¹ ۱۔ تد خداوند نے یشُوع نوں آکھیا۔ ² ۲۔ بنی اسرائیل نوں آکھ دے کہ او اوناں دی ہدایاتاں دے مطابق جہڑ یاں میں موسیٰ دے راھیں دِتییاں نے لوکن دے شہر مقرر کے دین۔ ³ ۳۔ تاں جے کوئی بندہ بھل چوک دے نال کسے نوں مار دیوے تے او اوتھوں نس جاوے تاں جے خُون دا بدلہ لین آلے کو بچ سکے۔ ⁴ ۴۔ جِدوں او اوناں وِچوں کسے شہر نوں نس جاوے تے او شہر دے پھاٹک تے کھلو کے اوس شہر دے وڈھریاں نوں آودی آپ بیتی دِسے۔ تد او اونوں شہر وِچ وڑن دین تے اونوں آودے نال لے جا کے رہین لئی لوئی تھاں دین۔ ⁵ ۵۔ جے خُون دا بدلہ لین آلااوھدا پیچھے ہووے تے او اوس ملزم نوں اوھدے ہتھ نہ دِین کیوں جے اونے آودے گوانڈی نوں بھل چوک دے نال ماریا سی تے اوھدی اوھدے نال کوئی پرانی دُشمنی نیں سی۔ ⁶ ۶۔ تے جِدوں تیک او فیصلے لئی جمات دے سامنے نہ کھلووے تے جِدوں تیک او سردار کاہن جہڑا اوناں دِناں وِچ خدمت کر رہا ہووے مر نہ جاوے تد تیک او ملزم اوسے شہر وِچ روے۔ اوھدے بعد او اوس شہر وِچ آودے گھر واپس ٹر جاوے جیتھوں او نس کے آیا سی۔ ⁷ ۷۔ فیر اوناں نے نفتالی دے کوہستانی ملک وِچ گلیل دے قادِس نوں افراٗیم دے کوہستانی ملک وِچ سِلم نوں تے یہوداہ دے کوہستانی ملک وِچ قریت اربع ( یعنی حبرون) نوں۔ ⁸ ۸۔ تے یریحو دے کول یردن دے چڑھدے پاسے بِن یمین دے قبیلہ دے اُجاڑ دے علاقے دی پدری زمین اوتے وِسدے ہوےٗ بصر نوں جِد دے قبیلے دے رموت نوں جہڑا جلعاد وِچ اے تے منسی دے قبیلے دے جولان نوں جہڑا بسن وِچ اے مقرر کیتا۔ ⁹ ۹۔ کوئی اسرائیلی یا اوناں وِچ وسدا ہویا کوئی پردیسی جہڑا کسے نوں غلطی نال مار دیوے نس کے اوناں مقرر کیتے ہوےٗ شہراں نوں جا سکدا اے تاں جے او انصاف لئی جمات دے سامنے پیش ہون تیک خُون دا بدلہ لین آلے ہتھوں ماریا نہ جاوے۔