¹ ۱۔ جدوں یردن وِچ مغرب دے رہن والے امُوریاں دے بادشاہاں تے ریتلے تھاں دے کعنانی بادشاہاں نیں ایہہ سُنیا کہ کِیویں خُداوند نے ساڈے پار ہون تِیک بنی اِسرایئل دے سامنےاونوں دو ٹوٹے کرکے سُکاہ دِتا تے اوناں دے دِل پِگھل گئے تے فیر اوناں نے اِسرایئل دے نال لڑن دا نہ سوچیا۔ ² ۲۔ اوس ویلے خُدا نے یُشوع نُوں اکھیا کہ چقماق دِیاں چُھریاں بنوا کے بنی اِسرایئل دا دوبارہ ختنہ کروا دے۔ ³ ۳۔ تے فیر یُشوع نے چمقاق دِیاں چُھریاں بنوایاں تے غیبیت حارالوت یعنی بریدہ چمڑیاں دے مقام اُتے بنی اِسرایئل دا ختنہ کِیتا۔ ⁴ ۴۔ اے اوس نے ایس لئی کِیتا کہ مِصر وِچوں آون توں بعد سارے لوکاں وِچوں جِنے لڑن والے بندے سَن او مِصر وِچوں آن توں بعد بیابان دے رہ وِچ اِی مَر گئے سَن۔ ⁵ ۵۔ اوناں ساریاں لوکاں دا تے ختنہ ہو گیا سِی جہڑے مِصر وِچوں آئے سَن پر او سارے جہڑے مِصر وِچوں آن توں بعد سفر وِچ بیابان وِچ جنمے سَن۔ ⁶ ۶۔ بنی اِسرایئل چالیس وریاں تِیک بیابان وِچ پھیر دے رہے۔ جدوں تِیک مِصر وِچوں آے سارے جوان لڑن والے بندے مَر کھپ نہ گئے کیوں کہ اوناں نے خُداوند دِی نافرمانی کِیتی سِی تے خُداوند نے اوہناں دے نال اِی ایہہ قسم کھا دِی سِی کہ او اوس مُلک نُوں جِتھے دُھد تے شہد دِیاں نہراں وگدیاں نیں ویکھ نہ پاون گے جِنوں سانُوں دین دِی اوس نے اوہناں دے باپ دادا دے نال قسم کھادِی سِی۔ ⁷ ۷۔ تے اوہناں دے اِی پُتراں دا جہڑے خُدا دے ولو اوہناں دِی تھاں یُشوع نے ختنہ کِیتا او ہُن تِیک نامختُون سَن کیوں کہ رہ وِچ اوہناں دا ختنہ نیہں ہوسکیا سِی۔ ⁸ ۸۔ جدوں قوم دے سارے لوکاں دا ختنہ ہوگیا سِی تے او چنگے ہون تِیک اوتھے اِی لشکر گاہ وِچ رہے۔ ⁹ ۹۔ تد خُدا نے یُشوع نُوں اکھیا اج دے دن میں تہاڈی مِصر والی ملامت نُوں تہاڈے توں دُور کر دِتا اے ایس لئی او تھاں اج تِیک جلجال کواندی اے ¹⁰ ۱۰۔ تے بنی اِسرایئل نے اوس مہنے دِی چودھویں تارِیخ دِی شام نُوں جداں او یریحو دے میداناں وِچ جلجال دے مُقم اُتے خیمیاں وِچ رہندے سَن عیدِ فسَح منائی۔ ¹¹ ۱۱۔ تے عید دے دُجے دن اوناں نے اوس مُلک دِی پیداوار وِچوں بے خمیِری روٹی تےاوے دِن پُجیاں پھلیاں وِی کھادیاں۔ ¹² ۱۲۔ تے جیس دِن توں اوناں نے اوس مُلک دِی پیداوار کھانا شُروع کِتی اوہدے دُجے دِن مَن دا اُترنا بند ہو گیا تے اگوں توں فیر کدی بنی اِسرایئل نُوں مَن نہ مِلیا تے اوس سال اوناں نیں کعنان دِی پیداوار کھادی۔ ¹³ ۱۳۔ جدوں یُشوع یریحو دے کول ایا سِی تے اوہنے اودیاں اکھاں چُکیاں تے ویکھیا کہ اِک بندہآودے ہتھ وِچ ننگی تلوار لے کے اوہدے سامنے کھلوتا سِی تے یُشوع نے اوہدے کول جا کے پُچھیاکہ تُوں ساڈے وَل ایں کہ ساڈے دُشمناں وَل ایں ¹⁴ ۱۴۔ اونے جواب دِتا۔نیں۔ میں ایس ویلے خُداوند دے لشکردے سالار دِی نال آیا واں تد یُشوع نے زمین تے مُنہ دے بل ڈگ کے سجدہ کِیتا تے اونوں پُچھیا میرے آقا دا آودے خادم دے لئی کِی حُکم اے۔ ¹⁵ ۱۵۔ خُداوند دے لوکاں دے سالار نے اکیا آودیاں جُوتیاں لا دیو کیوں کہ جِتھے تُوں کھلوتا ایں او پاک اے تے یُشوع نے انج اِی کِیتا۔