¹ ۱۔ دوجی پرچی شمعون دے قبیلہ دے حق وِچ اُوناں دے گھرانیاں دے مطابق نکلی۔ اُوناں دی میراث بنی یہوداہ دے علاقہ دے وِچ سی۔ ² ۲۔ تے اُوناں وِچوں بیرسبع ، یاسیع ، پولادہ۔ ³ ۳۔ حصار سعول ، بالاہ ، عفم۔ ⁴ ۴۔ التولد ، بتول ، حرمہ۔ ⁵ ۵۔ صِقلاج ، بیت مرکبوت ، حصار سُوسہ۔ ⁶ ۶۔ بیت لباوٗت تے ساروحن۔ ایہہ تیرہ شہر سن جہناں وِچ اُوناں دے پنڈ وی شامل سن۔ ⁷ ۷۔ عین، رِمون، عتر تے عسن۔ ایہہ چار شہر سن جہناں وِچ اُوناں دے پنڈ وی شامل سن۔ ⁸ ۸۔ تے بعلات بیر تیک (یعنی جنوب دے رامہ تیک) اِناں شہراں دے چاراں وِل دے سارے پنڈ وی اِناں ای دے سن۔ شمعون دے قبیلہ دی اُوناں دے گھرانیاں دے مطابق میراث ایہی سی۔ ⁹ ۹۔ بنی شمعون دی میراث بنی یہوداہ دے حصہ توں لئی گئی کیوں جے بنی یہوداہ دا حصہ اُوناں دی لوڑ نا لوں بُوھتا سی ایس لئی بنی شمعون نے آودی میراث بنی یہوداہ دے علاقے دے وِچ لئی۔ ¹⁰ ۱۰۔ تیجی پرچی زبولون دے قبیلے دے حق وِچ اُوناں دے گھرانیاں دے مطابق نکلی۔اُوناں دی میراث دی حد سارید تیک سی۔ ¹¹ ۱۱۔ تے لہندے وِل جاندی ہوئی او مرعلہ ےتیک پُونچی تے دباست کولوں لنگدی ہوئی اوس وادی تیک پُونچی جہڑی یُقعام دے آسے پاسے سی۔ ¹² ۱۲۔ سارید توں او چڑھدے ول مڑ کے کسلوت تبور دی سرحد تیک گئی تے دبرت ہوندی ہوئی یفِیع نوں جا نکلی۔ ¹³ ۱۳۔ فیر او چڑھدے وِل ودھ دی ہوئی جتہ حیفر تے عتہ قاضین تیک جا پُونچی تے رِمون توں نکل آئی تے نِیعہ دے وِل مڑی۔ ¹⁴ ۱۴۔ اوتھوں او حد شمال توں مڑ کے حناتوں نوں گئی تے افتاح ایل دی وادی وِچ ختم ہوئی۔ ¹⁵ ۱۵۔ قطات ، نحلال ، سمرون ، اِددالہ تے بیت لحم اُوناں بارہ شہراں وِچ اُوناں دے پنڈ وی شامل سن۔ ¹⁶ ۱۶۔ ایہہ شہر تے اُوناں دے پنڈ بنی زبولون دی اُوناں دے گھرانیاں دے مطابق میراث بنے۔ ¹⁷ ۱۷۔ چوتھی پرچی اشکار دے قبیلہ دے حق وِچ اُوناں دے گھرانیں دے مطابق نکلی۔ ¹⁸ ۱۸۔ اُوناں دے حصے وِچ یزرعیل ، کسُولوت ، شونیم ۔ ¹⁹ ۱۹۔ حفاریٗم ، شیوُن ، اناخرات ²⁰ ۲۰۔ ربیت ، قسیون ، ابِض۔ ²¹ ۲۱۔ ریمت ، عین ، جنیم ، عین حدہ تے بیت فصیص شامل سن۔ ²² ۲۲۔ اِناں دی حد تبور شحصیماہ تے بیت شمس کولوں لنگدی ہوئی یردن تے مُکی۔ ایہہ سولہ شہر سن تے اُوناں دے نال اُوناں دے پنڈ وی سن۔ ²³ ۲۳۔ ایہہ شہر تے اُوناں دے پنڈ بنی اِشکار دے گھرانیاں دے مطابق اُوناں دی میراث سن۔ ²⁴ ۲۴۔ پنجویں پرچی آشیر دے قبیلہ سے حق وِچ اُوناں دے گھراینیاں دے مطابق نکلی۔ ²⁵ ۲۵۔ اُوناں دے حصے وِچ خِلقت ، حلی ، بطن ، اکشاف۔ ²⁶ ۲۶۔ الملک ، عماد تے مسال شامل سن۔ اُوناں دی حد لیندے وِل کرمِل تے سُیور لِبنات تیک پُونچی ۔ ²⁷ ۲۷۔ فیر او چڑھدے ول مڑ کے بیت دجون نوں گئی تے زبولون تے افتاح ایل دی وادی کولوں لنگدی ہوئی آودے کھبے پاسے کبُول توں لگندی ہوئی شمال وِل بیت العمق تے نفی ایل تیک پُونچی ۔ ²⁸ ۲۸۔ فیر عبرون، رِحوب، حمون تے قاناہ بلکہ وڈے صَیدا تیک پُونچی۔ ²⁹ ۲۹۔ فیر او حد رامہ وِل مڑ کے فصیل آلے شہر ضُور تیک ٹر گئی۔ فیر حوسہ وِل مُڑ کے سمندر تیک پُونچی جیتھے اکزیب۔ ³⁰ ۳۰۔ عُمہ ، افیق ، تے رحوب دا علاقہ اے۔ ایس طرح بائی شہر تے اُوناں دے پنڈ اُناں دے حصے وِچ آےٗ۔ ³¹ ۳۱، ایہہ شہر تے اُوناں دے پنڈ بنی آشیر دی اُوناں دے گھرانیاں دے مطابق ایہی میراث سی۔ ³² ۳۲۔ چھویں پرچی بنی نفتالی دے حق وِچ اُوناں دے گھرانیں دے مطابق نکلی۔ ³³ ۳۳۔ اُوناں دی سرحد حلف تے ضعتِیم دے وڈے بلوط توں ادامی نقب تے یبنی ایل توں ہوندی ہوئی لقوم تیک گئی تے یردن تے مُک گئی ۔ ³⁴ ۳۴۔ تے او حد ازنُوت تبور توں ہوندی ہوئی مغرب وِل گئی تے حقُوق وِچوں آنکلی۔ او جنوب وِچ زبولون تیک لیندے وِچ آشر تیک تے چڑھدے وِل یردن تیک پُونچی۔ ³⁵ ۳۵۔ اِناں دے فصیلدار شہر ایہہ سن۔ صِدیم ، صیر ، حمات ، رقت ، کنرت۔ ³⁶ ۳۶۔ ادامہ ، رامہ ، ،حصُور۔ ³⁷ ۳۷۔ قادِس ، ادرعی ، وعین حصور۔ ³⁸ ۳۸۔ ارون ، مجدال ایل ، خریم ، بیت ونات تے بیت شمس۔ اِیویں اُونتی شہر تے اُوناں دے پنڈ سن۔ ³⁹ ۳۹۔ ایہہ شہر تے اُوناں دے پنڈ بنی نفتالی دی اُوناں دے گھرانیاں دے مطابق ایہی میراث سن۔ ⁴⁰ ۴۰۔ ستویں پرچی بنی دان دے قبیلے دے حق وِچ اُوناں دے گھرانیاں دے مطابق نکلی۔ ⁴¹ ۴۱۔ اُوناں دی میراث دے حصے وِچ صرعاہ ، اِستوٗل ، عیر شمس۔ ⁴² ۴۲۔ شعلبین ، ایالون ، اِتلاہ۔ ⁴³ ۴۳۔ ایلون ، تمناہ ، عقُرون۔ ⁴⁴ ۴۴۔ الِتقیہ ، حیتون ، بعلات۔ ⁴⁵ ۴۵۔ یہود ، بنی برق ، جات رِمون۔ ⁴⁶ ۴۶۔ مے یرقُون تے رِقون تے یافہ دے سامنے دا علاقے شامل سن۔ ⁴⁷ ۴۷۔ پر بنی دان نوں آودے علاقے نوں قبضے وِچ رکھن دی مشکل پیش آئی۔ چنانچے اُوناں نے اوتھوں ٹر کے لشم تے حملہ کر کے اوناں بزورِشمشیر نوں قبضے وِچ لے لیا تے اوتھے رہین لگے او لشم وِچ وس گےٗ تے آودے پیو دے ناں تے اُوھدا ناں رکھیا۔ ⁴⁸ ۴۸۔ ایہہ شہر تے اوناں دے پنڈ بنی دان دے قبیلے دی اوناں دے گھرانیاں دے مطابق میراث بنے۔ ⁴⁹ ۴۹۔ جِدوں او ملک نوں مقررہ حصاں دے مطابق ونڈ کے فارغ ہو گےٗ تد بنی اسرائیل نے نوں دے پُتر یشُوع نوں آودے وِچ میراث دِتی۔ ⁵⁰ ۵۰۔ اوناں نے یشُوع نوں ٓودی سوچ دے مطابق افرائیم دے کوہستانی ملک وِچ تِمنت سرح شہر اونوں دے دِتا۔ جیویں کہ خداوند نے حکم دِتا سی تے او اوس شہر نوں بنا کے اوھدے وِچ وس گیا، ⁵¹ ۵۱۔ اے او حصے نے جہناں نوں الیعزر کاہن نون دے پُتر یشُوع تے بنی اسرائیل دے قبیلیاں دے جدی گھرانیاں دے سرداراں نے سِیلا وِچ خیمہ اجتماع دے بوہے تے خداوند دے حضور پرچیاں پا کے ونڈے سن۔ ایس طرح او ملک نُوں ونڈن دے کم توں ویلے ہوےٗ۔