باب ۲۱

1 ۱۔ تد لاویاں دے پُشتی گھرانیاں دے سردار الیعزر کاہن ، نون دے پُتر یشُوع تے بنی اِسرائیل دے قبلیاں دے دُوجے پُشتی گھرانیاں دے سرداراں دے کول آئے ۔ 2 ۲۔ تے ملک کعنان دے سیلا شہر وِ چ اوناں نوں آکھن لگے خداوند نے موسٰی دی معرفت ایہہ حکم دِتا سی کہ تُسیں سانوں رہن لئی شہر تے ساڈے ڈنگراں لئی چرن آلیاں تھاواں دیو۔ 3 ۳۔ لہذا بنی اسرائیل نے خداوند دے حکم دے مطابق آودی آودی میراث وِچوں تھلے لکھے ہوئے شہر تے چرن آلیاں تھاواں لاویاں نوں دِیتیاں۔ 4 ۴۔ پہلی پرچی قہاتیاں دے گھرانیاں دے حق وِچ نکلی جہڑے لاوی سن تے ہارون کاہن دی نسل وِچوں سن ۔اوناں نوں یہودا شمعون تے بن یمین دے قبلیا ں وِچوں تیراں شہر دِتے گئے۔ 5 ۵۔ تے باقی بنی قہات نوں افرائیم دان تے منسی دے اِدھے قبیلے دے فرقیاں وِچوں دس شہر دِتے گئے ۔ 6 ۶۔ بنی جیرسون نوں اشکار آشر نفتالی تے بسن وِچ وسے ہوئے منسی دے اِدھے قبیلے دے فرقیاں وِچوں تیراں شہر دِتے گئے۔ 7 ۷۔ بنی مراری نوں رُوبن جد تے زبولون دے قبلیاں توں اوناں دے گھرانیاں دے مطابق بارہ شہر ملے ۔ 8 ۸۔ لہذا بنی اِسرائیل نے خداوند دے موسٰی دی معرفت دِتے ہوئے حکم دے مطابق لاویاں نوں ایہہ شہر تے اوناں دِیاں چرن آلیاں تھاواں دے دیتیاں ۔ 9 ۹۔ یہوداہ تے شمعون دے قبلیاں توں اوناں نوں نے لکھے ہوئے شہر دِتے جہناں دے ناں دِتے گئے نے۔ 10 ۱۰۔ ( ایہہ شہر ہارون دی نسل دے اوناں لوکاں لئی سن جہڑے لاویاں دے قہاتی فرقے دے سن۔ کیوں جے پہلی پرچی اوناں دے ناں دی سی۔ 11 ۱۱۔ اوناں نے بنی یہوداہ دے کوہستانی ملک وچ قریت اربع ( یعنی حبرون ) اوناں دے آسے پاسے دِیاں چرن آلیاں تھاواں دے نال اوناں نوں دِتا۔(اربع عناق دا پیو سی) 12 ۱۲۔ پر اوس شہر دے آسے پاسے دے کھیت تے پنڈ اوناں نے یفنہ دے پُتر کالب نوں اوھدی میراث دے طور تے دِتے ۔ 13 ۱۳۔ لہذا اوناں نے ہارون کاہن دی نسل نوں حبرون (جیہڑا خون کرن آلے دے لُکن دا شہر سی ) لِبناہ 14 ۱۴۔ یتیر ، اِستموُع 15 ۱۵۔ حولون ، دبیر 16 ۱۶۔ عین ، یُوطہ تے بیت شمس ایہہ نو شہر اوناں دِیاں چرن آلیاں تھاواں دے نال اوناں دے دو قبلیاں وِلوں دِتے ۔ 17 ۱۷۔ تے بنی یمین دے قبیلے وِچوں جبعون ، جبع 18 ۱۸۔ عنتوت تے علمون ایہہ چار شہر اوناں دِیاں چرن آلیاں تھاواں دے نال دِتے ۔ 19 ۱۹۔ ایسس طراں ہارون دی نسل دے کاہناں نوں سارے تیراں شہر اوناں دِیاں چرن آلیاں تھاواں دے نال دِتے گئے۔ 20 ۲۰۔ لاویاں دے باقی قہاتی گھرانیاں نوں افرائیم دے قبیلے دے شہر دِتے گئے۔ 21 ۲۱۔ افرائیم دے کوہستانی ملک وِچ اوناں نوں سِکم ( جہڑا خون کرن آلے دے لُکن داشہر سی ) تے جزر 22 ۲۲۔ قِبِضَیم تے بیت حورُون ایہہ چار شہر اوناں دِیاں چرن آلیاں تھاواں دے نال دِتے گئے۔ 