¹ ۱۔ فیر نُون دے پُتر یشِوع نے شطیِم دے دو جاسُوساں نُوں چوری نال پیجیا تے اُوناں نُوں آکھیا کہ جاوٗ تے اُوس ملک تے خاص طور تے یریحو نُوں ویِکھ کے آوٗ۔ فیر او ٹر گےٗ تے فیر راحبِ ناں دی کسِی فاحشہ دے گِھر وچ وڑے تے اُوتھے ای رُکے۔ ² ۲۔ یریحو دے بادشِاہ نُوں جدِو ں پتا چلیِا کہ اِج رات کُجھ اسِرائیلی مُلک دے وچ جاسُوسی کرن لئی ایِتھے آےٗ نے۔ ³ ۳۔ فیر یریحو دے بادشِاہ نے راحِب نُوں ایہہ پیِغام پیجِیا کہ جہڑے لوکی تیرے کول آےٗ تے تیرے گِھر وچ وڑ آےٗ نے اُوناں نُوں کِڈ تے اِیتھے لے کے آ کیوں جے او مُلک دی جاسوسی کرآےٗ نے۔ ⁴ ۴۔ اُوس عورت نے اُوناں نُوں کِیتے لُوکا دیتا تے آکھیا کے او مُنڈے میرے کول آےٗ سی پر مینوں پتہ نیں کہ او کیتھوں آےٗ سی۔ ⁵ ۵۔ تے جدوں ھنِیرا ہویا تے پورے شہر نِوں بند کرن دا وِیلا ہویا تے او مُنڈے ٹر گےٗ تے مینوں نیں پتا کہ او کِیتھے گےٗ نے۔ چھیتی دے نال پیچھا کرو تے ہو سکدا اے کہ تُسی اُوناں نُوں لب لو۔ ⁶ ۶۔ پر اُونے اُوناں نُوں سَن دی لکڑیاں دے تھِلے لوکا دِتا جہڑیاں اُونے اُوتھے کٹھیاں کیتیاں سی۔ ⁷ ۷۔ کیوں جے ایہہ لوک جاسُوساں نُوں لبھن لئی اُوس راہ تے ٹر پےٗ جہڑی یردن دی ڈھلان نُوں جاندی اے تے پیچھا کرن آلیاں دے نکلدے ای شہر دے پھاٹک نُوں بند کر دیتا گیا۔ ⁸ ۸۔ اھِدے تُوں پہلاں کہ جاسُوسی کرن آلے لمیں پے جاندے او چھت تے گئی۔ ⁹ ۹۔ تے اُوناں نُوں آکھیا کے میں جاندی آں کہہ خداوند نے ایہہ مُلک تہانُوں دِتا اے۔ ساڈے تے تُہاڈا بوُہت ڈر اے تے پورے مُلک دے لوک ایس ڈر تُوں مِر دے پیےٗ نے۔ ¹⁰ ۱۰۔ کیوں جے اسیں سُنیااے کہ جدو تُسی مصِر تُوں نکلے تے خداوند نے تہاڈے لئی بحر قلزم دے پانی نُوں سُکھا دیتا سی تےتُسی یردن دے مشِرق وِچ رہین آلے اموریاں دے بادشِاہ تے عوج نُوں تباہ کر کے اُوناں دے نال کی سلِوک کیتا۔ ¹¹ ۱۱۔ جدو اسیں ایہہ گِل سُنی تے اسیں پگھل گےٗ تے تہاڈے سببوں سارے لوکاں دا حوصِلہ مِر گیا۔ کیوں جے خداوند تہا ڈا خدا ای اُتے سمان تے تھیلِے زمین دا خدا اے۔ ¹² ۱۲۔ تے ہون خداوند دی قسم کھا کے آکھو کے تُسی میرے خاندان دے نال چنگا کرو گے۔ جیویں میں تہاڈے نال چنگا کیتا اے تے مینوں کوئی سچا نشان دیو۔ ¹³ ۱۳۔ کے تُسی میرے ماِں تے پُیو دی تے میرے بِھرا تے بِھین دی تے اُوناں دے جانن آلیاں نُوں چھڈو گے تے سانوں مِرن تُوں بچاوٗ گے۔ ¹⁴ ۱۴۔ اُوناں مُنڈیاں نے اُونوں یقین دِتا کے ساڈی جان تہاڈی جان نُوں پالے گی شرط ایہہ کے جو اسیں کرنے پیےٗ آں اُھدے بارے تُوں کِسے نُوں نیں دِسیں گی۔ تے جدوں خداوند سانوں ایہہ مُلک دیوے گا تے فیر اسیں تیرے نال چنگا کراں گے۔ ¹⁵ ۱۵۔ فیر اُونے اُوناں نُون کھڑکی وِلوں رِسی دے نال تھِلے لاہ دِتا۔ کیوں جے جہڑے گِھر او رہندی سی او شہر دا ای حصہ سی۔ ¹⁶ ۱۶۔ تے اُونے اُوناں نُوں آکھیا کے پہاڑاں تے ٹر جاوٗ کیوں جے لِبن آلے تہانوں لبن نہ تے تین دن تیک اُوتھے ای لُوکے رہنا جدو ں تیک اُو مُڑ کےنہ آ ون فیر تُسی اِپنی راہ نُوں ٹر پیِینا۔ ¹⁷ ۱۷۔ اُوناں مُنڈیاں نے اُونوں آکھیا کے جہڑی قِسم تُوں سانوں دِتی اے ایسی اُونوں مناں گے۔ ¹⁸ ۱۸۔ کیوں جے تُوں ساڈے ایس مُلک وِچ وڑِدے ویلے اے لال رِسی نُوں تُو سانوں تِھلے لاھیا اے تے تُو اپنے ماں، پُیو بھین، بِھرا تے پُورے خاندان نُوں اپنے گِھر وِچ لے آویں۔ ¹⁹ ۱۹۔ جے کوئی بندہ تیرے گِھر وِچو ں نکل کے کِسے دُوجی تھاں تے ٹر جاوے تے اُھدا خُون اُ ھدے سِر تے ہووے گا۔ تے اسیں اُھدے ذمِہ دار نیں ہواں گے کیوں جے کوئی وی تیرے نال گِھر وچ ہوے تے فیر اُودے اُتے کِسے دا ہتھ پیا تے اُھدا خُون اُھدے اُتے ای ہُوے گا۔ ²⁰ ۲۰۔ کیوں جے تُوں ایہہ ساڈی گِل کِسے ہور نُوں دِسیں تے فیر اسیں ایس قِسم نُوں نیں منِا ں گے جہڑی تُوں سانوں دِتی اے۔ ²¹ ۲۱۔ اُونے آِکھیاٹھِیک اے۔ جیویں تُسی مینوں آکھیا اے اُویویں اِی ہوو ے گا۔ فیر اُونے اُوناں نُوں پیج دِ تا تے او ٹر گےٗ تے اُونے او لال رِسی کھڑکی وچ بن دِتی۔ ²² ۲۲۔ تے او پہاڑاں تے پُونچ گےٗ جیتھے او تین دِن تیک رُکے۔ اِیتھوں تیک کے اُوناں دا پیچھا کرن آلے سارے رِستے وِچ اُوناں نُوں لبدِے رےِ پرلبِ نہ پاےٗ۔ ²³ ۲۳۔ فیر اُو دویں مُنڈے واپس آےٗ تے پہاڑاں تُوں لِتھ کے دریا نُوں پار کر کے نُون دے پُتر یشِوع دے کول آےٗ تے جہڑا کُجھ اُوناں تے بیتیاں سی اُونوں دسیا۔ ²⁴ ۲۴۔ اُوناں نے یشِوع نُوں آکھیا سانوں یقین اے کے خدانے ایہہ سارا مُلک سانُوں دے دِتا اے کیوں جے سارے لوکی ساڈے سببوں ڈر دے نال مِر دے پےٗ نے۔