¹ ۱۔ پر اسرائیل نے چڑھاوے دیاں شیواں وچ بے ایمانی کیتی۔عکن بن کرمی بن زبدی بن زارح نے جیہڑا یہوداہ دے قبیلے دا سی اوناں وچوں کجھ شیواں لے لیاں سن اس لئی خداوند دا قہر اسرایل تے نازل ہویا۔ ² ۲۔ تے یشوع نے یریحو توں عی نوں جیہڑا بیت ایل دے پورب ول بیت آون دے نیڑے وے کجھ لوکاں اے آکھ کے پیجیا پئی جاو تے اوس علاقے دا جائزہ لے کے آو تے اوناں لوکاں جا کے عی دے بارے پتہ لوایا۔ ³ ۳۔ جدوں او یشوع دے کول مڑ کے آے تے آکھیا ساریاں لوکاں نوں عی جان دئ لوڑ نیں دو یا تین مرد ہی جا کے اودے تے قبضہ کر لین ساریاں لوکاں نوں تکلیف نہ دوہ پئی اوتھے ماثہ کو لوک نے۔ ⁴ ۴۔ تے فیر اندازن تن ہزار لوکاں نے چڑائی کیتی پر عی دے لوکاں نے اوناں نون پجا دیتا۔ ⁵ ۵۔ تے اوناں وچوں اندازن چھتی لوکاں نوں مار وی دتا تے شیر دے دروازے توں شیریم تیکر اوناں دا پچھا کرکے لتھائی تیکر اوناں نوں مار دے گئے ایس وجہ توں سپایاں دے دلاں وچ ڈر پے گیا۔ ⁶ ۶۔ یشوع نے اپنے لیرے پاڑے تے او خداونددے صندوق دے سامنے منہ پرنے زمین تے ڈ گ گیا تے شام تیکر اوتھے ای پئیا رئیا اسرایلی بزورگاں نے وی ایہی کیتا تے اپنے سراں وچ سواہ پائی۔ ⁷ ۷۔ تے یشوع نے آکھیا اے خدا تعالی توں ایس قوم نوں اموریاں دے ہتھاں وچ دے کے برباد کرن واسطے یردن دے ایس پار کیوں لیایا ؟ کاش کہ اسی یردن دے پرلے پاسے ای رہن لی من جاندے۔ ⁸ ۸۔ اے خداوند ہون جدوں بنی اسرایل نے اپنے دشمنان نوں کنڈ وکھای اے تے میں کی کواں ؟ ⁹ ۹۔ کیوں جے کننعانی تے اوس ملک دے ہور لوکی اے سن کے سانوں گھیر لین گے تے ساڈا ناں دھرتی توں مکا دین گےفیر توں اپنے وڈے ناں لئی کی کریں گا۔ ¹⁰ ۱۰۔ خداوند نے یشوع نوں کیہا اٹھ کھلو جا توں کیوں ا نج منہ پرنے پیا وئیں۔ ¹¹ ۱۱۔ بنی اسرایل نے گناہ کیتا اے اوناں میرے اس وعدے نوں توڑیا اے جدے تے میں اوناں نوں پکے رہن دا حکم دیتا سی اوناں نے چڑھاوے دیاں کجھ شیواں لے لیاں نے اوناں نے چوری کیتی تے چوٹھ ماریا تے اوناں نوں اپنیاں شیواں وچ رکھ لیتا۔ ¹² ۱۲۔ ایس گل توں اسرایل اپنے ویریاں دے سامنے کھلو نیں سک دے او اپنی کنڈ وکھاکے پج جاندے نے کیوں جے او اپنی بربادی دے حق دار نے۔ تے جے تسی اپنے وچوں چڑھاوے دیاں ساریاں شیواں نوں ختم نہ کرو گے تے اگوں توں میں تواڈے نال نیں رواں گا۔ ¹³ ۱۳۔ جا تے لوکاں نوں پاک کر ۔اوناں نوں آکھ پئی کل دی تیاری واسطے اپنے آپ نوں پاک کر لو۔ کیوں پئی خداوند اسرایل دا خدا اے آکھ دا اے پئی اسرائیلیو تواڈے وچ چڑھاوے دیاں شیواں نیں تے جدوں تیکر تسی اوناں نوں دور نئی کرو گے تسی اپنے ویریاں دے سامنے کھلو نئی پاو گے۔ ¹⁴ ۱۴۔ سویرے تسی اپنے اپنے قبیلے دے وانگوں آنا تے جس قبیلہ نوں خداوند پھڑے او اک اک خنوادا اگے آوے تے جس خنوادے نوں خداوند پھڑے او اک اک کار بن کے سامنے آ جاوے تے جس کار نوں خداوند پھڑے او اک اک جی کرکے سامنے آجاوے۔ ¹⁵ ۱۵۔ جیڑا کوئی چڑھاوے دیاں شیواں نال پھڑیا جاوے او اپنی ساریاں شیواں نال اگ وچ ساڑیا جاوے گا اونے خدا دے وعدے نوں توڑیا تے بنی اسرایل وچ نموشی والا کم کیتا اے۔ ¹⁶ ۱۶۔ یشوع نے سرگی ویلے اٹھ کے اسرایلیاں دا قبیلہ قبیلہ اکٹھا کیتا تے یہوداہ دا قبیلہ پھڑیا گیا۔ ¹⁷ ۱۷۔ تد یہوداہ دے خنوادے سامنے آئے تے زارح دا خنوادا پھڑیا گیا فیر زارح دے ساریاں لوکاں نوں سامنے لیایا گیا تے زبدی پھڑیا گیا۔ ¹⁸ ۱۸۔ یسوع نے اوہدے کار دے اک اک مرد نوں سامنے بلوایا تے یہوداہ دے قبیلے دا عکن پھڑیا گیا جیڑا زارح دے پتر زبدی دا پوتا تے کرمی دا پتر سی۔ ¹⁹ ۱۹۔ تد یشوع نے عکن نوں آکھیا اے میرے پتر اسرایل دے خدا دی وڈیائی کر تے مینوں دس توں کی کیتا ؟ میرے توں کجھ ناں لوکائیں۔ ²⁰ ۲۰۔ عکن نے کیہا اے سچ وے میں اسرایل دے خدا دا گناہ کیتا وے۔ میں اے کیتا پئی۔ ²¹ ۲۱۔ جدوں میں لٹے ہوئے مال وچوں بابل دی اک سچی چادر ،دو سومثقال چاندی تے پنجاہ مثقال سونے دی اک ایٹ ویکھی تےمیں لالچ کرکے اوناں نوں رکھ لیا۔ اے شیواں میرے تمبو وچ زمین وچ لکایئاں نے تے چاندی اوناں دے تھلے وے۔ ²² ۲۲۔ فیر یشوع نے سنیائی پیجے او نٹھ کے تمبو وچ گئے تے اوناں ویکھیا شیواں تمبو وچ لوکائیاں ہوئیاں نے تے چاندی اوہدے تھلے وے۔ ²³ ۲۳۔ اوناں نے او ساریاں شیواں تمبو وچوں کڈیاں تے اوناں نوں یشوع تے بنی اسرائیل دے کول لئیا کے خداوند دے حضور اچ کھلار کے رکھ دیتا۔ ²⁴ ۲۴۔ تد یشوع نے ساریاں اسرایلیاں سمت زارح دے پتر عکن تے اوس چاندی تے چادر تے سونے دی ایٹ نوں تے اوہدے دھی پتراں نوں اوہدے مال ڈنگرنوں ،گدھیاں تے پیڈاں نوں تے تمبو نوں تے جو کجھ وی اوہدے کول سی ساریاں نوں عکور دی دادی وچ لے گیا۔ ²⁵ ۲۵۔ یشوع نے اونوں آکھیا توں ساڈے تے اے آفت کیوں لے کے آیا ؟ اج دے دن خدا تیرے تے عزاب نازل کرے گا۔ تد ساریاں اسرایلیاں نے اونوں وٹیاں نال ماریا تے اوہدے باقی لوکاں نوں وی وٹیاں نال مار کے ساڑھ دیتا۔ ²⁶ ۲۶۔ تے اوناں نے عکن دے اتے وٹے کھٹے کر کے اک ٹیر لا دیتا۔ جیڑا اج تیکر ہے اے تد خدا دا غصہ بتیرا تھنڈا پے گیا ایس لئی او تھاں اج تیکر وادی عکور دے ناں توں مشہور اے۔