¹ ۱۔ خداوند دا خادم موسیٰ جدوں مر گیا تے خداوند نے یشوع نوں جہڑا نُون دا پُتر تے موسیٰ دا مددگار سی کیِیا۔ ² ۲۔ موسیٰ میرا خِادم جِہڑا مِر گِیا اے ہون تُوں اُوناں لُوکاں دے نال دریاےٗ یِردن نُوں پار کرکے اُوس ملِک وچِ جان لئی تیار ہوجاوٗجِہڑا میں بنی اسِرائیل نوں دیواں گا۔ ³ ۳۔ تے جِہڑا وعدہ میں موسیٰ نال کیتا سی کہ جس جگہ تے تُو پیر رکھیں گا او جگہ میں تینوں دوا گا۔ ⁴ ۴۔ جنگل تو لے کے لبنان تیک وڈے دریای فرات تو مغرب دے ولے وڈے سمندر حتیاں دا سارا حق تیرا اے۔ ⁵ ۵۔ تیری زندگی دے وچ کوئی وی بندہ تیرے سامنے کھڑا نیں ہووے گا تے جیویں میں موسیٰ دے نال ساں اُویں میں تیرے نال رواں گا۔ نہ میں تینوں چھڈاں گا نہ ای میں تیرے تو دُور ہواں گا۔ ⁶ ۶۔ ایس لئی مضبوط ہوجا تے تسلی رکھ کیوں جے تُوایس قوم نوں اُوس ملک دا وارث بناویں گا جیویں میں اُوناں نُوں دین دی قسم اوناں دے پٗیو دادے نال کھادی۔ ⁷ ۷۔ تے ہن تُو مضبوط تے بہادر ہو تے اُوس شریعت تے عمل کر جہڑی میرے خادِم موسیٰ نے تینوں دِتی سی تے ہن تُو نہ کھبے مُڑیں تے نہ تُو سجے مُڑیں تے جس جگہ تے تُوں جاوے گا او تیری ہوے گی۔ ⁸ ۸۔ تے اے شِریعت دی کتِاب تیرے مُنہ توں کدی دُور نہ ہووے تے تُو دن تے رات ایندے تے دھیان دویں تے جہڑا کُجھ ایندے وچ لِکھیا ہویا اے اُوندے تے عمل کر تے فیر تیرا سِر اوچا ہووے گا تے تُو مقبول ہوویں گا۔ ⁹ ۹۔ تے کی میں تینوں حکم نیں دِتا؟ کہ ہون تُو بہادر ہو تے ڈر نہ ہمت نہ ہار کیوں جے تُو جتھے وی جاویں گا خداوند تیرا خدا تیرے نال ہووے گا۔ ¹⁰ ۱۰۔ :تے یِشوع نے لُوکاں دے سرداراں نوں ایہ حکم دِتا کہ ¹¹ ۱۱۔ لشکر دے ہر پاسے جا کے لوکاں نوں دِسو کہ اپنے راہ دا سامان تیار کر لو کیوں جے تین دن دے وچ دریاےٗ یردن نوں پار کرکے اُوس ملک تے قبضہ کرن لئی جاناں ایں جہڑا خداوند تہاڑے خدا نے تہاڑی جائیدار بنائی اے۔ ¹² ۱۲۔ تے فیر بنی روبن، بنی جد تے منسی دے نِصف خاندان نوں یشوع نے اہیہ آکھیا کہ۔ ¹³ ۱۳۔ تے جہڑی گل خداوند دے خِادم موسیٰ نے تہانوں کہی سی کہ خداوند تہاڈا خدا تہانوں آرام دیندہ ایں تے ملک تہاڈا ایں۔ ¹⁴ ۱۴۔ تے تہاڈی بیویاں تہاڈے بچے تے تہاڈے جانور ایس ملک وچ رہین گے جہڑے موسیٰ نے دریاےٗ یردن دے چڑھدے پاسے وچ لیے سی۔ تہاڈے لڑن آلے سارے مرد تہاڈے اگے اگے جان گے تے آخیر تیک مدد کرن گے۔ ¹⁵ ۱۵۔ تے جدوں تیک خداوند تہاڈا خدا اُوناں نوں آرام نیں دیندا تے اُوس ملک تے جِہڑا خداوند تہاڈے خدا نے اُوناں نال وعدہ کیتا اے قبضہ نہ کر لین۔ اُوس وِیلے تیک تُوں اُوناں نال رویں گاتے فیر تُوں اپنے ملک وچ جاکے آرام کر سکدا ایں تے جِہڑا خداوند دے خِادم موسیٰ نے دیارےٗ یردن تے مشرق دے وچ سورج دے چڑھدے وقت کیتا سی۔ ¹⁶ ۱۶۔ تے فیر اوناں نیں یشوع نوں کیِا کہ جہڑا کُجھ تُوں سانوں کیا اے اسیں او کراں گے تے جتھے جتھے تُوں سانوں گِھلیہ اے اسیں جاواں گے۔ ¹⁷ ۱۷۔ تے جس طراں اسیں امور دے وِچ موسیٰ دے نال سی ایسے طراں تیرے نال رواں گے۔ اِسیں صرف چاھندے ساں کے جس طراں خداوند تیرا خدا موسیٰ دے نال سی تیرے نال وی ہوے۔ ¹⁸ ۱۸۔ تے جہڑا کوئی تیرے خلاف جاوے گا یا تیرا حکم نیں منیں گا اُونوں قتل کر دِتا جاوے گا۔ تُو صرف مضبوط ہو جا۔