3

¹ Змей кескичгес вал Инмарен кылдытэм вань кыр пӧйшуръёслэсь. Но шуиз змей кышномуртлы: " Зэм ик а Инмар шуиз тӥлед: " Садысь нокыӵе но писпуысь эн сие емышсэ"?"

² Кышномурт шуиз змейлы: " Тани мар вераз Инмар: " Эн сие садлэн шор вадескысьтыз писпулэсь емышъёссэ, со борды эн но кутӥськылэ, уго озьы ӧд ке лэсьтэ кулоды. (Женщина ответила: "Вот что сказал Бог: "Не ешьте плодов от дерева, которое находится в середине сада, и не прикасайтесь к нему. Если вы сделаете это, то умрёте.)

³ Нош садысь мукет писпуосысь емышъёссэ сиыны яра". ( Но вы можете есть плоды со всех остальных деревьев".)

⁴ Змей шуиз кышномуртлы: " Уд, уд кулэ,

⁵ но тодэ Инмар: куке тӥ шӧмъялоды та писпуысь емышсэ, усьтӥськозы тӥляд синъёсты но тӥ Инмар кадь луоды, тододы ӟечез но уродэз но".

⁶ Кышномурт адӟиз, писпулэн емышъёсыз чебересь но ческытэсь. Солэн шӧмтэмез потӥз соосты, уго малпа вал соос солы тодон сётозы шуыса. Кышномурт басьтӥз писпуысь емышез но сииз, сётӥз картэзлы, со но сииз.

⁷ Но учкизы соослэн кыкназылэн ик синъёссы, но адӟизы соос голикесь шуыса, но соослы возьыт луиз. Собере соос ишкалтӥзы инжирпуысь куаръёсты но валчеяса голиксэс шобыртӥзы.

⁸ Ӝытазе, куке пельтӥз сайкыт тӧл, соос кылӥзы Кузё-Инмарлэсь садетӥ ветлэмзэ. Адам но солэн кышноез Ева ватскизы садлэн куакъёсыз пӧлы.

⁹ Кузё-Инмар ӧтиз Адамез но юаз солэсь: " Адам, тон кытын?".

¹⁰ Адам шуиз: " Мон кылӥ тынысьтыд садэтӥ ветлэм куарадэ, но кышкай Тынысьтыд, уго голик вал".

¹¹ Но шуиз Инмар: " Кин тыныд вераз, тон голик шуыса? Тон ӧд-а си со писпуысь, кудӥзтысь Мон тонэ сиыны ӧй лэзь вал?"

¹² Адам шуиз: " Кышномур, кудзэ Тон сётӥд мыным, сётӥз мыным писпуысь емышез, но мон сии".

¹³ Но шуиз Кузё-Инмар кышномуртлы: " Мар тон лэсьтӥд?" Кышномурт шуиз: "Змей пӧяз монэ, но мон сии".

¹⁴ Но шуиз Кузё-Инмар змейлы: "Озьы лэсьтэмед понна, тон каргамын вань пудоживотъёс но кыр пӧйшуръёс азьын. Тон няш кыстӥськыса ветлод кӧт вылад

¹⁵ но сиод дэри вань улытчёзяд. Тонэ но кышномуртэз ог огдылы тушмон лэсьто, тынад но солэн выжыез котьку тушмонъяськыса улозы. Солэн выжыез тынысьтыд йырдэ пачкатоз, нош тон куртчылод солэсь пыд тышсэ".

¹⁶ Кышномуртлы шуиз: " Уноятыса, уноято тынысьтыд куректонъёстэ но тынысьтыд ӝуштыса пинал вайыкуд курадӟёнъёстэ. Картэдлы мылпотонэд луоз, но со кузёяськоз тон вылын".

¹⁷ Нош Адамлы шуиз: " Кышноедлэсь кылзӥськыса, сиыны лэзьымтэ емышез, сиемед понна, тон понна каргамын музъем. Секыт ужаса будэтод музъем вылын улытоз аслыд сион.

¹⁸ Музъем вылад будоз йӧны но кыйбоды, тон турын-куар сиыса улод.

¹⁹ Кулытчёзяд вылысьтыд пӧсям ву васькыса нянь будэтод. Кулэм берад, мугордэ сюе ватозы. Тон сюйысь кылдытэмын, сюе ик выльысь кошкод".

²⁰ Адам кышноезлы Ева ним сётӥз, уго со луиз вань улӥсьёслы анаен.

²¹ Кузё-Инмар вуриз Адамлы но солэн кышноезлы кулэсь дӥсь но дӥсяз соосты.

²² Кузё-Инмар шуиз: "Адам луиз Асьмеос пӧлысь одӥгез кадь, со тодӥз ӟечез но уродэз. Соин ик табере ӟеч уз луы, со кизэ мычыса басьтӥз ке улон писпуысь емышсэ, но сиыса быгатоз быронтэм улыны".

²³ Но Кузё-Инмар улляз сое Едем садысь музъемез гырыны-кизьыны, кудӥзтысь со басьтэмын вал.

²⁴ Со улляз Адамез но Едем садлэн шундыӝужан палаз интыяз херувимез но солань-талань бергась ӝуась меч, кудъёсыз пытсаса возизы улонлэн писпуез доры сюресэз.