¹ ۱۔ بنی اسِرائیل دے سارے لُوکی شیلوح وچ جمع ہوے تے اُوتھے خیمہ اجتماع کھلاڑیا۔ او ملک اوناں دے قبضے وچ آ گیا سی۔ ² ۲۔ کیوں جے اسِرائیل دے ست قبیلے انج نیں جنہاں نے ہون تیک اپنا حق نیں پایا۔ ³ ۳۔ ایِس لَئی یشِوُع نے بنی اسِرائیل نُوں آکھیا جہڑا ملک خداوند تہاڈے خدا نے تہانوں دِتا اے اُوندے تے حق لیِن لئی تُسی کدوں تیک انتظار کرو گے؟ ⁴ ۴۔ تے ہون ہر قبیلے دے وِچو ں تِن تِن بندے کڈ لو۔ میں اُوناں نُوں پیجا ں گا او ملک نُوں ویِکھن تے ہر اِک دے حق دے مطابق اُھدا حال لِکھن تے فیر او میرے کول واپس آ جان۔ ⁵ ۵۔ تُسی اِیسں مُلک نُوں سَت حصِیاں وچ ونڈ لو۔ بنی یُہودا جنوب اپنے علاقہ وِِچ رہین تے یوسف دے گِھر ِانے شمال دے اپنے وِچ رہین۔ ⁶ ۶۔ جدو ں تُسی ملک دے سِت حصِیاں دا حال لِکھ لو تے اُونوں میرے کول لیاوٗ تے میں خداوند اپنے خدا دے سامنے تہاڈے لئی پرچیِیاں پاواں گا۔ ⁷ ۷۔ تے فیر لاویاں دا تہاڈے وِچ کوئی حصہ نیں ہووے گا۔ کیوں جے خداوند دی خدمت ای اُوناں دی میراث اے تے جد،اوبن تے منسِی دا قبیلہ یردن دے ایسِ پار مشرِق دے وچ آودا حصہ لے لیِا اے۔ جہڑا خداوند دے خادم موسیٰ نے اُوناں نُوں دِتا سی۔ ⁸ ۸۔ یویں ای او لوکی ملک دا نقشہ تیار کرن لئی جان لگے تے یشِوع نے اُوناں نُوں ہدایت دِتی کہ جاوٗ تے اُوس ملک نُوں ویِکھو تے اُھدے حال نُوں جانو۔ تے فیر میرے کول واپس آوٗ تے میں اِیتھے سِیلاہ دے وچ خداوند دے سامنے تہاڈے لئی پرچیاں پاواں گا۔ ⁹ ۹۔ فیر او لوکی ٹر گےٗ تے ملک وچ پھر دے رھ ۔ اُوناں نے سِت حصِیاں دے ہر اِک شہر دا حال اِک طوُمار تے لِکھیا تے سِیلاہ دے رہین آلی جگہ وِچ یِشوُع دے کول ٹر گےٗ ¹⁰ ۱۰۔ فیر یِشوُع نے سِیلاہ وچ خداوند دے سامنے اُوناں لئی پرچیاں پایاں تے اُوتھے ای اُونے او ملک اسرائیل دے آبائی قبیلے دے مطابق ونڈ دِتا۔ ¹¹ ۱۱۔ تے بنی بِن یمین دے قبیلہ دایاں پرچیاں اُوناں دے حصے دی حد یُہودا تے یوسف دے قبیلے وچو ں نکل آئی۔ ¹² ۱۲۔ شمال وِلوں اُوناں دی حد یردن توں شُروع ہوئی تے یریحو دے شمال دے نیویںِ پاسِے وچوں لنگدی ہوئی مغرب دی پاسےکُوہستانی ملک وچو ں ہوکے بِیت آون دے بیابان وِچ پوُنچی۔ ¹³ ۱۳۔ اُوتھوں او لُوز دے جنُوب نیویں تھاں وچ پوُنچی تے اُوتھوں اُوس پہاڑ دے برابر ہوندی ہوئی جہڑی تھیلوں دے بیت حُورون دی جنوب وچ اے عطارات ادار نُوں نکِلی۔ ¹⁴ ۱۴۔ تے او مغرب تُوں مڑ کے جنوب ول تھِلے آئی تے بیت حُورون دے سامنے پہاڑ تُوں ہوندی ہوئی جنوب ول یُہودہ دے اِک شہر قریت بعل نکل آئی ایہہ مغربی حد ٹھِری۔ ¹⁵ ۱۵۔ جنُوبی حد قریت یریم دے باہر دی حد تُوں شروع ہوکے مغرب ول آبِ نفتوح دے چشمہ تیک ٹر گئی۔ ¹⁶ ۱۶۔ اُوتھوں او حد اِیس پہاڑ دے وچ ٹر گئی۔ جہڑے ہنُوم دے پُتر دی وادی دے سامنے دے تے رفائیم دی وادی دے شمال وچ اے۔ اُوتھوں او ہنُوم دی وادی تُوں اُتر دی ہوئی یوسیاں دے شہر دی ڈھلان تُوں ہوندی ہوئی عین راجل نُوں پہنچی۔ ¹⁷ ۱۷۔ فیر او شمال ول مُڑکے عین شِمس نُوں لگندی ہوئی جلیلوت نُوں گئی جہڑی ادومیم دے درہ دے سامنے وے۔ اُوتھوں او رُوبن دے پُتر بوہن دے ہفر تیک اُتر گئی۔ ¹⁸ ۱۸۔ اُوتھوں او بیت اربع دی شمالی ڈھلان تُوں ہوندی ہوئی اربع وچ اُتری۔ ¹⁹ ۱۹۔ فیر او بیت حُجلہ دی شمالی ڈھلان تُوں ہُوندی ہوئی دریاےٗ شور دی شمالی خلیج وچ نکِلی جہڑی جنُوب وچ یرِدن دے سجےِ پاسے تے وے۔ ایہہ جنُوبی حد اے۔ ²⁰ ۲۰۔ تے اُوھدی مشرقی پاسے دی حد یردن تیک سی۔ بنی بِن یمین دے گھِرانیاں دی جاگیِر چاراں ول حد ایہی سی۔ ²¹ ۲۱۔ بنی بِن یمین دے قبیلہ دے شہر اُوناں دے گِھرانے دے مطابق ایہہ سی۔ یریحو، بیت حجلہ ،عمیق ، قصیں۔ ²² ۲۲۔ بیت عرابہ، صمریم، بیت ایل۔ ²³ ۲۳۔ عویم ، فارہ، عفرہ۔ ²⁴ ۲۴۔ کفر المُونی، عُفنی تے جِج۔ ایہہ بارہ شہر سی۔ جہناں دے وچ اُوناں دے پنڈ وی شامل نے۔ ²⁵ ۲۵۔ ججون، رامہ، بیرُوت۔ ²⁶ ۲۶۔ مُصفاہ، کفیرہ، موضہ۔ ²⁷ ۲۷۔ رقم، ارفیل، نرالہ۔ ²⁸ ۲۸۔ ضِلع، الف، بیوسیاں دا شہر جعیت تے قریت ایہہ چودہ شہر سی اُوناں دے نال اُوناں دے پنڈ آلے وی سی۔ بنی یمین دے مُطابق اُوناں گِھرانیاں دی اہِی میراث سی۔