Инмарез данъяса, Иисус сьӧры мынэм. Тае адӟыса вань калык данъялляз Инмарез.