¹ ۱۔ تد یشوع سرگی ویلے اٹھیا تے او سورے بنی اسرائیل شطیم توں لنگ کے یردن آئے تے فیر لتھن توں پلے اوتھے ای رکے ² ۲۔ تے تن دن دے باجوں منصب دار لشکر دے وچوں لنگے ³ ۳۔ تے اوہناں نے لوکاں نوں حکم دیتا پئی جیدوں تسی خداوند اپنے خدا دے عہد دے صندوق نوں ویکھو تے کاہن تے لاوی اونوں چکے ہوئے ہون تے تسی اپنی تھاں تے کھلو کے اوناں دے پیچھے پیچھے ترنا۔ ⁴ ۴۔ پر تیہاڈے تے اوہناں دے وچکار دو ہزار دا فاصلہ روے تے اس تو نیڑے نہ جانا تا پئی تیہانوں پتا ہووے پئی کیڑی راہ تسی ٹرنا وے کیوں پئی تسی ہن تیکر اس راہ توں کدی نہی لنگے ⁵ ۵۔ تے یشوع نے لوکاں نوں آکھیا پئی تسی اپنے آپ نوں پاک کرو کیوں جے پئی کل دے دہاڑے خداوند تیہاڈے وچ ون سوو نے کم کرے گا ⁶ ۶۔ فیر یشوع نے کاہناں نوں آکھیا پئی تسی عہد دے صندوق نوں لے کے لوکاں دے اگے اگے پار لتھو تا فیر او عہد دے صندوق نوں لے کے لوکاں دے اگے اگے ترے ۔ ⁷ ۷ْ۔ تے خداوند نے یشوع نوں آکھیا اج دے دن توں میں سارے اسرائیلیاں دے سامنے سرفراز کرنا شروع کراں گا تا پئی او جان لین کہ جینج میں موسی دے نال رہیا اونج ای تواڈے نال رواں گا۔ ⁸ ۸۔ تے اوہناں کاہناں نوں جیہڑے عہد دے صندوق نوں چکن اے حکم دینا پئی جدوں تسی یردن دے پانی دے کنارے اپڑو تے یردن وچ کھلوتے رہنا ۔ ⁹ ۹۔ تے یشوع نے بنی اسرئیل نوں آکھیا پئی نیڑے آ کے خداوند اپنے خدا دیاں گلاں سنو۔ ¹⁰ ۱۰۔ تے یشوع آکھن لگا پئی اہدے توں تسی جان لو گے کہ زندہ خدا تیہاڈے وچ اے تے اوئی کعنانیاں تے حثیوں تے حویوں تے فرزیاں تے جرجاسیاں تے اموریاں تے یبوسیاں نوں تہاڈے اگوں دفع کر دوے گا۔ ¹¹ ۱۱۔ ویکھو ساری زمین دے مالک دے عہد دا صندوق تہاڈے اگے اگے یردن وچ جان نوں وے۔ ¹² ۱۲۔ ہون تسی ہر قبیلے پیچھے اک بند ے دے حساب نال بارہ بندے اسرائیل دے قبیلیاں چوں چن لوہ۔ ¹³ ۱۳۔ تے جدوں یردن دے پانی وچ اوہناں کاہناں دے پیر دے تلوے لگ جان جیہڑا خداوند یعنی ساری دنیا دے مالک دے عہد دے صندوق نوں چکے ہوئے یردن دے پانی یعنی اوہ پانی جیہڑا اتو ں وگدا ہویا تھلے اپڑ کے کھلو جائے گاتے اوہدا ٹیر لگ جاوے گا۔ ¹⁴ ۱۴۔ تے جدوں لوکاں نے یردن دے پار جان لئی تر پئےتے او ہ کاہن جیہڑے عہد دا صندوق چکے ہوئے سن لوکاں دے اگے اگے ترے۔ ¹⁵ ۱۵۔ تے جدوں عہد دے صندوق نوں چکن والے یردن اپڑے تے اوہناں کاہناں دے پیر جیہڑے صندوق نوں چکے ہوئے سن کنارے دے پانی وچ ڈوبے ( کیوں پئی فصل دے سارے دہاڑے یردن دا پانی اپنے کناریاں توں اتے چڑھیا رہندا اے) ¹⁶ ۱۶۔ تے جیہڑا پانی اتوں آندا سی اوہ دور ادم دے کول جیہڑا ضرتان دے برابر اک شہر وے رک کے اک ٹیر بن گیا تے او پانی میدان دے دریا یعنی دریای شور دی ول وگ گیا سی بلکہ وکھرا ہو گیا تے لوکی یردن دے پار اتر گئے ¹⁷ ۱۷۔ تے اوہ کاہن جیہڑے خداوند دے عہد دا صندوق چکے ہوئے سن یردن دے وچ سکی زمین تے کھلوتے رئےتے سارے اسرائیلی سکی زمین توں ہو کے لنگے ایتھوں تک پئی ساری قوم صاف یردن دے پار ہو گئی۔