¹ ۱۔ یُوسف دے پہلوٹھے ہون دی وجہ توں منسی دے قبیلے دا ایہہ حصہ سی یعنی مکیر لئی جہڑا منسی دا پہلوٹھا سی۔ مکیر جلعاد یوں دا پیو سی۔ اونوں جلعاد تے بسن ملے سن کیوں جے مکیر جنگ کرن آلا بہادر بندہ سی۔ ² ۲۔ لہذاایہہ حصہ بنی منسی دے باقی لوکاں لئی سی یعنی بنی ا بیعزر ، بنی خلق، بنی اسری ایل، بنی سکم، بنی حضر تے بنی سمیدع دے لئی۔ ایہہ آودے فرقیاں دے مطابق یوسف دے پُتر منسی دے پُتر سن۔ ³ ۳۔ صلافحادبن، حفر بن جلعاد م بن مکیر بن منسی دے پتر نیں سن بلکہ صرف دِھیاں ای سن جہناں دے ناں محلاہ،نوعاہ،حجلاہ،ملکاہ تے ترضاہ سَن۔ ⁴ ۴۔ او الیعزر کاہن نون دے پُتر یشُوع تے سرداراں دے کول جا کے آکھن لگے کہ خداوند نے موسٰی نوں حکم دتا سی کہ او سانوں ساڈے بھراواں دے وچوں حصہ د یوے لہذا یشُوع نے خداوند دے حکم دے مطابق اوہناں دے پیو دے بھراواں دے وِچ اوناں نوں حصہ دتا۔ ⁵ ۵۔ منسی نوں یردن دے چڑھدے پاسے دے جلعاد تے بسن دے علاوہ دس حصے زمین ہور ملی ۔ ⁶ ۶۔ کیوں جے منسی دے قبیلے دیاں دھیاں نے وی پُتراں دے نال حصہ ملیاتے منسی دے باقی پُتراں نوں جلعاد دا ملک ملیا۔ ⁷ ۷۔ منسی دے قبیلے دی حد آشر توں لے کے سکم دے چڑھدے وِچ مکمتات تیک کھِلری ہوئی سی۔ فیر او حد اوتھوں دِکھن عین تفوح دے بندیاں تیک پونچی ۔ ⁸ ۸۔ تفوح دی زمین تاں منسی دی سی پر تفوح شہر جیہڑا منسی دی سرحد اوتے سی افرایئم دا حصہ بنایا گیا۔ ⁹ ۹۔ فیر او حد جنوب ول ودھد دی ہوئی قاناہ دی وادی تیک پُونچی ۔ افرائیم دے کُجھ شہر منسی دے شہراں وِچ سن پر منسی دی حد وادی دے شمال ولوں ہوندی ہوئی سمندر اوتے مُکی ۔ ¹⁰ ۱۰۔ لہذا جنوب وِچ فرائیم دا ملک سی تے شمال وِچ منسی دا۔ منسی دے حصے دی حد سمندر تیک سی تے شمال وِچ آشر تے مشرق وِچ اشکار نال ملی ہوئی سی ۔ ¹¹ ۱۱۔ اشکار تے آشر دیاں حداں وِچ منسی نوں بیت شان ، ابلیعام تے دور ، عین دور ، تعناک تے مجدو تے اوناں دے وِسن آلے اوناں دے آسے پاسے دے پنڈاں دے نال ملے ۔ ایہہ شہر تیناں ضعلیاں نال سن۔ ¹² ۱۲۔ فیر وی بنی منسی اوہناں شہراں وِچ رہا ئینش نہ رکھ سکے کیوں جے کنعانیاں نے اوس علاقے وِچ وسے رہن دا ارادہ کر لیا سی ۔ ¹³ ۱۳۔ فیر جدوں بنی اسرائیل زور آور ہو گے تد اوہناں نے کنعانیاں کولوں ونگار دا کم لینا شروع کو دِتا پر اوہناں نوں اوتھوں کڈیا نیں ۔ ¹⁴ ۱۴۔ بنی یوسف نے یشوع نوں آکھیا کہ اسیں گنتی وِچ بُوہت آں تے خدا نے سانوں بُوہت برکت دِتی اے توں سانوں اِک حصہ ای میراث وِچ کیوں دِتا اے ؟ ¹⁵ ۱۵۔ یشوع نے جواب دِتا جے تُسیں ایسس طرح بے حساب او تے افرائیم دا کوہستانی ملک تہاڈے لئی کافی نیں تے جنگل وِچ ٹُر جاو تے اوتھے فرزیاں تے رفائیاں دے ملک وِچ رُخھ وڈھ کے آودے لئی زمین صاف کر لو۔ ¹⁶ ۱۶۔ بنی یوسف نے جواب دِتا ایہہ کوہستانی ملک ساڈے لئی کافی نیں اے تے میدانی علاقے دے سارے کنعانی بندے بھاویں او بیت شان تے اوھدے پنڈاں دے ہون یا یزرعیل دی وادی دے وِسن آلے ہون لوہے دے رتھاں دے مالک نے۔ ¹⁷ ۱۷۔ پر یشوع نے بنی یوسف دے گھرانے یعنی افرائیم تے منسی نوں آکھیا تسی بُوہت سارے تے بُوہت طاقت آلے وی او تہانوں صرف اِک ای حصہ ملے گا۔ ¹⁸ ۱۸۔ سگوں جنگل نال بھریا ہویا کوہستانی ملک وی تہاڈا اے اونوں وڈھ کے صاف کر لو تے اوھدیاں دور دور دِیاں حداں وی تہاڈیاں نیں ۔حالانکہ کنعانیاں دے کول لوہے دے رتھ نے تے او طاقت آلے نے تےفیر وی تُسیں اوناں نوں کڈ دیو گے۔