23 ۲۳۔ تے دان دے قبیلہ وچوں وی اوناں نوں اِلتقیہ ، جبتون 24 ۲۴۔ ایالون تے جات رِمون ایہہ چار شہر اوناں دِیاں چرن الیا ں تھاواں دے نال ملے ۔ 25 ۲۵۔ منسی دے اِدھے قبیلے وچوں اوناں نوں تعناک تے جات رِمون ، ایہہ دو شہر اوناں دِیاں چرن آلیاں تھاواں دے نال ملے۔ 26 ۲۶۔ ایہہ سارے دس شہر اوناں دِیاں چرن آلیاں تھاواں دے نال بنی قیات دے باقی گھرانیاں نوں دِتے گئے۔ 27 ۲۷۔ جرسونیاں دے لاوی گھرانیاں نوں : منسی دے اِدھے قبیلے توں بسن وِچ جولان (جہڑا خون کرن آلے دے لُکن دا شہر سی) تے بعستراہ ، ایہہ دو شہر اوناں دِیاں چرن آلیاں تھاواں دے نال دِتے گئے۔ 28 ۲۸۔ اِشکار دے قبیلے توں قِسیُون ، دبرت 29 ۲۹۔ یرموت تے عین جنیم ایہہ چار شہر اوناں دِیاں چرن آلیاں تھاواں دے نال دِتے گئے۔ 30 ۳۰۔ آشر دے قبیلے توں مِسال ، عبدون 31 ۳۱۔ خِلقت تے رُحوب ایہہ چار شہر اوناں دِیاں چرن آلیاں تھاواں دے نال دِتے گئے۔ 32 ۳۲۔ نفتا لی دے قبیلے وچوں جلیل وچ قا دِس (جہڑا خون کرن آلے دے لُکن دا شہر سی) حمات دور قرتان ایہہ تِن شہر اوناں دِیاں چرن آلیاں تھاواں دے نال دِتے گئے۔ 33 ۳۳۔ لہذا جیرسُونیاں دے گھرانیاں دے سارے شہر اوناں دِیاں چرن آلیاں تھاوں دے نال تیراں سن۔ 34 ۳۴۔ مراریاں دے گھرانیاں نوں (یعنی باقی لاویاں نوں):زبولون دے قبیلے وِچوں یقنعام ، قرتاہ 35 ۳۵۔ دِمنہ تے نہلال ایہہ چار شہر اوناں دِیاں چرن آلیاں تھاواں دے نال دِتے گئے ۔ 36 ۳۶۔ رُوبن دے قبیلے وچوں بصر یہصہ 37 ۳۷۔ قدیمات تے مفِعت ایہہ چار شہر اوناں دِیاں چرن آلیاں تھاواں دے نال دِتے گئے۔ 38 ۳۸۔ جد دے قبیلے وچوں جلعاد وچ رامہ (جہڑا خون کرن آلے دے لئی لُکن دا شہر سی ) محنائیم 39 ۳۹۔ حسبون تے یعزیر ت ایہہ سارے شہر اوناں دِیاں چرن آلیاں تھاواں دے نال دِتے گئے ۔ 40 ۴۰۔ لہذا مراری گھرانیاں نوں جہڑے لاویاں دے بچے ہوئے لوک سن سارے بارہ شہر پرچیاں دے راھیں دِتے گئے۔ 41 ۴۱۔ بنی اِسرائیل دی آودی جائیداد دے وِچوں لاویاں دے سارے اڑتالیس شہر سن جہڑے آودی آودی چرن آلیاں تھاواں دے نال سن۔ 42 ۴۲۔ اِناں وِچوں ہر اِک شہر دے آسے پاسے چرن آلیاں تھاواں سن۔ ایہہ سارے شہر ایویں ای سن۔ 43 ۴۳۔ لہذا خداوند نے بنی اسرائیل نوں او سارا ملک دے دِتا جہڑا اونے اوناں دے پیو دادے نوں دین دی قسم کھادی سی تے او اوھدے اوتے قبضہ کر کے اوھدے وِچ وس گئے۔ 44 ۴۴۔ تے خداوند نے اناں نوں اوس قسم دے مطابق جہڑی اونے اوناں دے پیو دادے نال کھادی سی ہر پاسیوں آرام دِتا تے اوناں دے دُشمناں وِچوں کوئی وی اوناں دے اِگے کھلو نہ سکیا ۔ 45 ۴۵۔ جنیں چنگے وعدے خداوند نے اِسرائیل دے گھرانے نال کیتے سن اوناں وِچوں اِک وہ نہ بچیا ۔ ہر وعدہ پورا ہویا۔