¹ ۱۔ اوہدے بوہت دِناں بعد خُداوند نے بنی اِسرائیل نُوں اوندے آسے پاسے دے دُشمناں ولوں آرام بخشیا تے یشُوع نے جہڑا ہُون تِیک کمزور تے بُڈھا ہو چُکیا سِی۔ ² ۲۔ سارے اِسرایئلیاں نُوں بزُرگاں حاکماں عدالت کرن والیاں تے عہدہ رکھن والیا ں سَنے بلایا تے اوناں نُوں اکھیا میں کمزور تے بُڈھا ہو گیا واں۔ ³ ۳۔ تُسَاں سَب کُجھ ویکھ لیا اے کہ خُداوند تہاڈے خُدا نےتہاڈے لئی اوناں قوماں لئی کِی کِیتا او خُداوند تہاڈا خُدا اِی سِی جہڑا تہاڈے لئی لڑیا ۔ ⁴ ۴۔ یاد کرو کہ کِیویں میں اوناں بچیِاں ہویا ں قُوماں دا تے یردن تو لے کے لہندے وِچ وڈے سُمندر یعنی بحر اقیانوس تک دا سارا مُلک جِینوں میں فتح کِیتا پرچیاں پا کے تہاڈے قبِیلیاں دے وِچ ما لکی وانگُوں ونڈ دِتا۔ ⁵ ۵۔ خُداوند تہاڈا خُدا آپ اوناں نُوں تہاڈے راہ توں ہٹا دے گا او اوناں نُوں تہاڈے اگوں دُور کر دے گا تے تُسیں اوناں دے مُلک اُتے قبضہ کر لو و گے جِیویں کہ خُداوند تہاڈے خُدانےتہاڈے نال وعدہ کِیتا اے۔ ⁶ ۶۔ تے تُسیں ہِمت توں کَم لوو تے جو کُجھ مُوسی دِی شریعت وِچ لکِھیا اے اوندے توں ایدر اودر مُڑیاں بِناں اوندے اوتےعمل کر دے رہو۔ ⁷ ۷۔ وناں قوماں دے نال جہڑیاں تہاڈے وِچ باقی بچیاں نیں کِسے قِسم دا تعلق نہ رکھنا نا نہ اوناں دےبُتاں دے ناں لینا تے نا اِی اوناں دِی قسم کھانا ۔ تُسیں نا اوناں دِی عبادت کرنہ اوناں نُوں سجدہ کرنا۔ ⁸ ۸۔ سگوں تُسیں خُداوند آودے خُدا دے نال جُڑے رہنا جِیویں کہ تُساںاج تیک کِیتا اے۔ ⁹ ۹۔ خُداوند نے تہاڈے اگوں وڈیاں وڈیاں تے طاقت والیاں قوماں نُوں پیچھاں کِیتا اے تے اج دے دن تیِک کوئی بندا تہاڈے اگے کھلو نہ سکیا۔ ¹⁰ ۱۰۔ تہاڈے وِچو ں اِک بندہ ہزار بندیاں نُوں پیچھاں کر دیندا اے کیوں جے خُداوند تہاڈا خُدا آودے وعدے دے مُطابق تہاڈے لئی لڑ دا اے۔ ¹¹ ۱۱۔ لہذا بیلکل خبردار رو وتے خُداوند آودے خُدا دِی محبت وِچ قائم روو۔ ¹² ۱۲۔ پر جے تُسیں گمراہ ہو جاو تے ایناں قوماں دے بچے ہوئے لوکاں دے نال جہڑے تہاڈے وِچ رہ گئیاں نے اوناں نال میل جول کرلو تے اوناں دے نال شادی ویاہ کر لوو یا اوناں نال تعلق ودا لوو۔ ¹³ ۱۳۔ تے یقین منو کہ خُداوند تہاڈا خُدا اوناں قوماں نُوں تہاڈے اگوں بیلکل نا ہٹاوے گا سگوں او تہاڈے لئی جال تے پھندا۔تہاڈی پِٹھ اُتے کوڑھے تے اکھاں وِچ کنڈے بن جاون گے ایتھوں تِیک کہ تُسیں ایس چنگے مُلک توں جِینوں خُداوند تہاڈے خُدا نے تہانُوں دِتا اے مُک جاوٗ گے۔ ¹⁴ ۱۴۔ ہون ویکھو میں اج اوسےراہ جان والا آں جہڑا سارے جہان دا اے تےتُسیں آودے سارے دِل تے جان نال جاندے او کی اوناں سارے چنگے وعدیاں وِچوں جہڑے خُداوند تہاڈے خُدا نے تہاڈے نال کِیتے اِک وِی پُورا ہویاں بِناں نہ رہا ہر وعدہ پُورا ہویا کوئی اِک وِی پُورا ہوئے بِنا ں نہیں ریا ۔ ¹⁵ ۱۵۔ پر جِیویں خُداوند تہاڈے خُدا دا ہر چنگا وعدہ پُورا ہویا اویں اِی خُداوند تہاڈے اُتے او ساریاں آفتاں گھلے گا جہدا اونے تہا نُوں ڈر لئی دسیا اےایتھو تِیک کہ او تہانُوں اوس چنگے مُلک وِچوں جہڑا اونے تہانُوں دِتا اے مُکا دے گا۔ ¹⁶ ۱۶۔ جے تُسیں آودے خُداوند خُدا دے عہد نُوں جہدا حُکم اونے تہانُوں دِتا اے توڑ دیو تے جا کے دُجے بُوتاں دِی بندگی کرو تے اوناں دے اگے سجدہ کرو خُداوند دا قہر تہاڈے اُتے پے جاوے گا تے تُسیں اوس چنگے مُلک توں جِینوں اونے تہانوں دِتا اے چھیتی اِی ختم ہو جاو گے۔