¹ ۱۔ جِدوں ساری قوم یردن دے پار اُتر گئی تے خداوند نے یشُوع نوں آ کھیا۔ ² ۲۔ ہر قبیلے وِچوں اِک اِک بندہ لے کے بارہ بندے چُن لے۔ ³ ۳۔ تے اوناں نوں ایہہ حکم دے کہ او یردن دے وِچوں ٹھیک اوس جگہ تے جیتھے کاہن کھلوتے سن بارہ پتھر لین تے اوناں نوں اپنے نال لے جا کے ا وس جگہ تے رکھن جیتھے اِج رات تُسی رُکو گے۔ ⁴ ۴۔ فیر یشُوع نے اوناں بارہ بندیاں نوں جہناں نوں اونے بنی اسرائیل دے ہر قبیلے وِچوں اِک اِک دے حساب نال چُنیاسی بلایا۔ ⁵ ۵۔ تے اوناں نوں آکھیا کہ تُسی خداوند اپنے خدا دے عہد دے صندوق دے اِگے اِگے یردن دے وِچ جاوٗ تے تہاڈے وِچوں ہر اِک اِسرائیل دے قبلیاں دے شمار دے مطابق اِک اِک پتھر اپنے موڈے تے چُک لے۔ ⁶ ۶۔ تاں جے ایہہ ٹہاڈے وِچ اِک نشان ہووے تے جدوں آیندہ زمانے وِچ تہادی اولاد ایہہ پوچھے کہ اِناں پتھراں دا کی مطلب اے۔ ⁷ ۷۔ تے تُسی اوناں نوں ایہہ جواب دِینا کہ خداوند دے عہد دے صندوق دے سامنے یردن دا پانی بہنا رک گیا سی کیوں جے جدو ں او یردن پارا تر رہا سی تد یردن دا پانی دو حصے وِچ ہو گیاایویں ایہہ پتھر ہمشہ واسطے بنی اسرائیل لئی یادگار ہووے گا۔ ⁸ ۸۔ فیر بنی اسرائیل نے یشُوع دے حکم دے مطابق کیتا تے جیویں خداوند نے یشُوع نوں اکھیا سی اُویں ای اوناں نے اسرائیل دے قبلیاں دے شمار دے مطابق یردن وِچوں بارہ پتھر چُکے تے اوناں نوں اپنے نال آودی رہین آلی تھاں تے لے جا کے اوتھے رکھ دِتا۔ ⁹ ۹۔ تے یشُوع نے او بارہ پتھر گڈ دِیتے جہڑے یردن دے وِچوں ٹھیک اوس جگہ تے سی جیتھے عہد دا صندوق چُکن آلے کاہن کھلوتے سی تے اِج دے دن تیک او اوتھے ای اے۔ ¹⁰ ۱۰۔ تے جہڑے کاہن صندوق چُکے ہوےٗ سن او اوس ویلے تیک یردن دے وِچ کھلوتے رہے جِد تیک کہ لوکاں نے او ساریاں گِلاں اوس نصیت دے مطابق پوریاں نہ کر لیاں جہڑی موسیٰ نے یشُوع نوں دِتی سی تے جہناں دا حکم خداوند نے یشُوع نوں دِتا سی تے لوکی چیتھی نال پار اُتر گےٗ۔ ¹¹ ۱۱۔ تے جیویں ای سارے لوگ پار اُترے خداوند دا صندوق تے کاہن وی لوکاں دے نال اوس پار اُتر گےٗ۔ ¹² ۱۲۔ تے بنی روبن، بنی جد، تے منسی دے اِدھے قنیلے دے لوگ موسیٰ دے آکھن دے مطابق ہتھیار چُکے ہوےٗ بنی اسرائیل دے اِگے اِگے پار ہوےٗ ۔ ¹³ ۱۳۔ مسلح بندے خداوند دے حضور پار ہو کے یریحو دے میداناں وِچ پہنچے تاں جے جنگ کرن۔ ¹⁴ ۱۴۔ اوس دن خداوند نے سارے اسرائیلیاں دے سامنے یشُوع نوں بلند کیتا تے جیویں او موسیٰ دی عزت کر دے سن اویں ای جندگی بھر اُوھدی عزت کر دے رہے۔ ¹⁵ ۱۵۔ تے فیر خداوند نے یشُوع نوں آکھیا ۔ ¹⁶ ۱۶۔ گواہی دا صندوق چُکے ہوےٗ کاہناں نوں حکم دھ کہ او یردن وِچوں نکل آن۔ ¹⁷ ۱۷۔ فیر یشُوع نے کاہناں نوں حکم دِتا کہ یردن وِچو ں نکل آوٗ۔ ¹⁸ ۱۸۔ تے کاہن خداوند دے عہد دا صندوق چُکے ہوےٗ دریا وِچوں نکل آےٗ تے جیویں ای اوناں نے اپنے قدم زمین تے رکھے یردن دا پانی آودی تھاں تے واپس آ گیاتے پہلاں وانگراپنے کناریاں توں بین لگا۔ ¹⁹ ۱۹۔ پہلے مہنے دے دسویں دن لوگ یردن توں نکل کے یریحو دی مشرق سرحد توں جلجال وِچ رُکے ۔ ²⁰ ۲۰۔ تے یشُوع نے اوناں بارہ پتھراں نوں جہناںنوں او یردن توں کڈ لیاےٗ جلجال وِچ تمبوُ لاےٗ ۔ ²¹ ۲۱۔ تے اونے بنی اسرائیل نوں آکھیاکہ آیندہ جد تہاڈی اولاد اپنے اپنے باپ دادا نو ں پُچھےکہ اِناں پتھراں دا کی مطلب اے؟ ²² ۲۲۔ تُسی اوناں نوں دَسنا کہ اسرائیل خشک زمین توں ہوندے ہوےٗ یردن پار گےٗ سن ۔ ²³ ۲۳۔ کیوں جے خداوند تہاڈے خدا نے تہاڈے پار ہون تیک یردن دے پانی نوں تہاڈے اِگوں ہٹا کے خشک کر دِتا سی۔ خداوند تہاڈے خدا نے یردن دے نال ایویں ای کیتا جیویں اونے بحر قلزم دے نال کیتا سی جد اونے اونوں ساڈے پار ہون تیک ساڈے اِگے سکھایا سی۔ ²⁴ ۲۴۔ اونے ایہہ ایسس لئی کیتا تاں جے دنیا دیاں ساریاں قوماں جان لین کہ خداوند دا ہتھ وڈا اے تے تُسی ہمشہ خداوند اپنے خدا توں ڈر دے رہو۔