¹ ۱۔ یریحودے لوکاں نے اسرائیلیاں ہتھوں اپنے شہر دے بوہے پکے ٹوے ہوئے سن نہ تے کوئی بار جاندا تے نہ کوئی اندرآنداسی۔ ² ۲۔ تد خداوند نے یشوع نوں کہیا ویکھ میں یریحو نوں اودے ڈاڈے سورماتے بادشاہ سمیت تیرے ہتھ وچ کر د تا وے۔ ³ ۳۔ سارے ہتھیار واے مرداں نوں شہردے آلے دواے پھیرے لواو تے چھ دیاڑیاں تیکر ایہی کر دے رہو۔ ⁴ ۴۔ تے ست کاہن مینڈیاں دے ست سنگھ لے کےصندوق دے اگے اگے ترن ستویں دیاڑے تسی شہر دے دواے ست واری پھیرے لانا تے کاہن اپنے نرسنگےپھٗوک دے رہن۔ ⁵ ۵۔ جدوں تسی اوہناں نوں زور دے نال نرسنگے پھوکدے سٗنو تے فیر سارے لوکی زور دے نال نعرے لاون۔ اوس ویلے شہر دی دیوار ڈگے گی تے لوک اودے تے اپنے اپنے سامنے سیدھے چڑ جاون گے۔ ⁶ ۶۔ تے فیرنون دے پتر یشوع نے کاہناں نوں سد کے اوناں نوں کہیا خدا دے عہد دے صندوق نو ں چک لو تے ست کاہن اودے اگے اگے نرسنگے لے کے ترن۔ ⁷ ۷۔ تے اونے لوکاں نوں حکم دتا پئی اگے ودہو تے شہر دے دوالے پیھرے لاو تے ہتھیار واے مرد صندوق دے اگے اگے ترن۔ ⁸ ۸۔ تے جدوں یشوع نے لوکاں نوں اے گلاں کہہ لئیاں تے فیر اوہ ست کاہن جیہڑے خداوند دے سامنے ست نرسنگے لے ہوئے سن اپنے نرسنگے پھوکدے ہوئےترے تے عہد دا صندوق اوہناں دے مگرمگر تریا۔ ⁹ ۹۔ ہتھیار واے سپاہی اوہناں دے کاہناں دے اگے اگے ٹورن جیہڑے نرسنگے پھوک رہے سن تے پچھلے سپاہی صندوق دے مگر مگر ترے تے نرسنگیاں دی واج رکے بغیر گونجدی پئی سی۔ ¹⁰ ۱۰۔ یشوع نے لوکاں نوں حکم دیتا پئی نہ تے جنگ دا نارہ لاناں نہ اپنیاں واجاں اچیاں کرنا تے اپنا منہ بند رکھنا تے جدوں میں تہانوں للکارن دا حکم دواں اودوں للکارنا۔ ¹¹ ۱۱۔ اینج اوہنے خدا دے عہد دے صندوق دا شہر دے دوالے اک واری پیھرا لوایا تے فیر اوہ فوجاں دے ڈیرے ول نوں پرتے تے رات اوتھے کٹی۔ ¹² ۱۲۔ دجے دیاڑے یشوع تڑکے ویلے اٹھیا تے کاہناں نے خداوند دا صندوق چکیا۔ ¹³ ۱۳۔ تے او ست کاہن نرسنگے لے کے خدا دے صندوق دے اگے اگے ٹر دے پئےسن تے نرسنگے پھوک رہے سن۔ ہتھیار والے اوہناں دے اگے سن تے پیچھے والے خدا دے صندوق دے مگر سن تے نرسنگیاں دی واج مسلسل گونجدی پئی سی۔ ¹⁴ ۱۴۔ اینج ای اوہناں دجے دیاڑے وی شہر دے دوالے چکر لایا تے فیر فوجاں دے ڈیرے وچ آگئے تے چھ دناں تیکر اینج ای کر دے رے۔ ¹⁵ ۱۵۔ ستویں دیاڑے اوہ تڑکے ویلے اٹھ کے اینج ای شہر دے دوالے کمے۔ اوس دیاڑے اوہناں شہر دے ست چکر لائے۔ ¹⁶ ۱۶۔ ستویں واری جدوں کاہناں نے زور دے نال نرسنگے پھوکے تے یشوع نے لوکاں نوں حکم دتا پئی للکارو کیوں جے خداوند نے اے شہر توانوں دے دتا وے۔ ¹⁷ ۱۷۔ اے شہر تے جو کجھ اہدے وچ وے خدا دی نزر کیتا جاوے گا۔ صرف راحب فاحشہ تے اوہدے کار والے جیوندے بچن گے کیوں جے اوہنے ساڈے پیجے ہوئے جاسوساں نوں پناہ دتی سی۔ ¹⁸ ۱۸۔ پر نزر دیاں شیواں نوں ہتھ ناں لانا۔ کتھے اوناں وچوں کوئی شے لے کے تسی اپنے تے تبائی نہ لے آنا ۔ اینج کرو گے تے اسرائیل دی لشکر گاہ تے تباہی لیاو گے نالے اوہدے تے کوئی آفت لے آو گئے۔ ¹⁹ ۱۹۔ سارے چاندی ، سونے،پیتل تے لوہے دے برتن خدا دے لئی مقدس نیں تے اوہ اودے خزانے وچ جان گے۔ ²⁰ ۲۰۔ فیر نرسنگے پھوکے گئے تے لوکاں نے للکارنا شروع کیتا تے فیر نرسنگیاں دی واج سن کے جدوں لوکاں زور نال للکاریا تے فیر دیوار ڈگ پئی تے ہر بندہ سدھا اندرول نوں نسیا تے اوہناں شہر تے قبضہ کر لیتا۔ ²¹ ۲۱۔ تے اوہناں شہر نوں خدا دی نزر کیتا تے شہر دے وچ ہر جیوندی شے نوں یعنی مرداں تے عورتاں،بڈیاں تے جواناں، بھیڈاں تے گدھے تے مال ڈنگر ساریاں نوں تلوار دے نال مار دتا۔ ²² ۲۲۔ یشوع نے اوہناں دو بندیاں نوں جناں ملک وچ جاسوسی کیتی سی کہیا پئی اپنی شرہ دی وانگوں فاحشہ دے کار جاو تے اوہنوں تے اوہدے کار وچ جنے لوک ہون اوہناں نوں کڈ لیاو۔ ²³ ۲۳۔ تے فیر اوہ جوان جناں جسوسی کیتی سی اندر تر گئے تے راحب تے اودے بھرا تے ماں بچے تے اوہناں ساریاں نوں جیہڑے اودے نال سن کڈ لیا ئےتے اسرائیل دے فوجاں دے ڈیرے دے کول اک تھاں تے باہ دتا۔ ²⁴ ۲۴۔ فیر اوہناں سارے شہر نوں تے جو کجھ اودے وچ سی اگ وچ پھوک دتا تے سو نا تے چاندی تے لوہے دے برتناں نوں خدا دے خزانے وچ سانبھ لئیا۔ ²⁵ ۲۵۔ پر یشوع نے راحب فاشہ تے اودے خنوادے نوں تے نالے جیہڑے اودے نال سن سہی سلامت بچا لئیا کیوں جے اونے اوہناں بندیاں نوں لکالیا سی جناں نوں یشوع نے جسوس بنا کے یریحو وچ گھلیا سی تے اج تیکر اسرائیل اچ ایس گل دا چرچہ وے ۔ ²⁶ ۲۶۔ تے اوس ویلے یشوع نے سوہ کھادی پئی اوہ بندہ خداوند دے حضور لانتی ہوئے گا جیہڑا یس یر یحو شہرنوں فیر توں بنان دا ذمہ لوے گا۔ اوہ اپنے پلوٹھے دی لاش تے اودی بنیاد رکھے گا۔ تے اپنے نکے پتر دی جان گوا کے اودے بوہے لوائے گا۔ ²⁷ ۲۷۔ تے خدا یشوع دے نال سی تے سارے ملک وچ اودیاں دہھماں پے گیئاں۔