5

¹ Тани Адамлэн ӵыжы-выжыез: Инмар адямиез Аслыз тупасен кылдытӥз,

² Со кылдытӥз соосты пиосмуртэн но кышномуртэн. Со кылдытон нуналаз соосты благословить кариз но адямиен нимаз.

³ Адамлы вал сю куамын арес но солэсь ачиз кадь ик Сиф вордӥськиз,

⁴ Сиф вордӥськем бере ортчиз тямыс сю ар. Со дыр куспын Адамлэсь вордӥськизы пиос но нылъёс.

⁵ Ваньзэ Адам улӥз укмыс сю куамын ар но кулӥз.

⁶ Сифлы вал сю вить ар но солэсь вордӥськиз Енос.

⁷ Енос вордӥськем бере Сиф улӥз тямыс сю сизьым ар. Со дыр куспын солэсь вордӥськизы на пиос но нылъёс.

⁸ Ваньзэ Сиф улӥз укмыс сю дас кык ар но кулӥз.

⁹ Енослы вал укмыстон арес но солэсь вордӥськиз Каинан.

¹⁰ Каинан вордӥськем бере Енос улӥз тямыс сю дас вить ар. Со дыр куспын соослэсь вордӥськизы пиос но нылъёс.

¹¹ Ваньзэ Енос улӥз укмыс сю вить ар но кулӥз.

¹² Каинанлы вал сизьымдон арес но солэсь вордӥськиз Малелеил.

¹³ Малелеила вордӥськем бере Каинан улӥз тямыс сю ньыльдон ар. Со дыр куспын солэсь вордӥськизы нылъёс но пиос.

¹⁴ Ваньзэ Каинан улӥз укмыс сю дас ар но кулӥз.

¹⁵ Малелеиллы вал куатьтон вить ар но солэсь вордӥськиз Иаред.

¹⁶ Иаред вордӥськем бере Малелеил улӥз тямыс сю куамын ар. Со дыр куспын солэсь вордӥськизы пиос но нылъёс.

¹⁷ Малелеил ваньзэ улӥз тямыс сю укмыстон вить ар но кулӥз.

¹⁸ Иаредлы вал сь куатьтон кык арес но солэсь вордӥськиз Енох.

¹⁹ Енох вордӥськем бере Иаред улӥз тямыс сю ар. Со дыр куспын солэсь вордӥськизы на пиос но нылъёс.

²⁰ Ваньзэ Иаред улӥз укмыс сю куатьтон кык ар но кулӥз.

²¹ Енохлы вал куатьтон вить ар но солэсь вордӥськиз Мафусал.

²² Енох Инмарен ветлӥз но Мафусал вордӥськем бере куинь сю ар куспын солэсь вордӥськизы нылъёс но пиос.

²³ Ваньзэ Енох куинь сю куатьтон вить ар улӥз.

²⁴ Енох Инмарен ветлӥз, одӥг дыре сое нокин но ӧз ни адӟы, уго сое Инмар дораз басьтӥз.

²⁵ Мафусаллы вал сю тямыстон сизьым ар но солэсь Ламех вордӥськиз.

²⁶ Ламех вордӥськем бере Мафусал сизьым сю тямыстон кык ар улӥз. Со дыр куспын солэсь вордӥськизы нылъёс но пиос.

²⁷ Ваньзэ Мафусал улӥз укмыс сю куатьтон укмыс ар но кулӥз.

²⁸ Ламехлы вал сю тямыстон кык ар но солэсь пи вордӥськиз.

²⁹ Солы со Ной ним сётӥз но шуиз: " Со милемлы буйгатскон ваёз асьмелэн ужамы, Инмарен каргам музъем вылын курадӟыса тыршыкумы".

³⁰ Ной вордӥськем бере Ламех вить сю укмыстон вить ар улӥз. Со дыр куспын солэсь вордӥськизы нылъёс но пиос.

³¹ Ваньзэ Ламех сизьым сю сизьымдон сизьым ар улӥз но кулӥз.

³² Нойлы вал вить сю ар но солэсь Сим, Хам но Иафет вордӥськизы.